Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ—Nɔ́ Nɛ A Maa Kase  |  April 2015

Anɛ Huɛ Bɔmi Kpakpa Ngɛ O Kɛ Yehowa Nyɛ Kpɛti Niinɛ Lo?

Anɛ Huɛ Bɔmi Kpakpa Ngɛ O Kɛ Yehowa Nyɛ Kpɛti Niinɛ Lo?

“Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he.”—YAKOBO 4:8.

1. Mɛni he je nɛ e he hia kaa wa ha nɛ huɛ bɔmi nɛ ngɛ waa kɛ Yehowa wa kpɛti ɔ mi nɛ wa a?

KE A baptisi mo kaa Yehowa we Odasefo no ɔ, lɛɛ o ná he blɔ ko nɛ se be. Lɔ ɔ ji huɛ bɔmi nɛ ba je o kɛ Yehowa nyɛ kpɛti ɔ nɛ. Se Satan je ɔ kɛ mluku nɛ wa yi ɔ kɛ wɔ ngɛ ta hwue konɛ huɛ bɔmi nɛ ɔ nɛ puɛ. Enɛ ɔ he je ɔ, e sa kaa wɔ tsuo waa bɔ mɔde konɛ wa ha nɛ huɛ bɔmi nɛ ngɛ waa kɛ Yehowa wa kpɛti ɔ mi nɛ wa.

2. (a) Ke huɛ bɔmi ngɛ nɔ kɛ nɔ ko a kpɛti ɔ, mɛni lɔ ɔ tsɔɔ? (Hyɛ sisi ningma.) (b) Mɛni wa maa pee konɛ huɛ bɔmi nɛ ngɛ waa kɛ Yehowa wa kpɛti ɔ mi nɛ wa?

2 Anɛ o buu Yehowa kaa nɔ ko nɛ ngɛ nitsɛnitsɛ lo? Anɛ o naa lɛ kaa o Huɛ lo? Anɛ o maa suɔ kaa huɛ bɔmi nɛ ngɛ o kɛ lɛ nyɛ kpɛti ɔ mi nɛ wa pe bɔ nɛ e ngɛ ɔ lo? Yakobo 4:8 ɔ tsɔɔ nɔ́ nɛ e sa kaa o pee konɛ huɛ bɔmi nɛ ngɛ o kɛ Yehowa nyɛ kpɛti ɔ mi nɛ wa. E de ke: “Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he.” Loko o kɛ Yehowa  ma nyɛ maa bɔ huɛ ɔ, e biɔ nɛ o kɛ lɛ tsuo nyɛɛ pee nɔ́ ko. * (Hyɛ sisi ningma.) Ke o bɔ mɔde kaa o maa hɛ mo kɛ su e he ɔ, lɛ hu e maa hɛ lɛ kɛ su o he. Ke o ya nɔ nɛ o pee jã a, o maa na kaa Yehowa ji nɔ ko nɛ e ngɛ nitsɛnitsɛ, nɛ huɛ bɔmi nɛ ngɛ o kɛ lɛ nyɛ kpɛti ɔ hu mi maa wa. Ke e ba jã a, mo hu o maa tu munyu nɛ Yesu tu kɛ nyɛɛ se nɛ ɔ: ‘Nɔ nɛ tsɔ mi ɔ, ngɛ nitsɛnitsɛ’ “i le lɛ.” (Yohane 7:28, 29) Se mɛni ji ní komɛ nɛ o ma nyɛ maa pee konɛ o hɛ mo kɛ su Yehowa he?

Mɛni blɔ nɔ o maa gu konɛ o kɛ Mawu nɛ sɛɛ ní? (Hyɛ kuku 3)

3. Mɛni blɔ nɔ wa maa gu konɛ waa kɛ Yehowa nɛ sɛɛ ní?

3 Ke o ngɛ hlae nɛ o kɛ Yehowa nɛ pee huɛ ɔ, e he hia wawɛɛ nɛ o kɛ lɛ nɛ sɛɛ ní be tsuaa be. Se mɛni blɔ nɔ o maa gu kɛ pee jã? Moo ngɔ lɛ kaa o ngɛ huɛ ko nɛ o kɛ lɛ nyɛ kpɛti kɛ. Mɛni blɔ nɔ nyɛ maa gu kɛ sɛɛ ní? Nyɛ ma nyɛ maa ngma nyɛ sibi sɛ womi, aloo nyɛ ma nyɛ maa fia nyɛ sibi ngɛ tɛlifoo nɔ be tsuaa be. Ke o sɔleɔ ha Yehowa daa a, lɔ ɔ tsɔɔ kaa o kɛ lɛ ngɛ munyu tue. (Kane La 142:2.) Se mɛni mo hu o maa pee konɛ Yehowa kɛ mo nɛ tu munyu? Moo kane e Munyu nɛ ji Baiblo ɔ, nɛ o kase, nɛ o pue o yi mi tɛ ngɛ níhi nɛ o kaseɔ ɔ a he daa. (Kane Yesaya 30:20, 21.) Ke o kɛ Yehowa sɛɛɔ ní ɔ, huɛ bɔmi nɛ ngɛ o kɛ lɛ nyɛ kpɛti ɔ mi maa wa, nɛ o maa na lɛ kaa e ji o Huɛ nitsɛnitsɛ. Nyɛ ha wa susu enɛ ɔ he nɛ waa hyɛ.

