Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  January 2015

 BAIBLO Ɔ TSAKEƆ NIHI A SI HIMI

Baiblo Mi Anɔkuale ɔ Ha Nɛ I Ná Ye Sane Bimi Ɔmɛ A Heto

Baiblo Mi Anɔkuale ɔ Ha Nɛ I Ná Ye Sane Bimi Ɔmɛ A Heto
  • JEHA NƐ A FƆ LƐ: 1987

  • HE NƐ E JE: AZERBAIJAN

  • BƆ NƐ E NGƐ HA BE KO NƐ BE: E PAPAA NGƐ KLAMƆ JAMI MI, NƐ E YAYO NGƐ YUDA JAMI MI

BƆ NƐ I NGƐ HA BE KO NƐ BE:

A fɔ mi ngɛ Baku, ngɛ Azerbaijan. A fɔ wɔ ni enyɔ, nɛ imi ji se kpɛ nɔ. Ye papaa ngɛ Klamɔ jami mi, se ye yayo lɛɛ e ngɛ Yuda jami mi. Ye fɔli ɔmɛ suɔ a he, nɛ a kplɛɛ hemi kɛ yemi slɔɔto nɛ a ngɛ ɔ nɔ. Ke ye Papaa ngɛ hwɔ hae ngɛ Ramadan be ɔ mi ɔ, ye Yayo kɛ lɛ haa hwɔ, nɛ ke ye Yayo hu ngɛ Hetsɔmi ɔ yee ɔ, ye Papaa kɛ lɛ yeɔ. Wa ngɛ Koran, Tora, kɛ Baiblo ɔ ngɛ wa we ɔ mi.

I bu ye he kaa Klamɔ jalɔ. E ngɛ mi kaa i ji atsinyɛ kaa Mawu ngɛ aloo e be mohu lɛɛ, se ní komɛ ngɛ nɛ i nui sisi. I biɔ ye he ke, ‘Mɛni he je nɛ Mawu bɔ adesahi, nɛ mɛni se nami nɛ ngɛ he kaa nɔ ko maa na nɔ́ ngɛ e wami be tsuo mi, kɛkɛ nyagbe ɔ, a maa pii lɛ ngɛ hɛl la mi kɛ ya neneene?’ Akɛnɛ nihi deɔ ke nɔ́ tsuaa nɔ́ nɛ maa ba a ji Mawu suɔmi nya ní he je ɔ, i biɔ ye he ke, ‘Anɛ Mawu lɛ ngɔɔ haomihi kɛ baa nihi a nɔ, nɛ e bua jɔ kaa a ngɛ nɔ́ nae lo?’

Be nɛ i ye jeha 12 ɔ, i bɔni namaz nɛ ji Klamɔ bi a sɔlemi nɛ a sɔleɔ si enuɔ daa ligbi ɔ sɔlemi. Ngɛ jamɛ a be ɔ mi ɔ, ye Papaa ha nɛ i kɛ ye nyɛmiyo nɔkɔtɔma a ya Yuda bi a sukuu. Tora kusumihi kɛ Hebri gbi ɔ piɛɛ níhi nɛ a tsɔɔ wɔ ɔ he. Loko wa maa kase ní daa ligbi ɔ, a haa nɛ wa sɔleɔ ngɛ Yuda jami ɔ mi kusumi nya. Lɔ ɔ he ɔ, i sɔleɔ namaz sɔlemi ɔ ngɛ we mi mɔtu, nɛ ke i ya sukuu ɔ, i ya sɔleɔ Yuda jami ɔ mi sɔlemi.

I kɛ hɛdɔ hla ye sane bimi ɔmɛ a heto. I bi ye tsɔɔli ngɛ sukuu si abɔ ke: “Mɛni he je nɛ Mawu bɔ adesahi? Kɛ Mawu naa ye papaa nɛ ngɛ Klamɔ jami mi ɔ ha kɛɛ? Ye papaa ji nɔmlɔ kpakpa, lɔ ɔ he ɔ, mɛni he je nɛ a buu lɛ kaa e he tsɔ we ɔ? Mɛni he je nɛ Mawu bɔ lɛ?” I nui hetohi bɔɔ nɛ a ha mi ɔ sisi, nɛ ye tsui nɔɛ ye mi.

