Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  April 2014

Baiblo Mi Sane Bimihi Nɛ A Ha Heto

Baiblo Mi Sane Bimihi Nɛ A Ha Heto

Mɛni Yesu maa pee hwɔɔ se?

Ngɛ jeha 33 M.B. ɔ mi ɔ, Yesu gbo nɛ Mawu tle lɛ si kɛ ho hiɔwe ya. Pee se ɔ, Mawu wo lɛ Matsɛ. (Daniel 7:13, 14) Hwɔɔ se ɔ, Matsɛ Yesu ma je ohia kɛ je je ɔ mi, nɛ e maa ngɔ tue mi jɔmi kɛ ba.Kane La 72: 7, 8, 13.

Matsɛ Yesu ma je ní yayamihi tsuo kɛ je zugba a nɔ

Matsɛ Yesu maa pee ní kpakpahi kɛ ha adesahi. E kɛ he wami nɛ e Tsɛ ɔ ha lɛ ɔ ma ha nɛ adesahi maa ye mluku ekohu. E ma ha nɛ adesahi maa hi zugba a nɔ kɛ ya neneene. Nɔ ko be bwɔe nɛ nɔ ko be gboe hu.Kane Yohane 5:26-29; 1 Korinto Bi 15:25, 26.

Mɛni Yesu ngɛ pee amlɔ nɛ ɔ?

Amlɔ nɛ ɔ, Yesu ha nɛ e se nyɛɛli anɔkualetsɛmɛ ɔmɛ ngɛ Mawu Matsɛ Yemi sɛ gbi ɔ fiɛɛe ngɛ je ɔ mi tsuo. A yaa nihi a ngɔ nɛ a ya tsɔɔ mɛ nɔ́ nɛ Baiblo ɔ de ngɛ Mawu Matsɛ Yemi ɔ he. Yesu tsɔɔ kaa e maa ya nɔ maa ye bua e kaseli ɔmɛ konɛ a tsu ní tsumi nɛ ɔ kɛ yaa si be nɛ Mawu Matsɛ Yemi ɔ ma kpata adesa nɔ yemihi tsuo a hɛ mi.Kane Mateo 24:14; 28:19, 20.

Yesu gu anɔkuale Kristofohi asafo ɔ nɔ kɛ ngɛ nihi ye buae konɛ a si himi nɛ pee kpakpa. E maa ya nɔ maa ye bua mɛ ngɛ je nɛ ɔ hɛ mi kpatami ɔ mi, nɛ e kɛ mɛ maa ya Mawu je ehe nɛ e wo he si ɔ mi.Kane 2 Petro 3:7, 13; Kpojemi 7:17.