Yaa mi ní ɔ nɔ

Yaa e mi ní ɔ mi

Yehowa Odasefohi

Moo hla gbi Dangme

 Fà1

Mɛni Blɔ Nɔ Wa Guu Kɛ Buɔ Mawu Tue?

Mɛni Blɔ Nɔ Wa Guu Kɛ Buɔ Mawu Tue?

Mawu tuɔ munyu kɛ tsɔɔ wɔ kɛ guu Baiblo ɔ nɔ. 2 Timoteo 3:16

Anɔkuale Mawu ɔ de nyumu komɛ níhi nɛ ngɛ e juɛmi mi nɛ a ngma kɛ wo womi klɔuklɔu ko mi. Womi nɛ ɔ ji Baiblo ɔ nɛ. Munyuhi nɛ a ngma ngɛ Baiblo ɔ mi ɔ he hia, nɛ Mawu suɔ kaa o le.

Mawu le níhi nɛ hi ha wɔ, nɛ lɛ ji Nɔ nɛ e ma nyɛ ma ha wɔ nile nitsɛnitsɛ. Ke o bu lɛ tue ɔ, o maa le ní saminya.—Abɛ 1:5.

Mawu suɔ kaa nɔ tsuaa nɔ nɛ ngɛ zugba a nɔ nɛ e kane Baiblo ɔ. A tsɔɔ Baiblo ɔ sisi kɛ ya gbihi fuu a mi.

Ke o suɔ kaa o maa bu Mawu tue ɔ, lɛɛ e sa nɛ o kane Baiblo ɔ nɛ o nu sisi.

 Nimli nɛ a ngɛ he tsuaa he buɔ tue. Mateo 28:19

Yehowa Odasefohi ma nyɛ maa ye bua mo konɛ o nu Baiblo ɔ sisi.

A tsɔɔ nihi anɔkuale nɛ kɔɔ Mawu he ɔ ngɛ je ɔ mi tsuo.

Ke a tsɔɔ mo ní ɔ, e he hia we nɛ o wo sika ko ngɛ he. O ma nyɛ maa kase Mawu he ní ngɛ Yehowa Odasefohi a Matsɛ Yemi Asa a nɔ ngɛ he nɛ o ngɛ ɔ hulɔ.