Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Níhi Nɛ O Ma Nyɛ Maa Kase Ngɛ Baiblo ɔ Mi

 NÍ KASEMI 103

“O Matsɛ Yemi ɔ Nɛ Ba”

“O Matsɛ Yemi ɔ Nɛ Ba”

Yehowa wo si ke: ‘Ya fomi, nɔ́ nami, hiɔ, kɛ gbenɔ be si hie hu. Ma tsu a hɛ mi vo nyu tsuo. Ní yayamihi tsuo se maa po, nɛ nɔ ko be jamɛ a ní ɔmɛ kaie hu.’

Yehowa ngɔ Adam kɛ Hawa kɛ wo Eden abɔɔ ɔ mi konɛ a ná tue mi jɔmi kɛ bua jɔmi. E sa nɛ a ja a hiɔwe Tsɛ ɔ, nɛ a fɔ bimɛ, nɛ a he nɛ hiɛ ngɛ zugba a nɔ. Adam kɛ Hawa gbo Yehowa tue, se kɛ̃ ɔ, Yehowa tsakee we e yi mi tomi ɔ. Wa kase ngɛ womi nɛ ɔ mi kaa Mawu si womihi tsuo baa mi. E Matsɛ Yemi ɔ maa ngɔ jɔɔmihi fuu kɛ ba zugba a nɔ kaa bɔ nɛ e wo Abraham si ɔ.

E be kɛe nɛ a ma kpata Satan kɛ e daimonio ɔmɛ kɛ nimli yayamihi tsuo a hɛ mi. Jamɛ a be ɔ mi ɔ, nɔ fɛɛ nɔ ma ja Yehowa. Wa be hiɔ nue, nɛ wa be gboe. Daa ligbi ke wa te si ɔ, wa maa na kaa wa ngɛ he wami, nɛ wa bua maa jɔ kaa wa ngɛ wami mi. Zugba a maa pee paradeiso. Nɔ fɛɛ nɔ maa ye niye ní kpakpa,  nɛ e maa hi we kpakpa mi. Nihi ma je mi mi jɔmi kpo kɛ tsɔɔ nihi, nɛ nɔ ko be yi wu tso ní pee hu. Lohwehi nɛ yeɔ nɔ awi be wɔ gbeye yee, nɛ wɔ hu wa be mɛ gbeye yee.

Ke Yehowa ngɛ gbogboe ɔmɛ si tlee ɔ, wa bua maa jɔ wawɛɛ. Wa maa na nihi nɛ a hi si blema kaa Habɛl, Noa, Abraham, Sara, Mose, Rut, Ɛsta, kɛ David. Waa kɛ mɛ maa pee kake kɛ dla zugba a konɛ e pee paradeiso. Jamɛ a be ɔ mi ɔ, wa ma tsu ní tsumihi fuu nɛ ngɛ bua jɔmi.

Yehowa suɔ nɛ o hi lejɛ ɔ. O ma ba le níhi fuu nɛ ngɛ bua jɔmi ngɛ Yehowa he. Nyɛ ha nɛ waa hɛ kɛ su Yehowa he amlɔ nɛ ɔ, nɛ waa pee jã kɛ ya neneene!

“Yehowa wa Mawu, mo ji nɔ nɛ sa kaa o ngɔ hɛ mi nyami, bumi, kɛ he wami, ejakaa mo lɛ o bɔ níhi tsuo.”​​—Kpo Jemi 4:11