Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Ye Womi Nɛ Sɛɛɔ Baiblo Mi Sanehi

Ní kasemi 71: Mawu Wo Paradeiso He Si

Ní kasemi 71: Mawu Wo Paradeiso He Si

FONI nɛ ɔ ji paradeiso he foni nɛ́ eko ɔ, Yehowa je kɛ tsɔɔ e gbalɔ Yesaya. Yesaya hi si ngɛ gbalɔ Yona gbenɔ se.

Nihi nɛ a ngɛ Paradeiso

Paradeiso sisi ji “abɔɔ.” Anɛ e kai mo nɔ́ ko nɛ wa kase he ní kɛ sɛ hlami momo ngɛ womi nɛ ɔ mi lo? E ngɛ kaa abɔɔ nɛ ngɛ fɛu ɔ nɛ Yehowa pee ngɔ ha Adam kɛ Hawa a, aloo pi ja? Se anɛ zugba a tsuo ma nyɛ ma plɛ paradeiso niinɛ lo?

Yehowa de e gbalɔ Yesaya kaa e ngma paradeiso ehe nɛ maa ba ha E webi ɔ he sane. E de ke: ‘Ogbetee kɛ jijɔ maa hi si ngɛ he kake ngɛ tue mi jɔmi mi. Nɛ na bi kɛ jata bi ma bla kɛ ye ní, nɛ jokuɛ bɔbɔyoo maa hyɛ a nɔ. Ke bimwɔyo ya fiɛ ngɛ sinɔ duɔtsɛ kasa nya po e be lɛ nɔ́ ko pee.’

Eko ɔ, nihi fuu ma de ke: ‘Enɛ ɔ be nyɛe maa ba mi kɔkɔɔkɔ. Haomi ngɛ zugba a nɔ, nɛ e maa ya nɔ ja daa.’ Se mo susu he nɛ o hyɛ: Kɛ si himi he nɛ Yehowa ha Adam kɛ Hawa ngɛ kɛɛ?

Mawu ngɔ Adam kɛ Hawa kɛ wo paradeiso mi. Yehowa tue nɛ a gbo ɔ heje nɛ a je mɛ kɛ je a si himi he nɛ ngɛ fɛu ɔ nɛ, nɛ a bwɔ nɛ a gbo. Se Mawu wo si kaa e maa ngɔ níhi nɛ je Adam kɛ Hawa dɛ ɔ tsuo kɛ ha nihi nɛ suɔ lɛ ɔ.

Haomi aloo nɔ́ nami ko be paradeiso nɛ maa ba hwɔɔ se ɔ mi hie. Tue mi jɔmi maa hi si. Adesahi tsuo ma ná nɔmlɔtso mi he wami kɛ bua jɔmi. E maa hi kaa bɔnɛ Mawu suɔ kaa e hi ngɛ sisije ɔ pɛpɛɛpɛ. Se pee se ɔ, wa maa kase bɔnɛ Mawu maa pee enɛ ɔ ha a he ní.

Yesaya 11:6-9; Kpojemi 21:3, 4.



Sane Bimihi

  • Mɛnɔ ji Yesaya, nɛ mɛni be mi e hi si? Mɛni Yehowa je kɛ tsɔɔ lɛ?
  • Mɛni ji “paradeiso” sisi, nɛ mɛni e kaiɔ mo?
  • Mɛni Yehowa de Yesaya kaa e ngma ngɛ paradeiso ehe nɛ maa ba hwɔɔ se ɔ he?
  • Mɛni heje Adam kɛ Hawa si himi he nɛ ngɛ fɛu ɔ je a dɛ?
  • Mɛni siwo Yehowa kɛ ha nihi nɛ suɔ lɛ?

Sane bimi kpahi

  • Kane Yesaya 11:6-9.

    Kɛ Mawu Munyu ɔ tsɔɔ tue mi jɔmi nɛ maa hi lohwehi kɛ adesahi a kpɛti ngɛ je ehe ɔ mi nya kɛɛ? (La 148:10, 13; Yes. 65:25; Ezek. 34:25)

    Kɛ ji bɔnɛ Yesaya munyu ɔ ngɛ mi bae ngɛ Yehowa webi a kpɛti mwɔnɛ ɔ kɛɛ? (Rom. 12:2; Efe. 4:23, 24)

    Mɛnɔ sa yi jemi ngɛ tsakemihi nɛ́ nihi ngɛ pee ngɛ suhi nɛ a hɛɛ ɔmɛ a he mwɔnɛ ɔ, kɛ nɔ́ nɛ maa ba ngɛ je ehe ɔ mi ɔ he? (Yes. 48:17, 18; Gal. 5:22, 23; Fil. 4:7)

  • Kane Kpojemi 21:3, 4.

    Mɛni blɔ nɔ Ngmami ɔ tsɔɔ ngɛ kaa Mawu si himi ngɛ adesahi a kpɛti ngɛ zugba a nɔ ji okadi peemi mi nɔ́ ko, se pi helo nya si himi? (3 Mose 26:11, 12; 2 Kron. 6:18; Yes. 66:1; Kpoj. 21:2, 3, 22-24)

    Mɛni ya fomi kɛ nɔ́ nami nɛ be si hie hu ɔ? (Luka 8:49-52; Rom. 8:21, 22; Kpoj. 21:4)