Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  January 2014

Baiblo Mi Sane Bimihi Nɛ A Ha Heto

Baiblo Mi Sane Bimihi Nɛ A Ha Heto

Kɛ Mawu ngɛ ha kɛɛ?

Mawu ɔ, mumi mi nɔmlɔ ji lɛ. Lɛ nɛ e bɔ hiɔwe kɛ zugba, kɛ níhi tsuo nɛ wami ngɛ a mi ɔ nɛ. Nɔ ko bɔɛ Mawu. Mawu be sisije. (La 90:2) Mawu suɔ nɛ adesahi nɛ a hla e se blɔ konɛ a le anɔkuale munyuhi nɛ kɔɔ e he.Kane Bɔfo Ɔmɛ A Nítsumi 17:24-27.

Mawu ji nɔ ko nɛ e ngɛ nitsɛnitsɛ, nɛ e ngɛ biɛ. Wa ma nyɛ maa le e biɛ. Ke wa susu níhi nɛ e bɔ ɔmɛ a he ɔ, wa ma nyɛ maa le e su komɛ. (Romabi 1:20) Se loko wa ma nyɛ maa le Mawu saminya a, e he hia nɛ waa kase e Munyu nɛ ji, Baiblo ɔ. Baiblo ɔ haa nɛ wa leɔ Mawu su kpakpa amɛ.Kane La 103:7-10.

Kɛ Mawu nuɔ ní yayamihi nɛ nihi peeɔ ɔ he ha kɛɛ?

Yehowa nɛ ji wa Bɔlɔ ɔ sume ní yayamihi. E bɔ adesahi ngɛ e subai nɔ. (5 Mose 25:16) Enɛ ɔ heje nɛ wa ti nihi fuu sume ní yayamihi ɔ nɛ. Ní yayahi nɛ ngɛ je ɔ mi ɔ ji Mawu ngɔ. Mawu bɔ adesa nɛ e ha lɛ he blɔ kaa e pee nɔ́ nɛ e suɔ. Dɔmi sane ji kaa nihi fuu kɛ he blɔ nɛ ɔ peeɔ ní yayahi. Enɛ ɔ dɔɔ Yehowa.Kane 1 Mose 6:5, 6; 5 Mose 32:4, 5.

Yehowa suɔ nɔ́ nɛ da, nɛ e be blɔ ngmɛe nɛ ní yayamihi nɛ ya nɔ kɛ ya neneene. (La 37:28, 29) Baiblo ɔ wo si kaa e be kɛe nɛ Mawu maa po yayami peemi tsuo se.Kane 2 Petro 3:7-9, 13.

Baiblo ɔ wo si kaa e be kɛe nɛ Mawu ma ha nɛ a ye dami sane kɛ ha nɔ tsuaa nɔ