Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Níhi Nɛ O Ma Nyɛ Maa Kase Ngɛ Baiblo ɔ Mi

 NÍ KASEMI 56

Yosia Bua Jɔ Mawu Mlaa a He

Yosia Bua Jɔ Mawu Mlaa a He

Benɛ Yosia ye jeha kpaanyɔ ɔ, a wo lɛ matsɛ ngɛ Yuda. Jamɛ a be ɔ mi ɔ, ma a mi bi ɔmɛ tsuɔ kunya, nɛ a jaa wɔ. Benɛ Yosia ye jeha 16, e bɔ mɔde kaa e ma ja Yehowa ngɛ blɔ kpakpa nɔ. Benɛ e ye jeha 20 ɔ, e ku amagahi kɛ afɔle sami la tɛhi tsuo nɛ ngɛ ma a mi ɔ. Benɛ e ye jeha 26, e ha nɛ a dla Yehowa sɔlemi we ɔ.

Osɔfo Hilkia na Yehowa Mlaa a nɛ a ngma ngɛ womi kpo ɔ mi ɔ. Eko ɔ, womi kpo nɛ Mose ngma a lɛ e na a nɛ. Shafan, nɛ ji matsɛ ɔ womi ngmalɔ ɔ ngɔ womi ɔ kɛ ya ha Yosia. Shafan bɔni Mlaa a kanemi wawɛɛ kɛ ngɛ Yosia tsɔɔe. Benɛ Yosia ngɛ tue bue ɔ, e na kaa ma mi bi ɔmɛ pee níhi nɛ Yehowa sume jehahi babauu. Matsɛ Yosia de Hilkia ke: ‘Yehowa mi mi fu wɔ wawɛɛ. Yaa nɛ o kɛ Yehowa nɛ ya tu munyu. Yehowa maa tsɔɔ wɔ nɔ́ nɛ e sa kaa waa pee.’ Yehowa gu gbalɔyo Hulda nɔ kɛ ha mɛ heto. E de ke: ‘Yuda bi ɔmɛ je ye se. Ma gbla a tue lɛɛ, se i be a tue gblae be mi nɛ Yosia ngɛ matsɛ yee, ejakaa e baa e he si.’

Benɛ Matsɛ Yosia nu nɔ́ nɛ Yehowa de ɔ, e ho sɔlemi we ɔ ya nɛ e tsɛ Yuda bi ɔmɛ kɛ ba lejɛ ɔ. E kane Yehowa Mlaa a kɛ tsɔɔ ma mi bi ɔmɛ tsuo. Yosia kɛ ma mi bi ɔmɛ tsuo wo Yehowa si kaa a maa bu lɛ tue kɛ a tsui tsuo.

 Yuda ma a yi He Tsɔmi gbijlɔ ɔ jeha babauu. Se benɛ Yosia kane ngɛ Mlaa a mi kaa e sa nɛ a ye He Tsɔmi gbijlɔ ɔ daa jeha a, e de ma a ke: ‘Wa maa ye He Tsɔmi ɔ kɛ ha Yehowa.’ Lɔ ɔ se ɔ, e sã afɔlehi fuu ha Yehowa, nɛ e to blɔ nya konɛ a ná nihi nɛ a ma la ngɛ sɔlemi we ɔ. Yuda bi ɔmɛ ye He Tsɔmi ɔ, nɛ lɔ ɔ se ɔ, a ye Abolokplolo Gbijlɔ ɔ hu ligbi kpaago. Kɛ je Samuɛl yi nɔ kɛ ma a, a yi He Tsɔmi ko kaa jã hyɛ. Yosia bua jɔ Mawu Mlaa a he wawɛɛ nitsɛ. Anɛ o bua jɔɔ he kaa o maa kase Yehowa he ní lo?

“O munyu ɔ ji kane nɛ i kɛ hyɛɔ ye nane nya; o munyu ɔ ji la nɛ haa ye blɔ mi tɛ̃ɔ.”​​—La 119:105