Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Níhi Nɛ O Ma Nyɛ Maa Kase Ngɛ Baiblo ɔ Mi

 NÍ KASEMI 97

Konelio Ná Mumi Klɔuklɔu ɔ

Konelio Ná Mumi Klɔuklɔu ɔ

Nyumu ko hi Kaisarea nɛ a tsɛɛ lɛ ke Konelio. E ji Roma tatsɛ nɔkɔtɔma. Tsa pi Yuda no ji lɛ mohu lɛɛ, se Yuda bi ɔmɛ buɔ lɛ wawɛɛ. E jeɔ e tsui mi kɛ yeɔ bua ohiatsɛmɛ. Konelio ngɛ hemi kɛ yemi ngɛ Yehowa mi nɛ e sɔleɔ daa ligbi. Ligbi ko ɔ, Mawu bɔfo ko je e he si kɛ tsɔɔ Konelio nɛ e de lɛ ke: ‘Mawu bu o sɔlemi ɔmɛ tue. Moo tsɔ nihi kɛ ya Yopa, ngɛ he nɛ Petro ngɛ ɔ, nɛ a de lɛ ke e ba o ngɔ.’ Amlɔ nɔuu ɔ, Konelio tsɔ nyumuhi etɛ kɛ ho Yopa ya. Yopa kɛ Kaisarea kɛmi maa pee si tomi 30, nɛ e ngɛ woyi je.

Benɛ Petro ngɛ Yopa a, Mawu je nɔ́ ko kɛ tsɔɔ lɛ ngɛ nina mi. E na lohwehi nɛ Yuda bi yi, nɛ e nu kaa gbi ko ngɛ lɛ dee ke e ye. Se Petro sume nɛ e maa ye, nɛ e de ke: ‘Kɛ je be nɛ a fɔ mi ɔ, i yi lohwe ko nɛ e he tsɔ we hyɛ.’ Se gbi ɔ de lɛ ke: ‘Ko tsɛ lohwe nɛ ɔmɛ ke lohwehi nɛ a he tsɔ we. Mawu ha nɛ a he tsɔ.’ Gbi ɔ de Petro ke: ‘Nyumuhi etɛ daa si ngɛ o sinya a nya. O kɛ mɛ nɛ ho.’ Petro ya a ngɔ, nɛ e bi mɛ nɔ́ he je nɛ a ba lejɛ ɔ. A de lɛ ke: ‘Konelio, nɛ ji Roma tatsɛ nɔkɔtɔma a lɛ tsɔ wɔ. E ke wa ba tsɛ mo kɛ ba e we ɔ mi ngɛ Kaisarea.’ Petro ha nɛ a hwɔ e we ɔ  mi, nɛ e nɔ jena a, e kɛ nyumu ɔmɛ pue nɔ kɛ ho Kaisarea ya. Nyɛmimɛ nɛ a ngɛ Yopa a, a kpɛti ni komɛ hu piɛɛ e he kɛ ho.

Benɛ Konelio na Petro ɔ, amlɔ nɔuu nɛ e kpla si ngɛ Petro hɛ mi. Se Petro de lɛ ke: ‘Tee si! Imi hu adesa ji mi kaa mo nɔuu. E ngɛ mi kaa Yuda bi yɛ ma je li a we mi mohu lɛɛ, se Mawu tsɔ mi kɛ ba o we ɔ mi. I kpa mo pɛɛ, mo de mi nɔ́ he je nɛ o ha nɛ a ba tsɛ mi kɛ ba a.’

Konelio de Petro ke: ‘Mwɔnɛ ɔ ji ligbi eywiɛ nɛ i ngɛ sɔlee ɔ, Mawu bɔfo ko de mi ke ma tsɔ konɛ a ya tsɛ mo kɛ ba. Wa kpa mo pɛɛ nɛ o tsɔɔ wɔ Yehowa munyu ɔ.’ Petro de ke: ‘I ba na kaa Mawu hyɛ we nɔ hɛ mi. Nɔ fɛɛ nɔ nɛ suɔ kaa e ma sɔmɔ lɛ ɔ, e bua jɔɔ e he.’ Petro tsɔɔ mɛ Yesu he níhi fuu. Kɛkɛ nɛ mumi klɔuklɔu ba Konelio kɛ nihi nɛ a piɛɛ e he ngɛ lejɛ ɔ a nɔ, nɛ a baptisi mɛ tsuo.

“Ngɛ ma fɛɛ ma mi ɔ, nɔ fɛɛ nɔ nɛ e yeɔ lɛ gbeye nɛ e peeɔ nɔ́ nɛ da a, e kplɛɛɔ e nɔ.”​​—Ní Tsumi 10:35