Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Ye Womi Nɛ Sɛɛɔ Baiblo Mi Sanehi

Mi Gbami 5: Kɛ je Nyɔguɛ Si Himi ngɛ Babilon kɛ ya su Yerusalem Gbogbo ɔ Fiami Ekohu Nɔ

Mi Gbami 5: Kɛ je Nyɔguɛ Si Himi ngɛ Babilon kɛ ya su Yerusalem Gbogbo ɔ Fiami Ekohu Nɔ

Benɛ Israelbi ɔmɛ ngɛ nyɔguɛ si himi mi ngɛ Babilon ɔ, a kɛ a hemi kɛ yemi ɔ he kahi fuu kpe. A nu Shadrak, Meshak, kɛ Abednego kɛ wo flɔnɔɔ kɛ mi la nɛ ngɛ tsoe gegeege mi, se Mawu ha a je kpo slɔkee. Pee se ɔ, benɛ Mediabi kɛ Persiabi ba ye Babilon nɔ kunimi ɔ, a nu Daniel hu kɛ wo jatahi a muɔ mi, se Mawu bu e he, nɛ e nga jata amɛ a nya nɛ a pee we lɛ nɔ́ ko.

Nyagbe ɔ, Persia matsɛ Koresh ngmɛɛ Israelbi ɔmɛ a he. Nɛ benɛ a ya hi si kaa nyɔguɛhi ngɛ Babilon jeha 70 se ɔ, a kpale kɛ ho a ma mi ya. Níhi nɛ a pee kekleekle benɛ a ya su Yerusalem ɔ kake ji kaa, a ya bɔni Yehowa sɔlemi we ɔ mami. Se, e kɛ we nɛ henyɛli ha a kpa nítsumi ɔ. Lɔɔ he ɔ, benɛ a kpale kɛ ba Yerusalem ɔ, jeha 22 be loko a gbe sɔlemi we ɔ mami nya.

Lɔɔ se ɔ, wa maa na bɔnɛ Ezra hia blɔ kɛ ya Yerusalem nɛ́ e ya dla sɔlemi we ɔ mi. E ya pee enɛ ɔ benɛ a gbe sɔlemi we ɔ nya jeha 47 se. Jeha 13 se ɔ, Nehemia hu ya nɛ e ya ye bua kɛ fia Yerusalem gbogbo ɔ nɛ ku ɔ. Mi Gbami ENUƆ ɔ ngɔ jeha 152 ngɛ yinɔ sane mi.

Ezra kɛ ni ɔmɛ nɛ a ngɛ sɔlee