BƆ NƐ BAIBLO Ɔ TSAKE YE SI HIMI HA:

Mawu mi hemi kɛ yemi nɛ i ngɛ ɔ ta ngɛ jeha 2002 ɔ mi. Wa hia kɛ ya hi Germany, nɛ otsi pɛ se ɔ, ye papaa nu stroke, nɛ e sɛ diblii mi. I kɛ jeha babauu sɔle nɛ ye weku ɔ nɛ ná nɔmlɔ tso mi he  wami kpakpa konɛ níhi a mi nɛ hi ha wɔ. Akɛnɛ i ngɛ nɔ mi mami kaa Ope ɔ ngɛ he wami ngɛ wami kɛ gbenɔ nɔ he je ɔ, i kpaa lɛ pɛɛ daa kaa e ha ye papaa wami. I susu kaa ‘e he wɛ kulaa kɛ ha Mawu kaa e ma ha jokuɛ yo wayo sɔlemi heto.’ I ngɛ nɔ mi mami kaa e ma tsu nɔ́ nɛ i bi lɛ ɔ he ní. Se ye papaa ba gbo.

Ye nya kpɛ ye he ejakaa e pee mi kaa Mawu susu we nɔ he, nɛ enɛ ɔ ha nɛ i hao. I susu kaa ‘blɔ nɛ i guu nɔ kɛ sɔleɔ ɔ dɛ, loo eko ɔ, Mawu be.’ Ye nya kpɛ ye he nɛ i nyɛ we nɛ ma sɔle namaz sɔlemi ɔ hu. I kɛ jami kpahi pee we nɔ́ ko, lɔ ɔ he ɔ, i ma nya si ngɛ ye juɛmi mi kaa Mawu be.

Nyɔhiɔ ekpa se ɔ, Yehowa Odasefohi ba si wa sinya a. Akɛnɛ wa buu Kristofohi kaa a li nɔ́ ko ngɛ Mawu jami mi he je ɔ, i kɛ ye nyɛmiyo ɔ wa to wa yi mi kaa wa maa je bumi mi kɛ tsɔɔ mɛ kaa a tsɔɔmi ɔmɛ dɛ. Wa bi mɛ ke: “Mɛni he je nɛ Kristofohi jaa Yesu, klɔɔsu, Maria, kɛ amaga kpahi be mi nɛ Kita Nyɔngma amɛ tsɔɔ we jã a?” Odasefo ɔmɛ je Ngmami ɔ mi nɛ a gba mi heii kɛ tsɔɔ wɔ kaa anɔkuale Kristofohi ja we amagahi, nɛ Mawu pɛ nɛ e sa kaa adesahi nɛ a sɔle kɛ ha. Enɛ ɔ ha ye nya kpɛ ye he.

Lɔ ɔ se ɔ, wa bi mɛ ke: “Triniti ɔ hu nɛɛ? Ke Yesu ji Mawu ɔ, kɛ e ba kɛɛ nɛ e ba zugba a nɔ, nɛ adesahi gbe lɛ ɔ?” A kpale tsɔɔ mi heii kɛ je Baiblo ɔ mi kaa pi Mawu ji Yesu, nɛ Yesu kɛ Mawu sɔɛ hulɔ. Odasefo ɔmɛ tsɔɔ kaa enɛ ɔ he je nɛ a he we Triniti tsɔɔmi ɔ yi ɔ nɛ. Ye he mi po, nɛ i de ngɛ ye yi mi ke, ‘Kristofohi nɛ ɔmɛ a he ngɛ nyakpɛ.’

