Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Ye Womi Nɛ Sɛɛɔ Baiblo Mi Sanehi

Ní kasemi 6: Bi Kpakpa kɛ Bi Yayami

Ní kasemi 6: Bi Kpakpa kɛ Bi Yayami

AMLƆ nɛ ɔ hyɛ Kain kɛ Habel. Mɛ tsuo a wa. Kain ba pee ngmɔ hulɔ. E duɔ blɛfo kɛ tso yiblii kɛ ngmɔ nɔ ní tsɔwi.

Kain kɛ Habel nɛ a ngɛ afɔle sae ha Mawu

Habel ba plɛ to hyɛlɔ. E suɔ to bihi a nɔ hyɛmi. To bi ɔmɛ waa, nɛ e kɛ we nɛ Habel ba ná tohi fuu nɛ́ e ngɛ lɛe.

Ligbi ko ɔ, Kain kɛ Habel ngɔ nike ní kɛ ba ha Mawu. Kain ngɔ e ngmɔ nɔ ní komɛ kɛ ba. Nɛ Habel hu ngɔ e to ɔmɛ a kpɛti nɔ́ nɛ wo zɔ kɛ ba. Yehowa bua jɔ Habel kɛ e nike ní ɔ he. Se e bua jɔɛ Kain kɛ e nike ní ɔ he. Anɛ o le nɔ́ nɛ ha e ba ja lo?

Pi Habel nike ní ɔ nɛ́ hi pe Kain nɔ́ ɔ kɛkɛ. Se mohu ɔ, nɔmlɔ kpakpa nɛ Habel ji heje. E suɔ Yehowa nɛ e suɔ e nyɛmi ɔ hulɔ. Kain lɛɛ nɔmlɔ yayami ji lɛ; e sume e nyɛmi ɔ.

Lɔɔ heje ɔ, Mawu de Kain ke e tsake e subai. Se Kain bui tue. E mi mi fu wawɛɛ ejakaa Mawu suɔ e nyɛmi ɔ pe lɛ. Lɔɔ he ɔ, Kain de Habel ke, ‘Ha waa ho ngmɔ ɔ mi ya.’ Benɛ mɛ ni enyɔ ɔmɛ pɛ a ngɛ ngmɔ ɔ mi ɔ, Kain fia Habel nɔ́. E fia lɛ nɔ́ wawɛɛ nɛ e gbo. Anɛ pi yi kpɛti wawɛ nɔ́ nɛ Kain pee nɛ ɔ lo?

Kain nɛ ngɛ fo tue benɛ e gbe Habel ɔ

Habel gbo lɛɛ, se Mawu ngɛ lɛ kaie kɛ ba su piɔ. Habel ji nɔmlɔ kpakpa, nɛ Yehowa hɛ ji nihi nɛ ngɛ kaa ja a nɔ. Lɔɔ heje ɔ, Yehowa Mawu ma tle lɛ si kɛ ba wami mi hwɔɔ se. Ngɛ jamɛ a be ɔ mi ɔ, Habel be gboe hu gblegbleegble. E maa hi si ngɛ zugba a nɔ kɛ maa ya neneene. Anɛ o maa suɔ kaa o le nihi nɛ a ngɛ kaa Habel lo?

Se Mawu bua jɔɛ nihi nɛ a ngɛ kaa Kain he. Lɔɔ heje benɛ Kain gbe e nyɛmi ɔ, tue gblami nɛ́ Mawu kɛ ha lɛ ji kaa, E ha nɛ e je e wekuli a he kɛ sɛ nga. Benɛ Kain yaa konɛ e ya po e ma ngɛ he kpa a, e ngɔ e nyɛmiyi ɔmɛ a kpɛti nɔ kake kɛ ho, nɛ e ya pee e yo.

Be komɛ a se ɔ, Kain kɛ e yo ɔ ba fɔ bimɛ. Adam kɛ Hawa binyumuhi kɛ biyihi kpahi hu sɛ gba si himi mi, nɛ mɛ hu a fɔ bimɛ. E kɛ we nɛ nimli ba hiɛ fuu ngɛ zugba a nɔ. Ha nɛ waa kase a ti ni komɛ a he ní.

1 Mose 4:2-26; 1 Yohane 3:11, 12; Yohane 11:25.



Sane Bimihi

  • Mɛni nítsumi Kain kɛ Habel tsuɔ?
  • Mɛni ji nike ní nɛ́ Kain kɛ Habel kɛ ba ha Yehowa a?
  • Mɛni ha Yehowa bua jɔ Habel nike ní ɔ he, se Kain nɔ́ ɔ lɛɛ e bua jɔɛ he ɔ?
  • Mɛni nɔmlɔ ji Kain, nɛ mɛni mɔde Yehowa bɔ kaa e ma dla e juɛmi?
  • Mɛni Kain pee benɛ e piɛ e kɛ e nyɛmi ɔ pɛ ngɛ ngmɔ ɔ nɔ ɔ?
  • Moo tsɔɔ nɔ́ nɛ ba Kain nɔ benɛ e gbe e nyɛmi ɔ.

Sane bimi kpahi

  • Kane 1 Mose 4:2-26.

    Kɛ Yehowa de ngɛ blɔ yaya nɛ́ Kain ngɛ nɔ gue ɔ he kɛɛ? (1 Mose 4:7)

    Kain je nɔ́ nɛ ngɛ e tsui mi kpo ngɛ mɛni blɔ nɔ? (1 Mose 4:9)

    Kɛ Yehowa susuɔ ngɛ nihi nɛ́ pee we nɔ́ ko se a pueɔ a muɔ si ɔ he kɛɛ? (1 Mose 4:10; Yes. 26:21)

  • Kane 1 Yohane 3:11, 12.

    Mɛni heje Kain mi mi fu wawɛɛ ɔ, nɛ kɛ enɛ ɔ peeɔ kɔkɔ bɔmi ha wɔ mwɔnɛ ɔ kɛɛ? (1 Mose 4:4, 5; Abɛ 14:30; 28:22)

    Mɛni blɔ nɔ Baiblo ɔ tsɔɔ ngɛ kaa ke wa wekuli tsuo kua Yehowa tete po ɔ, wa ma nyɛ maa hɛɛ wa anɔkuale yemi mi kɛ pi si? (La 27:10; Mat 10:21, 22)

  • Kane Yohane 11:25.

    Mɛni siwo Yehowa kɛ ha ngɛ nihi tsuo nɛ́ a gboɔ ngɛ nɔ́ nɛ da peemi heje? (Yoh. 5:24)