Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  October 2013

 HƐ MI MUNYU | MƐNI MUNYU NGƐ BAIBLO Ɔ MI?

Sane Kpakpa Kɛ Ha Adesahi Tsuo

Sane Kpakpa Kɛ Ha Adesahi Tsuo

Yesu si nɛ a tle kɛ je gbeje ɔ wo e kaseli ɔmɛ kã nɛ a ná nɔ mi mami nɛ mi wa. Bɔfo Paulo hia blɔ kɛ kpa Asia Nyafii kɛ Mediterenia ní ɔmɛ a mi. E ya to asafohi a sisi, nɛ e ya wo Kristofoli he wami konɛ a fi si ngɛ je mi bami he kahi nɛ a kɛ ngɛ kpee kɛ yi mi wami mi. Ngɛ haomi nɛ ɔmɛ tsuo a se ɔ, nihi fuu ba pee Kristofoli.

A wo Paulo nitsɛ hu tsu. Se benɛ e ngɛ tsu ɔ mi po ɔ, e ngma sɛ womihi kɛ ya wo Kristofoli asafo ɔmɛ he wami nɛ e wo mɛ ga. E bɔ mɛ kɔkɔ ngɛ nɔ́ ko nɛ he ngɛ gbeye wawɛɛ nɛ ji hemi kɛ yemi kuami he. Mawu mumi klɔuklɔu ɔ ye bua Paulo nɛ e na kaa hwɔɔ se ko ɔ, nihi nɛ a peeɔ a ní kaa “ogbetee ní hali” ma ba sɛ nyɛmimɛ ɔmɛ a kpɛti nɛ a “maa ye lakpa kɛ puɛ nyɛmimɛ ɔmɛ a tue kɛ nyɛɛ a se.”—Bɔfo Ɔmɛ A Nítsumi 20:29, 30.

Hemi kɛ yemi kuami nɛ ɔ je sisi ngɛ kaseli ɔmɛ a gbenɔ se. Jamɛ a be ɔ mi ɔ, Yesu nɛ a tle lɛ si ɔ ngɔ Kpojemi ɔ kɛ ha bɔfo Yohane, nɛ e tsɔɔ lɛ níhi nɛ maa ba hwɔɔ se. Nɛ kaa bɔnɛ Yohane ngma a, nihi nɛ teɔ si kɛ woɔ anɔkuale jami kɛ lakpa tsɔɔli be nyɛe maa tsi Mawu nya konɛ e sisije yi mi tomi kɛ ha adesahi kɛ zugba a nɛ e ko ba mi. A maa fiɛɛ sɛ gbi nɛ kɔɔ Mawu Matsɛ Yemi ɔ he ɔ kɛ ha ‘mahi kɛ wɛtsohi, kɛ gbihi kɛ nimli.’ (Kpojemi 14:6) A maa pee zugba a Paradeiso ekohu, nɛ nɔ tsuaa nɔ nɛ suɔ kaa e maa pee Mawu suɔmi nya ní ɔ ma nyɛ maa piɛɛ nihi nɛ a maa hi mi ɔ a he!

Anɛ o nɛ kaa enɛ ɔ ji “sane kpakpa” lo? Ke jã a, lɛɛ moo kase Baiblo ɔ konɛ o le níhi fuu nɛ kɔɔ sɛ gbi nɛ Mawu kɛ ha adesahi ɔ he, konɛ o hyɛ bɔnɛ o ma ná he se amlɔ nɛ ɔ kɛ hwɔɔ se ha.

Mo nitsɛ o ma nyɛ maa kane Baiblo ɔ ngɛ www.jw.org. Ngɛ lejɛ ɔ, o ma nyɛ maa kane womiyo kpahi hu kaa The Bible—What Is Its Message? Sane Kpakpa Nɛ Je Mawu Ngɔ! kɛ womi nɛ e yi ji, Mɛni Tutuutu Ji Baiblo ɔ Tsɔɔmi? kɛ womi kpahi nɛ tsɔɔ nɔ́ heje nɛ wa ma nyɛ maa ngɔ wa hɛ kɛ fɔ Baiblo ɔ nɔ, kɛ bɔnɛ waa kɛ e mi ga womi nɛ he ngɛ se nami ɔ ma tsu ní ngɛ wa weku mi kɛ wɔ nitsɛmɛ wa si himi mi ha. Aloo ke o ngɛ hlae nɛ o le babauu ɔ, mo bi Yehowa Odasefoli ɔmɛ a ti nɔ ko.

A kɛ da Baiblo ɔ mi womihi nɛ a nyɛɛ se nɛ ɔ a nɔ: Bɔfo Ɔmɛ A Nítsumi, Efesobi, Filipibi, Kolosebi, Filemon, 1 Yohane, Kpojemi.