Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Kpale Kɛ Ba Yehowa Ngɔ

 FàEYWIƐ

He Nile Nɛ Kojoɔ Nɔ—‘Du Ha Mi Konɛ Ye Yayami Ɔmɛ Tsuo Nɛ A Je Ye He’

He Nile Nɛ Kojoɔ Nɔ—‘Du Ha Mi Konɛ Ye Yayami Ɔmɛ Tsuo Nɛ A Je Ye He’

“Ní tsumi ehe nɛ i ná a ha nɛ wa weku ɔ si himi pee kpakpa, se e ha nɛ i kɛ ye he ya wo ní peepee yayahi a mi. I bɔni gbijlɔhi yemi, i kɛ ye he woɔ ma kudɔmi ní peemihi a mi, nɛ i bɔni sɔlemi yami po. I ba pee Yehowa Odasefo no nɛ kpa fiɛɛmi yami jeha 40 sɔuu. Pee se ɔ, i ná juɛmi kaa Yehowa kɛ ye tɔmi ɔ be mi pae. Ye he nile kojoɔ mi. Ejakaa, i le anɔkuale ɔ loko i hia blɔ yaya nɛ ɔ.”—Martha.

HE NILE nɛ kojoɔ nɔ ɔ ma nyɛ maa pee kaa tlomi nɛ jiɔ. Matsɛ David ngma ke: “Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.” (La 38:4) Ni komɛ nɛ a ji Kristofohi ɔ yeɔ aywilɛho kɛ bee nɔ, nɛ a náa juɛmi kaa Yehowa kɛ a yayamihi be mɛ pae gblegbleegble. (2 Korinto Bi 2:7) Anɛ susumi nɛ ɔ da lo? Ke o pee yayami nɛ hɛdɔ ngɛ he po ɔ, anɛ lɔ ɔ maa gbla mo kɛ je Yehowa he kɛ ho se lokoo ya nɛ e be nyɛe kɛ maa pa mo lo? Dɛbi, pi jã kulaa!

“Nyɛɛ Ba Nɛ Wɔ Tsuo Wa Susu He”

Yehowa kua we yayami peeli nɛ a tsake a tsui. Anɔkuale mi ɔ, e hlaa a se blɔ! Ngɛ bi ko bɔlɔ ɔ nɔ́ hetomi nɔ́ ɔ mi ɔ, Yesu ngɔ Yehowa kɛ to tsɛ nɛ ngɛ suɔmi nɛ e binyumu je we mi nɛ e ya ba e je mi yaya a he. Pee se ɔ, bi nɛ ɔ pee e juɛmi kaa e maa kpale kɛ ba we. “Benɛ e nyɛɛ tsitsaa lokoo kɛ ma a, e tsɛ ɔ na lɛ, nɛ e ní pee lɛ mɔbɔ, nɛ e sa fo kɛ ho ya fua lɛ, nɛ e fiɔ e nya he.” (Luka 15:11-20) Anɛ o suɔ kaa o maa hɛ mo kɛ su Yehowa he se e peeɔ mo kaa o ngɛ se “tsitsaa lokoo” lo? Kaa bɔ nɛ tsɛ ɔ nɛ ngɛ Yesu nɔ́ hetomi nɔ́ ɔ mi ɔ pee ɔ, Yehowa maa na mo mɔbɔ. E suɔ nɛ o kpale kɛ ba ekohu.

Se ke e peeɔ mo kaa hɛdɔ ngɛ yayami nɛ o pee ɔ he, loo yayamihi nɛ o pee ɔ hiɛ tsɔ pe bɔ nɛ Yehowa kɛ maa pa mo hu nɛɛ? Wa kpa mo pɛɛ, mo susu nine fɔmi nɛ Yehowa kɛ ha ngɛ Yesaya 1:18 ɔ he: Yehowa ke: “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.” Ngɛ anɔkuale mi ɔ, tɔmihi nɛ a ngɛ kaa nɔ́ tsutsuu nɛ tlɔ bo futaa mi po, Yehowa kɛ paa nɔ.

Yehowa sume nɛ o he nile nɛ hi mo kojoe kpamisa. Ke jã a, lɛɛ mɛni o ma nyɛ maa pee konɛ Mawu nɛ ngɔ o yayamihi kɛ pa mo, nɛ o ná he nile kpakpa konɛ o he nɛ jɔ mo? Mo susu níhi enyɔ nɛ Matsɛ David pee ɔ he nɛ o hyɛ? Kekleekle ɔ, e de ke: ‘Ma jaje ye tɔmi ɔmɛ kɛ ha Yehowa.’ (La 32:5) Mo kai kaa Yehowa fɔ mo nine momo kaa o sɔle kɛ ha lɛ konɛ ‘nyɛ susu sanehi a he.’ Moo kplɛɛ nine fɔmi nɛ ɔ nɔ. Moo jaje o tɔmi ɔ ha Yehowa, nɛ o de lɛ bɔ nɛ o nuɔ he ha. David ná níhi a si kpami nɛ ɔ hyɛ, nɛ e sɔle ke: ‘Du ha mi konɛ ye yayami ɔmɛ tsuo nɛ a je ye he. Ke nɔ ko pia e he, nɛ e tsake e tsui ɔ, o kua we lɛ.’La 51:2, 17.

