Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Ye Womi Nɛ Sɛɛɔ Baiblo Mi Sanehi

Mi Gbami 8: Nɔ́ nɛ Baiblo ɔ De To ɔ Baa Mi

Mi Gbami 8: Nɔ́ nɛ Baiblo ɔ De To ɔ Baa Mi

Pi anɔkuale sanehi nɛ ya nɔ blema a he amaniɛ pɛ nɛ́ Baiblo ɔ bɔ, se e tsɔɔ wɔ níhi nɛ maa ba hwɔɔ se hulɔ. Adesahi be nyɛe maa tsɔɔ nɔ́ nɛ maa ba hwɔɔ se. Enɛ ɔ heje nɛ wa le kaa Mawu ngɔ nɛ Baiblo ɔ je ɔ nɛ. Mɛni Baiblo ɔ de ngɛ hwɔɔ se he?

E de wɔ Mawu ta nguaa nɛ maa ba a he sane. Mawu maa gu ta nɛ ɔ nɔ kɛ je yayami kɛ nimli yayamihi tsuo kɛ je zugba a nɔ, se e maa bu nihi nɛ sɔmɔɔ lɛ ɔ a he. Mawu matsɛ nɛ ji Yesu Kristo ma ha nɛ Mawu sɔmɔli ma ná tue mi jɔmi kɛ bua jɔmi, nɛ a be hiɔ nue hu nɛ a be gboe hu.

E ji bua jɔmi munyu ha wɔ kaa Mawu maa pee paradeiso ehe ngɛ zugba a nɔ, aloo pi ja? Se bɔnɛ pee nɛ waa hi paradeiso nɛ ɔ mi ɔ, e sa kaa waa pee nɔ́ ko. Ngɛ womi nɛ ɔ nyagbe ní kasemi ɔ mi ɔ, wa maa kase nɔ́ nɛ e sa kaa waa pee bɔnɛ pee nɛ wa ná níhi nɛ ngɛ bua jɔmi nɛ Mawu maa pee ha nihi nɛ sɔmɔɔ lɛ ɔ he se. Lɔɔ he ɔ, moo kane Mi Gbami KPAANYƆ konɛ o kase níhi nɛ Baiblo ɔ sɛ hlami de kɛ kɔ hwɔɔ se he ɔ.

Paradeiso mi si himi