Yaa mi ní ɔ nɔ

Yaa munyuyi tsɔwi ɔmɛ a nɔ

Yehowa Odasefohi

Dangme

Mɛni ji Mawu Matsɛ Yemi ɔ?

Mɛni ji Mawu Matsɛ Yemi ɔ?

Anɛ o ma ha heto ke e ji . . .

  • nɔ́ ko nɛ ngɛ wa tsui mi?

  • okadi peemi munyu ko?

  • nɔ yemi ko nɛ ngɛ hiɔwe?

 NƆ́ NƐ BAIBLO Ɔ DE

“Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble.”—Daniel 2:44, Ngmami Klɔuklɔu ɔ.

‘A fɔ bi ha wɔ! Lɛ nɛ e ma ba ye wa nɔ.’—Yesaya 9:6.

BƆ NƐ O MA NÁ HE SE HA

  • E ji nɔ yemi nɛ da, nɛ o ma nyɛ ma ná he se.Yesaya 48:17, 18.

  • Ngɛ je ehe ɔ mi ɔ, adesahi ma ná nɔmlɔ tso mi he wami kpakpa nɛ a maa hi si ngɛ bua jɔmi mi.—Kpojemi 21:3, 4.

 ANƐ WA MA NYƐ MA HE NƆ́ NƐ BAIBLO Ɔ DEƆ MAA YE LO?

Ee, ke e hí kulaa a, ngɛ yi mi tomi enyɔ a he je:

  • Yesu tsɔɔ nɔ́ nɛ Mawu Matsɛ Yemi ɔ ma ba pee. Yesu tsɔɔ e se nyɛɛli ɔmɛ kaa a sɔle nɛ Mawu Matsɛ Yemi ɔ nɛ ba, konɛ a pee Mawu suɔmi nya ní ngɛ zugba a nɔ. (Mateo 6:9, 10) Yesu pee bɔ nɛ a ma plɛ kɛ ha jamɛ a sɔlemi ɔ heto ha a he nɔ hyɛmi nɔ́.

    Benɛ Yesu ngɛ zugba a nɔ ɔ, e ha nihi nɛ hwɔ ngɛ mɛ yee niye ní, e tsa hiɔtsɛmɛ, nɛ e tle ni komɛ nɛ a gbo si! (Mateo 15:29-38; Yohane 11:38-44) Akɛnɛ Yesu ji Mawu Matsɛ Yemi ɔ nya Matsɛ he je ɔ, níhi nɛ e pee ɔ tsɔɔ jɔɔmihi nɛ Matsɛ Yemi ɔ kɛ ma ba ha adesahi hwɔɔ se.Kpojemi 11:15.

  • Níhi nɛ ngɛ nɔ yae ngɛ je ɔ mi ɔ tsɔɔ kaa e be kɛe nɛ Mawu Matsɛ Yemi ɔ maa ba. Yesu gba kɛ fɔ si kaa ke e piɛ bɔɔ nɛ Mawu Matsɛ Yemi ɔ maa ngɔ tue mi jɔmi kɛ ba zugba a nɔ ɔ, ta, hwɔ, kɛ zugba mimiɛmi maa ba.—Mateo 24:3, 7.

    Wa naa ní nɛ ɔmɛ ngɛ je ɔ mi mwɔnɛ ɔ. Enɛ ɔ he ɔ, wa ngɛ nɔ mi mami kaa e be kɛe nɛ Mawu Matsɛ Yemi ɔ ma ba je haomi nɛ ɔmɛ tsuo kɛ je.

 MO SUSU HE NƐ O HYƐ

Kɛ si himi ngɛ Mawu Matsɛ Yemi ɔ mi maa hi kɛɛ?

Baiblo ɔ ha sane bimi nɛ ɔ heto ngɛ LA 37:29YESAYA 65:21-23.