Nihi babauu nɛ a hi si ngɛ Noa be ɔ mi ɔ pee ní yayamihi. 1 Mose 6:5

Adam kɛ Hawa fɔ bimɛ, nɛ nimli a he ba hiɛ fuu ngɛ zugba a nɔ. Pee se ɔ, hiɔwe bɔfo komɛ hu ba piɛɛ Satan he kɛ tsɔ Mawu hɛ mi atua.

A ba zugba a nɔ nɛ a tsake a he kɛ pee nyumuhi bɔ nɛ pee nɛ a nyɛ nɛ a ngɔ yihi. A kɛ yi ɔmɛ fɔ bimɛ nɛ a je oblai nɛ́ a hɛ mi jɔɛ, nɛ a ngɛ he wami.

Je ɔ mi hyi tɔ kɛ nimli nɛ a peeɔ ní yayamihi. Baiblo ɔ de ke: ‘Nimli a yi mi wa, nɛ nɔ́ yaya he pɛ a susuɔ daa.’

 Noa bu Mawu tue nɛ e kpɛ lɛ. 1 Mose 6:13, 14, 18, 19, 22

Noa ji nɔmlɔ kpakpa. Yehowa de Noa kaa e kɛ nyu kpekpemi ngua ko ma kpata nimli yayami ɔmɛ a hɛ mi.

Mawu kpale de Noa kaa e kpɛ lɛ ngua ko kaa daka, konɛ e ngɔ e weku ɔ kɛ lohwe tsuaa lohwe kɛ wo mi.

Noa bɔ nihi kɔkɔ kaa Nyu Kpekpemi ko maa ba, se a bui tue. Ni komɛ ye Noa he fɛu, ni komɛ hu nyɛ lɛ.

Benɛ Noa kpɛ lɛ ɔ ta a, e ngɔ lohwe ɔmɛ kɛ wo mi.