Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  October 2013

 HƐ MI MUNYU | MƐNI MUNYU NGƐ BAIBLO Ɔ MI?

“Wa Na Mesia a”!

“Wa Na Mesia a”!

Benɛ a ngma Malaki womi ɔ se maa pee jeha lafa eywiɛ ɔ, Mika gbami nɛ kɔɔ Mesia a he ɔ ba mi. A fɔ Yesu ngɛ Betlehem. Benɛ Yesu ye jeha 30 ɔ, Daniel gbami ɔ kekleekle fã nɛ kɔɔ Mesia a he ɔ ba mi. Gbami nɛ ɔ ba mi ngɛ jeha 29 M.B. ɔ mi. A baptisi Yesu nɛ Mawu ngɔ e mumi klɔuklɔu ɔ kɛ pɔ lɛ nu. Mesia a nɛ ji Nina nɛ a hyɛ blɔ hluu ɔ ba pue ngɛ be nya!

Amlɔ nɔuu nɛ Yesu je e sɔmɔmi nítsumi ɔ sisi. E “fiɛɛ sane kpakpa nɛ kɔɔ Mawu matsɛ yemi ɔ he ɔ kɛ tsɔɔ nihi.” (Luka 8:1) Kaa bɔnɛ a gba kɛ fɔ si ngɛ Yesu he ɔ, Yesu mi mi jɔ, e ngɛ kpoo, nɛ e susuɔ nihi a he wawɛɛ. E je suɔmi mi nɛ e tsɔɔ nihi ní kpakpahi. “E tsa hiɔhi tsuo” nɛ ngɛ nihi a he ɔ kɛ tsɔɔ kaa Mawu kɛ lɛ ngɛ. (Mateo 4:23) Jokuɛwi kɛ nikɔtɔmahi tsuo bu kɛ ya Yesu ngɔ nɛ a de ke: “Wa na Mesia a”!—Yohane 1:41.

Yesu gba kɛ fɔ si kaa ke e piɛɛ bɔɔ nɛ e Matsɛ Yemi ɔ maa ye je ɔ tsuo nɔ ɔ, ta hwumi, zugba mimiɛmi, kɛ haomi kpahi fuu maa ba. E wo wɔ tsuo he wami kaa waa ya nɔ nɛ ‘waa hwɔɔ.’—Marko 13:37.

Yesu ye mluku nɛ e pee tue bumi kɛ ha Mawu, se nyagbenyagbe ɔ, e he nyɛli gbe lɛ. E gbenɔ ɔ ji afɔle sami nɛ hi kɛ pi si nɛ ma nyɛ maa wo nɔ́ nɛ Adam kɛ Hawa laa, nɛ ji neneene wami ngɛ Paradeiso mi ɔ he hiɔ.

Yesu gbenɔ ɔ ha nɛ gbami ko ba mi, nɛ jã kɛ̃ nɛ si nɛ Mawu tle lɛ kɛ je gbeje ngɛ ligbi etɛ se kaa mumi mi bɔ nɔ́ ɔ hu ji. Lɔɔ se ɔ, Yesu je e he kpo kɛ tsɔɔ e kaseli nɛ a hiɛ pe 500. Loko Yesu maa ho hiɔwe ya a, e fã e se nyɛɛli ɔmɛ kaa a fiɛɛ sane kpakpa nɛ kɔɔ e he, kɛ e Matsɛ Yemi ɔ he ɔ kɛ tsɔɔ “je ma amɛ tsuo.” (Mateo 28:19) Anɛ kaseli ɔmɛ tsu nítsumi nɛ ɔ kɛ pi si lo?

A kɛ da ngmamihi nɛ a nyɛɛ se nɛ ɔ a nɔ: Mateo, Marko, Luka, Yohane, 1 Korintobi ɔmɛ a womi ɔ.