Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

HWƆƆMI MƆ May 2014 | Anɛ Nɔ Ko Ma Nyɛ Maa Le Nɔ́ Nɛ Maa Ba Hwɔɔ Se Lo?

Sane bimi nɛ ɔ heto ɔ ma nyɛ ma tsake o si himi.

MUNYUHI NƐ KƆƆ HƐ MI MUNYU Ɔ HE

Ekomɛ Ba Mi, Se Fuu Bɛ Mi

Mɛnɔ lɛ ke e gba níhi nɛ maa ba hwɔɔ se kɛ fɔ si ɔ, e baa mi be tsuaa be?

MUNYUHI NƐ KƆƆ HƐ MI MUNYU Ɔ HE

Anɛ Nɔ Ko Ma Nyɛ Maa Le Nɔ́ Nɛ Maa Ba Hwɔɔ Se Lo?

Nɔ ko ngɛ nɛ e le níhi nɛ maa ba hwɔɔ se.

Kɛ E Sa Kaa Wa Ha “Nɔ Tsuaa Nɔ Munyu Heto” Ha Kɛɛ?

Ke nɔ ko bi wɔ sane ko nɛ mi wa a, mɛni blɔ nɔ wa maa gu konɛ waa kɛ lɛ nɛ susu Ngmami ɔ he? Mo susu blɔ etɛ a nɔ nɛ wa maa gu kɛ ha sane bimihi a heto nɛ maa nu tso ɔ he nɛ o hyɛ.

Mo Susu Nihi Nɛ O Fiɛɛɔ Kɛ Haa Mɛ ɔ A He

Kɛ e sa kaa waa bu nɔ tsuaa nɔ nɛ waa kɛ kpeɔ ngɛ fiɛɛmi mi ɔ ha kɛɛ? Kɛ waa kɛ Yesu munyu nɛ ngɛ Mateo 7:12 ɔ ma tsu ní ha kɛɛ ngɛ wa fiɛɛmi ní tsumi ɔ mi?

Yehowa Ji Mawu Nɛ Toɔ Níhi A He Blɔ Nya

Mɛni blɔ nɔ níhi nɛ ya nɔ ngɛ blema Israel bi ɔmɛ a be ɔ mi kɛ kaseli ɔmɛ a be ɔ mi ɔ tsɔɔ kaa e sa nɛ a to blɔ nya kɛ ha Yehowa we bi mwɔnɛ ɔ?

Anɛ O Kɛ Yehowa Asafo ɔ Ngɛ Nyɛɛe Lo?

E be kɛe nɛ a ma kpata Satan je ɔ hɛ mi. Mɛni he je nɛ e he hia nɛ waa ye Mawu asafo ɔ nɛ ngɛ zugba a nɔ mwɔnɛ ɔ anɔkuale ɔ?

MOO KASE A HEMI KƐ YEMI Ɔ

E Ye Aywilɛho, Se E Kɔni Mi Wui Nyu

Yesu nyɛ Maria nɔ hyɛmi nɔ́ ɔ ma nyɛ maa ye bua wɔ konɛ ke wa ngɛ kɔmɔ yee kaa nɔ́ nɛ a kɛ “ha gbɔ” wa mi mi ɔ, wa kɔni mi nɛ ko wo nyu.

Baiblo Mi Sane Bimihi Nɛ A Ha Heto

Ke Mawu ji nɔ nɛ ngɛ je ɔ nɔ yee ɔ, mɛni he je nɛ haomi hyi je ɔ tɔ ɔ?