Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  January 2015

Baiblo Mi Sane Bimihi Nɛ A Ha Heto

Baiblo Mi Sane Bimihi Nɛ A Ha Heto

Mɛni he je nɛ nihi babauu susu kaa Bɔlɔ ko ngɛ ɔ?

Anɛ wami be nyakpɛ lo?

Maa pee jeha 3,000 ji nɛ ɔ, asilɛ ngmalɔ ko ngma ke: “Bɔ nɛ o plɛ kɛ bɔ mi ɔ, e ngɛ gbeye, nɛ e ngɛ nyakpɛ hulɔ.” (La 139:14) Ke o susu bɔ nɛ bimwɔyo waa ngɛ e yayo muklii mi ha a he ɔ, anɛ e pee we mo nyakpɛ lo? Nihi babauu na kaa níhi tsuo nɛ ngɛ wami mi ɔ, Bɔlɔ ko lɛ bɔ.Kane La 139:13-17; Hebri Bi 3:4.

Nɔ nɛ bɔ je ɔ kɛ zugba a konɛ a hi nɔ ɔ nɔuu lɛ bɔ wami. (La 36:9) E kɛ adesahi tu munyu, nɛ e de wɔ níhi nɛ kɔ e he.Kane Yesaya 45:18.

Anɛ wa je lohwehi a mi lo?

Wa nɔmlɔ tso ɔ ngɛ kaa lohwehi a nɔ ɔ ngɛ blɔhi fuu a nɔ. E ngɛ jã ejakaa Bɔlɔ ɔ lɛ bɔ adesahi kɛ lohwehi konɛ a hi zugba a nɔ. Pi lohwe mi nɛ Bɔlɔ ɔ je kekle nɔmlɔ nɛ e bɔ ɔ kɛ je, mohu ɔ, zu e kɛ bɔ nɔmlɔ.Kane 1 Mose 1:24; 2:7.

Adesahi ngɛ slɔɔto ngɛ lohwehi a he ngɛ blɔ titli enyɔ nɔ. Kekleekle ɔ, adesahi ma nyɛ maa le Bɔlɔ ɔ konɛ a suɔ lɛ, nɛ a bu lɛ. Nɔ́ nɛ ji enyɔ ɔ, a bɔ adesahi kaa a hi si kɛ ya neneene, se e be jã ngɛ lohwehi a blɔ fa mi. Se akɛnɛ kekle nɔmlɔ ɔ kua Bɔlɔ ɔ blɔ tsɔɔmi he je ɔ, amlɔ nɛ ɔ, nimli tsuo gbo ɔ.Kane 1 Mose 1:27; 2:15-17.