Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  October 2013

Baiblo Mi Sane Bimihi Nɛ A Ha Heto

Baiblo Mi Sane Bimihi Nɛ A Ha Heto

Anɛ hɛ kɛ nɔ fɔmi ko ngɛ kɛ ha nihi nɛ a gbo ɔ lo?

Gbenɔ ngɛ kaa mahe hwɔmi, ejakaa nihi nɛ a gbo ɔ li nɔ́ ko, nɛ a be nyɛe maa pee nɔ́ ko hulɔ. Se kɛ̃ ɔ, nɔ nɛ bɔ wami ɔ ma nyɛ ma tle nihi nɛ a gbo ɔ si kɛ ba wami mi ekohu. Bɔnɛ pee nɛ wa ná nɔ mi mami kaa e ma nyɛ maa pee jã a, Mawu gu Yesu nɔ kɛ tle nihi fuu si kɛ ba wami mi ekohu.—Kane Fiɛlɔ 9:5; Yohane 11:11, 43, 44.

Gbenɔ ngɛ kaa mahe ngɛ mɛni blɔ nɔ?

Mawu wo si kaa e ma tle nihi nɛ a gbo ɔ si kɛ ba wami mi ngɛ je ehe ko nɛ a peeɔ dami ní ngɛ mi ɔ mi. Ja Mawu ha nihi nɛ a ma tle mɛ si ɔ wami loko a ma nyɛ maa ba si himi mi ekohu. Mawu Ope ɔ, ngɛ he bua jɔmi kaa e kɛ he wami nɛ e ngɛ ɔ ma tle nihi nɛ a gbo ɔ si kɛ ba wami mi ekohu.—Kane Hiob 14:14, 15.

Mɛni blɔ nɔ a maa gu kɛ tle nihi nɛ a gbo ɔ si?

Ke Mawu tle nihi nɛ a gbo ɔ si ɔ, a ma nyɛ maa le a huɛmɛ, kɛ a wekuli a mi tso. E ngɛ mi kaa ke nɔ ko gbo ɔ, e saa mohu lɛɛ, se Mawu ma nyɛ ma tle lɛ si nɛ e ha lɛ nɔmlɔtso ehe.—Kane 1 Korintobi 15:35, 38.

Nimli bɔɔ ko pɛ nɛ a ma tle mɛ si kɛ ho hiɔwe ya. (Kpojemi 20:6) Nihi babauu nɛ a ma tle mɛ si ɔ maa hi paradeiso nɛ maa ba ekohu ɔ mi ngɛ zugba a nɔ. Nihi nɛ a ma tle mɛ si ɔ maa je si himi ehe sisi, nɛ a ma ná hɛ kɛ nɔ fɔmi kaa a maa hi si kɛ ya neneene.—Kane La 37:29; Bɔfo Ɔmɛ A Nítsumi 24:15.