HA YEHOWA KƐ MO NƐ TU MUNYU KƐ GU BAIBLO Ɔ NƐ O MAA KASE Ɔ NƆ

4, 5. Mɛni blɔ nɔ Yehowa guu nɛ e kɛ mo tuɔ munyu ke o ngɛ Baiblo ɔ kasee? Mo ha enɛ ɔ he nɔ hyɛmi nɔ́.

4 Wa le kaa sɛ gbi nɛ ngɛ Baiblo ɔ mi ɔ je Mawu ngɔ, nɛ e he hia nɔ tsuaa nɔ. Se anɛ Baiblo ɔ ma nyɛ maa ye bua mo konɛ o hɛ mo kɛ su Yehowa he lo? Ee! Ke o kaneɔ Baiblo ɔ nɛ o kaseɔ daa a, mo susu níhi nɛ o kaneɔ ɔ a he saminya. Mo susu bɔ nɛ o kɛ níhi nɛ o kase ɔ ma tsu ní ha a hu he. Ke o peeɔ jã a, lɔ ɔ tsɔɔ kaa o ha nɛ Yehowa kɛ mo ngɛ munyu tue. E maa pee o Huɛ nɛ nyu bi ngɛ o kɛ lɛ nyɛ kpɛti. E maa ye bua mo konɛ o hɛ mo kɛ su e he haa.Hebri Bi 4:12; Yakobo 1:23-25.

 5 Kaa nɔ hyɛmi nɔ́ ɔ, ke o kane munyu nɛ Yesu tu kɛ nyɛɛ se nɛ ɔ, kɛ e peeɔ mo ha kɛɛ? Yesu de ke: “Nyɛ ko to juetli ha nyɛ he ngɛ je nɛ ɔ mi.” Ke o ngɛ mɔde bɔe kaa o kɛ Yehowa maa pee nɔ titli ngɛ o si himi mi ɔ, o maa nu he kaa e bua jɔ o he. Se eko ɔ, benɛ o kane munyu nɛ ɔ nɛ Yesu tu ɔ, o na kaa e he hia nɛ o pee o si himi kpokploo, konɛ o nyɛ nɛ o pee babauu ngɛ Mawu sɔmɔmi mi. Ke o na jã a, lɛɛ mo ná nɛ o le kaa Yehowa ngɛ mo ye buae konɛ o le nɔ́ nɛ o maa pee nɛ o hɛ mo kɛ su e he.Mateo 6:19, 20.

6, 7. (a) Ke wa kaseɔ Baiblo ɔ, kɛ suɔmi nɛ wa ngɛ kɛ ha Yehowa, kɛ suɔmi nɛ lɛ hu e ngɛ kɛ ha wɔ ɔ maa hi ha kɛɛ? (b) Ke wa ngɛ Baiblo ɔ kasee ɔ, mɛni ji oti nɛ e sa kaa wa kɛ ma wa hɛ mi?

6 Ngɛ anɔkuale mi ɔ, ke wa kaseɔ Baiblo ɔ, lɔ ɔ yeɔ bua wɔ nɛ wa naa hehi nɛ e sa kaa waa pee tsakemihi ngɛ konɛ wa nyɛ nɛ wa sɔmɔ Yehowa saminya. Jehanɛ se hu ɔ, wa naa níhi nɛ e jeɔ e suɔmi mi nɛ e peeɔ ɔ, nɛ wa kaseɔ e su kpakpa amɛ hu a he ní. Enɛ ɔ haa nɛ suɔmi nɛ wa ngɛ kɛ ha lɛ ɔ mi waa. Be mi nɛ suɔmi nɛ wa ngɛ kɛ ha lɛ ɔ mi ngɛ wae ɔ, lɛ hu suɔmi nɛ e ngɛ kɛ ha wɔ ɔ mi waa. Enɛ ɔ haa nɛ huɛ bɔmi nɛ ngɛ waa kɛ lɛ wa kpɛti ɔ mi waa.Kane 1 Korinto Bi 8:3.

