Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Níhi Nɛ O Ma Nyɛ Maa Kase Ngɛ Baiblo ɔ Mi

 NÍ KASEMI 74

Yesu Ba Pee Mesia a

Yesu Ba Pee Mesia a

Yohane fiɛɛ ke: ‘Nɔ ko nɛ e nɔ kuɔ pe mi ma.’ Benɛ Yesu ye maa pee jeha 30 ɔ, e je Galilea kɛ ya Yɔdan Pa a nya ngɛ he nɛ Yohane baptisiɔ nihi ngɛ ɔ. Yesu suɔ nɛ Yohane nɛ baptisi lɛ, se Yohane de lɛ ke: ‘E sɛ nɛ ma baptisi mo. Mo lɛ e sa nɛ o baptisi mi.’ Yesu de Yohane ke: ‘Yehowa suɔ nɛ o baptisi mi.’ Lɔ ɔ he ɔ, a ya Yɔdan Pa a mi, nɛ Yohane ngɔ Yesu kɛ wo nyu ɔ sisi.

Benɛ Yesu je nyu ɔ mi ɔ, e sɔle. Amlɔ nɔuu nɛ hiɔwe nya bli, nɛ Mawu mumi ɔ kple si kɛ ba e nɔ kaa lahuɛ. Kɛkɛ nɛ Yehowa tu munyu kɛ je hiɔwe nɛ e de ke: “Mo ji ye Bi nɛ i suɔ; ye bua jɔ o he.”

Benɛ Yehowa mumi ɔ ba Yesu nɔ ɔ, e ba plɛ pee Kristo ɔ, loo Mesia a. Amlɔ nɛ ɔ, e maa je ní tsumi ɔ nɛ Yehowa tsɔ lɛ kɛ ba zugba a nɔ ke e ba tsu ɔ sisi.

Ngɛ Yesu baptisimi ɔ se ɔ, amlɔ nɔuu nɛ e ho nga a nɔ ya, nɛ e ya ye ligbi 40 ngɛ lejɛ ɔ. Benɛ e je nga a nɔ kɛ ba a, e ya Yohane ngɔ. Benɛ Yohane na Yesu nɛ e ma a, Yohane de ke: ‘Mawu Jijɔ Bi ɔ nɛ maa ngɔ je ɔ he yayami ɔ kɛ ho ji nɛ ɔ nɛ.’ Munyu nɛ ɔ nɛ Yohane tu ɔ ha nɛ ni ɔmɛ na kaa Yesu ji Mesia a nɛ. Benɛ Yesu ngɛ nga a nɔ ɔ, anɛ o le nɔ́ nɛ ba lo? Ha waa hyɛ nɔ́ nɛ ba.

“Gbi ko pɛ kɛ je hiɔwe ke: ‘Mo ji ye Bi nɛ i suɔ; ye bua jɔ o he.’”​​—Maako 1:11