Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Ye Womi Nɛ Sɛɛɔ Baiblo Mi Sanehi

Ní kasemi 36: Sika Tsu Na Bi ɔ

Ní kasemi 36: Sika Tsu Na Bi ɔ

AO, AO! Mɛni ma a ngɛ pee nɛ ɔ? A ngɛ sɔlee kɛ ngɛ na bi hae! Mɛni heje a ngɛ enɛ ɔ pee?

Benɛ Mose se ya kɛ ngɛ yoku ɔ nɔ ɔ, mabi ɔmɛ de ke: ‘Wa li nɔ́ nɛ ya ba Mose nɔ. Lɔɔ he ɔ, nyɛ ha waa pee mawu nɛ́ ma nyɛɛ wa hɛ mi kɛ je zugba nɛ ɔ nɔ.’

Mose nɛ e ngɔ tɛ tɛtlɛɛ enyɔ ɔmɛ kɛ ngɛ si fiae

Mose nyɛmi Aaron de mɛ ke: ‘Yoo, i nu. Nyɛ je nyɛ sika tsu tue nya ní ɔmɛ ba ha mi.’ Aaron sile tue nya ní ɔmɛ nɛ a kɛ ba ha lɛ ɔ kɛ pee sika tsu na bi. Nɛ ma a de ke: ‘Wa Mawu nɛ je wɔ kɛ je Mizraim ɔ, lɛ ji nɛ ɔ nɛ!’ Kɛkɛ nɛ Israelbi ɔmɛ ngmɛ okplɔɔ ngua, nɛ a ja sika tsu na bi ɔ.

Benɛ Yehowa na enɛ ɔ, e mi mi fu saminya. Lɔɔ he ɔ, e de Mose ke: ‘Mo kple si esɔesɔ. Ma a ngɛ nɔ́ yayami pee nitsɛ. A je a hɛ ngɛ ye mlaa amɛ a he nɛ a bɔni si kplami ha sika tsu na bi.’

Nihi nɛ a ngɛ sika tsu na bi ko jae

Mose kple yoku ɔ kɛfokɛfo. Nɛ benɛ e su ma a he ta a, nɔ́ nɛ e na ji nɛ ɔ nɛ: Mabi ɔmɛ ngɛ lae nɛ a ngɛ doe kɛ ngɛ sika tsu na bi ɔ bɔlee! Mose mi mi fu nɛ e ngɔ tɛ tɛtlɛɛ enyɔ ɔmɛ nɛ mlaa amɛ ngɛ nɔ ɔ kɛ fia si, nɛ a ywia. Kɛkɛ nɛ e ngɔ sika tsu na bi ɔ hu nɛ e sile lɛ. Nɛ e wɛɛ lɛ kɛ pee mamu.

Ma a pee yayami wawɛɛ nitsɛ. Lɔɔ he Mose de nyumu ɔmɛ a ti ni komɛ kaa a ngɔ a klaatehi. Mose de ke: ‘Nimli yayami ɔmɛ tsuo nɛ a ja sika tsu na bi ɔ sa gbenɔ.’ Enɛ ɔ he ɔ, nyumu ɔmɛ gbe nimli 3,000! Anɛ enɛ ɔ tsɔɔ we wɔ kaa e sa nɛ waa hyɛ nɛ hi konɛ wa ja Yehowa pɛ, se pi lakpa mawu kpa ko lo?

2 Mose 32:1-35.



Sane Bimihi

  • Mɛni ni ɔmɛ ngɛ foni ɔ mi ɔ ngɛ pee, nɛ mɛni heje?
  • Mɛni heje Yehowa mi mi fu ɔ, nɛ mɛni Mose pee benɛ e na nɔ́ nɛ mabi ɔmɛ ngɛ pee ɔ?
  • Mɛni Mose de nyumu ɔmɛ a kpɛti ni komɛ ke a pee?
  • Mɛni ní e sa kaa waa kase kɛ je sane nɛ ɔ mi?

Sane bimi kpahi

  • Kane 2 Mose 32:1

    Kaa bɔnɛ sane ɔ tsɔɔ ɔ, mɛni ji Yehowa juɛmi ngɛ lakpa jami nɛ a kɛ futuɔ anɔkuale jami ɔ he? (2 Mose 32:4-6, 10; 1 Kor. 10:7, 11)

    Mɛni e sa kaa Kristofoli nɛ hyɛ saminya ngɛ hɛja jemihi nɛ a kɛ a he woɔ mi kaa, lami kɛ domi ɔ he? (2 Mose 32:18, 19; Efe. 5:15, 16; 1 Yoh. 2:15-17)

    Levi wɛtso ɔ pee dami ní peepee se fimi he nɔhyɛ nɔ́ kpakpa ngɛ mɛni blɔ nɔ? (2 Mose 32:25-28; La 18:25)