Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  July 2014

 HƐ MI MUNYU | MƐNI HE JE NƐ HAOMIHI BAA NIMLI KPAKPAHI HU A NƆ Ɔ?

Haomihi Pɔhe Wawɛɛ!

Haomihi Pɔhe Wawɛɛ!

Yogbayo ko nɛ a tsɛɛ lɛ ke Smita, * nɛ e ye jeha 35 ɔ hi Dhaka, ngɛ Bangladesh. Nihi le lɛ kaa e ji nɔ ko nɛ e suɔ nɔmlɔ, nɛ e susuɔ nihi a he. A yeɔ e he odase kaa e ji nɔ ko nɛ e hɛ mi wa kɛ ní tsumi. E he ngɛ bua jɔmi, nɛ e suɔ nɛ e ye bua nihi konɛ a kase Mawu he ní. Tlukaa a, hiɔ ko ba fia Smita. E sui otsi nɛ e gbo. E weku li kɛ e huɛmɛ a he mi po!

Nihi le James kɛ e yo kaa a ji nimli kpakpahi kaa Smita nɛ wa wo e ta kɛ sɛ hlami ɔ. Mɛ tsuo a ye jeha 30 kɛ se. Ligbi ko ngɛ gbiɛ be mi ɔ, a je a we mi ngɛ New York kɛ ho konɛ a ya slaa a huɛ ko ngɛ West Coast, ngɛ United States. A kpale we kɛ bɛ we mi hu. Mɛni ba? A kɛ lɔle ya nɔ si nɛ a gbo. Enɛ ɔ ha nɛ a suɔli kɛ nihi nɛ a kɛ mɛ tsuɔ ní ɔ ye aywilɛho wawɛɛ.

Mwɔnɛ ɔ, nihi babauu kɛ haomihi ngɛ kpee. Tahi ngɛ ma bi kɛ ta buli tsuo a yi tanee. A yeɔ nihi nɛ a pee we nɔ́ ko ɔ awi, nɛ a peeɔ mɛ basabasa. Oslaahi kɛ hiɔhi nɛ a mi wa gbeɔ jokuɛwi kɛ nikɔtɔmahi tsuo. Adebɔ mi oslaahi kpataa mahi a hɛ mi. Nɔ hɛ mi hyɛmi pɔhe wawɛɛ, nɛ nihi hu yi dami sane. Eko ɔ, o kɛ si himi nɛ ɔmɛ eko kpe hyɛ.

Enɛ ɔ ma ha nɛ o ma bi ke:

  • Mɛni he je nɛ haomihi baa nimli kpakpahi a nɔ ɔ?

  • Anɛ e sa kaa wa pia Mawu ngɛ haomihi nɛ baa wa nɔ ɔ he lo?

  • Anɛ haomihi baa kɛkɛ lo, aloo adesahi a ní peepeehi nɛ ngɔɔ haomihi kɛ baa?

  • Anɛ Karma lo? (Karma sisi ji, ke nɔ ko gbo nɛ a fɔ lɛ ekohu ɔ, e naa nɔ́ ngɛ yayami nɛ e pee loko e gbo ɔ he je.)

  • Ke Mawu ko ngɛ nɛ e ngɛ he wami pe nɔ tsuaa nɔ ɔ, mɛni he je nɛ e nyɛ we nɛ e bu nimli kpakpahi a he konɛ haomi nɛ ko ba a nɔ ɔ?

  • Anɛ be ko maa ba nɛ nɔ ko be nɔ́ nae hu lo?

Loko wa ma nyɛ ma ha sane bimɛ nɛ ɔmɛ a heto ɔ, e he hia nɛ wa ha sane bimi enyɔ nɛ nyɛɛ se nɛ ɔmɛ a heto: Mɛni he je kulaa nɛ haomihi baa a, nɛ mɛni Mawu maa pee ngɛ he?

^ kk. 3 A tsake biɛ ɔmɛ.