Enyɔne, David ná yemi kɛ buami kɛ je Mawu nane mi dalɔ, nɛ ji gbalɔ Natan ngɔ. (2 Samuel 12:13) Mwɔnɛ ɔ, Yehowa ha wɔ asafo mi nikɔtɔmahi nɛ a tsɔse mɛ konɛ a ye bua yayami peeli nɛ a tsake a tsui ɔ, konɛ a kɛ Yehowa nɛ bɔ huɛ ekohu. Ke o hɛ mo kɛ su asafo mi  nikɔtɔma amɛ a he ɔ, a maa je a tsui mi nɛ a kɛ mo maa sɔle, nɛ a kɛ Ngmami ɔ maa wo o bua. Enɛ ɔ ma ha nɛ o he nile be mo kojoe hu, nɛ o ma ba da o nane nɔ ngɛ Mawu jami mi ekohu.Yakobo 5:14-16.

Yehowa suɔ nɛ o ná he nile kpakpa konɛ o he nɛ jɔ mo

‘A Gbaa Nɔ Nɛ A Ngɔ E Tɔmihi Ngɔ Pa Lɛ’

Ngɛ anɔkuale mi ɔ, eko ɔ, e he maa wa ha mo kaa o maa jaje o tɔmi ɔmɛ kɛ ha Yehowa, nɛ o ma su asafo mi nikɔtɔma amɛ a he konɛ a ye kɛ bua mo. David ná níhi a si kpami ko kaa jã. E “jaje we” e tɔmi ɔ kɛ ya si be ko. (La 32:3) Se pee se ɔ, e ba na kaa e sa nɛ e jaje e tɔmi ɔ nɛ e dla e blɔ.

David ná jã nɛ e pee ɔ he se wawɛɛ nitsɛ. E ná bua jɔmi ekohu. E ngma ke: “A gbaa nɔ nɛ a ngɔ e tɔmihi, kɛ e he yayamihi ngɔ pa lɛ.” (La 32:1) E sɔle hu ke: “Nyɔmtsɛ, bli ye nya, konɛ ma la kɛ je o yi.” (La 51:15) Benɛ Mawu ngɔ David he tɔmihi kɛ pa lɛ nɛ e he nile kojo we lɛ hu ɔ, e ná he wami nɛ e tu Yehowa he munyu kɛ tsɔɔ nihi.

Yehowa suɔ nɛ o ná he nile kpakpa konɛ o he nɛ jɔ mo. E sume kaa o he nile nɛ hi mo kojoe, mohu ɔ, e suɔ nɛ o je o tsui mi nɛ o kɛ bua jɔmi nɛ tu e yi mi tomihi kɛ e he munyu kɛ tsɔɔ nihi. (La 65:1-4) Mo kai kaa e fɔ mo nine kaa o ba e ngɔ ‘konɛ a ngɔ o he yayami ɔmɛ kɛ pa mo.’Bɔfo Ɔmɛ A Ní Tsumi 3:19.

Jã ji bɔ nɛ Martha pee. E de ke: “Ye binyumu ɔ maneɔ mi Hwɔɔmi Mɔ ɔ kɛ Awake! womi tɛtlɛɛ ɔmɛ daa. Bɔɔbɔɔbɔɔ ɔ, i ba bɔni Yehowa lemi ekohu. Benɛ i kpale ye se kɛ ba a, nɔ́ nɛ he wa ha mi pe kulaa ji kaa ma bi konɛ e ngɔ yayamihi tsuo nɛ i pee ɔ kɛ pa mi. Nyagbe ɔ, i sɔle ha Mawu nɛ i kpa lɛ pɛɛ konɛ e kɛ ye yayami ɔmɛ nɛ pa mi. E ngɛ nyakpɛ kaa e he mi jeha 40 sɔuu loko i nyɛ nɛ i kpale kɛ ba Yehowa ngɔ. Ye níhi a si kpami ɔ tsɔɔ kaa, ke nɔ ko kpa Mawu jami jehahi babauu po ɔ, e ma nyɛ maa kpale e se ba sɔmɔ lɛ ekohu konɛ e hi Mawu suɔmi ɔ mi.”