Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Ye Womi Nɛ Sɛɛɔ Baiblo Mi Sanehi

Ní kasemi 9: Noa Kpɛ Lɛ

Ní kasemi 9: Noa Kpɛ Lɛ
Nihi nɛ a ngɛ Noa muɔe

NOA ngɛ yo kɛ binyumuhi etɛ. A tsɛɛ mɛ Shem, Ham kɛ Yafet. A ti nɔ tsuaa nɔ ngɛ yo kakaaka. Lɔɔ he ɔ nimli nɛ ngɛ Noa weku ɔ mi ɔ, a yibɔ ji kpaanyɔ.

Mawu ha nɛ Noa pee nɔ́ ko nɛ ngɛ nyakpɛ. E de lɛ ke e kpɛ lɛ nguaa ko. Lɛ nɛ ɔ kle kaa mele, se e ngɛ kaa daka nguaa nɛ e ka gagaaga hulɔ. Mawu de lɛ ke, ‘Kpɛɛ lɛ ɔ siaudo etɛ nɛ́ o pee tsuhi kɛ wo mi.’ Noa kɛ e weku ɔ maa hi tsu ɔ ekomɛ a mi, nɛ a niye ní kɛ lohwehi hu maa hi tsu kpa amɛ a mi.

Mawu de Noa ke e kpɛ lɛ ɔ bɔnɛ nyu be nyɛe maa sɛ mi. E de ke: ‘Ma ha nyu afua nguaa ma ba kpata je ɔ tsuo hɛ mi. Nɔ tsuaa nɔ nɛ be lɛ ɔ mi ɔ ma gbo.’

Noa kɛ e bimɛ ɔmɛ bu Yehowa tue nɛ a je lɛ ɔ kpɛmi sisi. Se ni kpa amɛ lɛɛ muɔmi kɛkɛ nɛ a ngɛ mɛ muɔe. A ya nɔ nɛ a pee ní yayamihi. Benɛ Noa de mɛ nɔ́ nɛ Mawu ma peemi ɔ, nɔ ko nɔ ko he we lɛ yi.

Noa kɛ e weku ɔ nɛ a kɛ lohwehi kɛ niye ní ngɛ lɛ ɔ mi woe

A ngɔ be gagaa kɛ kpɛ lɛ ɔ ejakaa e kle saminya. Nyagbe ɔ, a gbe lɛ ɔ kpɛmi nya ngɛ jehahi fuu se. Mawu de Noa ke e ngɔ lohwehi kɛ wo lɛ ɔ mi. E de lɛ ke e ngɔ lohwe henɔhi komɛ enyɔɔnyɔ, nɛ ji eku kɛ eyo kɛ wo lɛ ɔ mi. Se lohwe kpahi komɛ lɛɛ Mawu de lɛ ke e ngɔ kpaagokpaago kɛ wo lɛ ɔ mi. Jehanɛ se, Mawu de Noa ke e ngɔ lohwe pɛlitsɛmɛ slɔɔtoslɔɔtohi kɛ wo lɛ ɔ mi. Noa pee bɔnɛ Mawu de lɛ ɔ pɛpɛɛpɛ.

Pee se ɔ, Noa kɛ e weku ɔ hu sɛ lɛ ɔ mi. Kɛkɛ nɛ Mawu nga sinya a. Noa kɛ e weku ɔ mlɛ ngɛ lɛ ɔ mi. Ngɔɔ lɛ kaa o piɛɛ a he ngɛ lɛ ɔ mi nɛ nyɛ ngɛ mlɛe. Anɛ nyu afua ko maa ba niinɛ kaa bɔnɛ Mawu de ɔ lo?

1 Mose 6:9-22; 7:1-9.



Sane Bimihi

  • Nihi enyɛmɛ ngɛ Noa weku ɔ mi, nɛ kɛ a tsɛɛ e binyumu ɔmɛ kɛɛ?
  • Mɛni nɔ́ ko nɛ ngɛ nyakpɛ Mawu de Noa ke e pee, nɛ mɛni heje?
  • Benɛ Noa de ni ɔmɛ nɔ́ heje nɛ e ngɛ lɛ ɔ kpɛe ɔ, kɛ a pee a ní ha kɛɛ?
  • Mɛni Mawu de Noa kaa e pee ngɛ lohwe ɔmɛ a he?
  • Benɛ Mawu nga lɛ ɔ sinya a se ɔ, mɛni e biɔ nɛ Noa kɛ e weku ɔ nɛ pee?

Sane bimi kpahi

  • Kane 1 Mose 6:9-22.

    Mɛni ha Noa pee Mawu jalɔ nɛ ngɛ slɔɔto ngɛ ni kpa amɛ a he ɔ? (1 Mose 6:9, 22)

    Kɛ Yehowa nuɔ basabasa peemi he ha kɛɛ, nɛ kɛ e sa kaa enɛ ɔ nɛ́ kɔ wa hɛja jemihi a he kɛɛ? (1 Mose 6:11, 12; La 11:5)

    Mɛni blɔ nɔ wa ma nyɛ maa kase Noa ngɛ ke a ngɔ blɔ tsɔɔmi nɛ je Yehowa blɔ nya tomi ɔ mi kɛ ha wɔ ɔ? (1 Mose 6:22; 1 Yoh. 5:3)

  • Kane 1 Mose 7:1-9.

    Mɛni blɔ nɔ bɔnɛ Yehowa bu Noa nɛ́ yi mluku ɔ dalɔ ɔ woɔ wɔ he wami ngɛ mwɔnɛ ɔ? (1 Mose 7:1; Abɛ 10:16; Yes. 26:7)