Se loloolo ɔ, i suɔ nɛ ma le nɔ́ he je nɛ nihi gboɔ, kɛ nɔ́ he je nɛ Mawu ngmɛ nɔ́ nami blɔ ɔ. Odasefo ɔmɛ tsɔɔ mi womi nɛ ji, Knowledge That Leads to Everlasting Life. * Womi nɛ ɔ hɛɛ munyuyihi nɛ haa ye sane bimi ɔmɛ a heto. A kɛ mi je Baiblo mi ní kasemi sisi nɔuu.

Ngɛ ní kasemi ɔ eko tsuaa eko mi ɔ, i náa ye sane bimi ɔmɛ a heto nɛ sisi numi ngɛ he kɛ jeɔ Baiblo ɔ mi. I ba le kaa Mawu biɛ ji Yehowa. (La 83:18) E su titli ji suɔmi. (1 Yohane 4:8) E bɔ adesahi ejakaa e suɔ nɛ mɛ hu a ná nike ní nɛ ji wami. I ba nu sisi kaa, e ngɛ mi kaa Mawu ngmɛ dami sane nɛ a yi ɔ blɔ mohu lɛɛ, se e sume kulaa, nɛ e maa po se kɛ ya neneene. I kase kaa tue gbomi nɛ Adam kɛ Hawa pee ɔ nɛ ngɔ adesahi tsuo kɛ wo haomi mi ɔ nɛ. (Roma Bi 5:12) Ní yayahi nɛ je a tue gbomi ɔ mi kɛ ba a eko ji wa suɔli nɛ a gboɔ, nɛ lɔ ɔ lɛ ha nɛ ye papaa hu gbo ɔ nɛ. Se Mawu maa po ní yayahi a se ngɛ je ehe nɛ maa ba a mi, nɛ nihi nɛ a gbo ɔ maa kpale kɛ ba wami mi.Bɔfo Ɔmɛ A Ní Tsumi 24:15.

Baiblo mi anɔkuale ɔ ha nɛ i ná ye sane bimi ɔmɛ a heto. I bɔni Mawu mi hemi kɛ yemi nami ekohu. Benɛ i ba le Yehowa Odasefo ɔmɛ saminya a, i na kaa a ji nyɛmimɛ ngɛ je kɛ wɛ. Ye bua jɔ kake peemi kɛ suɔmi nɛ ngɛ a kpɛti ɔ he. (Yohane 13:34, 35) Nɔ́ nɛ i kase ngɛ Yehowa he ɔ wo mi kã konɛ ma sɔmɔ lɛ, lɔ ɔ he ɔ, i ma ye juɛmi nya si kaa ma pee Yehowa Odasefo no. A baptisi mi ngɛ January 8, 2005.

BƆ NƐ E YE BUA MI HA:

Baiblo mi anɔkuale ɔ tsake ye si himi kulaa nɛ e ha nɛ e pee kpakpa. Mawu Munyu ɔ nɛ a kɛ tsɔɔ mi níhi a nya saminya a ha nɛ i ná tue mi jɔmi. Gbogboehi a si temi he si womi nɛ ngɛ Mawu Munyu ɔ mi ɔ ha nɛ i ná hɛ kɛ nɔ fɔmi kaa ma kpale na ye papaa ekohu, nɛ e woɔ ye bua wawɛɛ.Yohane 5:28, 29.

Jeha ekpa ji nɛ ɔ nɛ i kɛ ye huno Jonathan nɛ e yeɔ Mawu gbeye ɔ sɛ gba si himi mi. Wɔ tsuo wa kase kaa anɔkuale nɛ kɔɔ Mawu he ɔ da, nɛ e sisi numi yi, se kɛ̃ ɔ, e ji juetli nɛ he jua wa. Lɔ ɔ he je nɛ wa suɔ kaa waa kɛ nihi maa tu wa hemi kɛ yemi kɛ wa hɛ nɔ kami ɔ he munyu ɔ nɛ. Amlɔ nɛ ɔ, i le kaa Yehowa Odasefohi pi nihi nɛ a he ngɛ “nyakpɛ,” mohu ɔ, a ji anɔkuale Kristofohi.

^ kk. 15 Yehowa Odasefohi nɛ a pee, se amlɔ nɛ ɔ, a kpa peemi.