7 Ke wa suɔ nɛ waa hɛ wɔ kɛ su Yehowa he ɔ, lɛɛ e he hia nɛ waa kɛ juɛmi kpakpa nɛ kase Baiblo ɔ. Yesu de ke: ‘Ke a ná le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma ná neneene wami.’ (Yohane 17:3) E ngɛ mi kaa ke wa kane Baiblo ɔ, wa ma nyɛ maa kase ní ehehi nɛ a ngɛ bua jɔmi mohu lɛɛ, se oti nɛ e sa kaa wa kɛ ma wa hɛ mi ji, nɛ wa maa le Yehowa kaa e ji Nɔ ko nɛ e ngɛ nitsɛnitsɛ.Kane 2 Mose 33:13; La 25:4.

8. (a) Eko ɔ, mɛni ni komɛ ma susu ngɛ bɔ nɛ Yehowa kɛ Matsɛ Uzia ye ha a he? (b) Ke o le Yehowa nɛ e pee nɔ́ ko nɛ o nui sisi ɔ, kɛ o maa pee o ní ha kɛɛ?

8 Yehowa pee ní komɛ nɛ a bɔ he amaniɛ ngɛ Baiblo ɔ mi nɛ wa nui sisi. Ke wa naa Yehowa kaa wa Huɛ nɛ nyu bi ngɛ waa kɛ lɛ wa kpɛti ɔ, wa be haoe tsɔ ngɛ jamɛ a Baiblo mi munyu ɔmɛ a he. Kaa nɔ hyɛmi nɔ́ ɔ, benɛ Uzia ngɛ matsɛ yee ngɛ Yuda a, Yuda bi ɔmɛ jaa lakpa mawuhi. Uzia piɛɛ we a he. ‘E pee Yehowa suɔmi nya ní.’ (2 Matsɛmɛ 15:1-5) Se Yehowa gbla Uzia tue nɛ kpiti pue lɛ. Mɛni he je? Ngmami nɛ ɔ tsɔɔ we nɔ́ he je nɛ Yehowa pee jã a. Kɛ o na nɔ́ nɛ Yehowa pee ɔ ha kɛɛ? Anɛ e haoɔ mo kaa Uzia pee we nɔ́ ko nɛ Yehowa gbla e tue lo? Anɛ e peeɔ mo kaa Yehowa yi dami sane lo? Ke o le Yehowa saminya, nɛ o le kaa be tsuaa be ɔ, blɔhi a nɔ nɛ e guu kɛ gblaa nihi a tue ɔ da a, o be susue jã. E ‘gblaa nɔ tue bɔ nɛ sa.’ (Yeremia 30:11) Enɛ ɔ he ɔ, ke wa li nɔ́ he je nɛ Yehowa gbla Uzia tue po ɔ, wa ma nyɛ ma ná nɔ mi mami kaa nɔ́ nɛ Yehowa pee ɔ da.

9. Mɛni ha wa na nɔ́ he je nɛ Yehowa ha kpiti pue Uzia a?

9 Baiblo ɔ ha wa le níhi fuu kɛ kɔ Matsɛ Uzia he. Uzia he munyu nɛ a ngma ngɛ 2 Kronika 26:3-5, 16-21 ɔ tsɔɔ kaa ‘e pee Yehowa suɔmi nya ní.’ Se ngmami ɔ tsɔɔ hu kaa pee se ɔ, “e wo e he nɔ, nɛ nɔ́ nɛ ɔ ha nɛ e hɛ mi kpata.” Matsɛ ɔ ngɛ hlae kaa e maa pee nɔ́ ko nɛ jinɛ osɔfohi pɛ nɛ a ngɛ he blɔ kaa a peeɔ. Osɔfohi kakaaka 81 de lɛ kaa nɔ́ nɛ e yaa pee ɔ dɛ, nɛ a bɔ mɔde kaa a maa tsi e nya. Kɛ e pee e ní ha kɛɛ?  E wo e he nɔ, enɛ ɔ he ɔ, e mi mi fu osɔfo ɔmɛ! Ní nɛ ɔmɛ nɛ ya nɔ ɔ hu ha nɛ wa na nɔ́ he je nɛ Yehowa ha nɛ kpiti pue matsɛ ɔ.

Ke o le Yehowa saminya a, hemi kɛ yemi nɛ o ngɛ ngɛ e mi kaa nɔ́ tsuaa nɔ́ nɛ e peeɔ ɔ da a mi maa wa

10. Mɛni he je nɛ e he hia we kaa Yehowa nɛ tsɔɔ wɔ nɔ́ tsuaa nɔ́ nɛ e peeɔ ɔ sisi ɔ? Mɛni ma ha nɛ wa ná hemi kɛ yemi nɛ mi wa ngɛ Yehowa mi kaa nɔ́ tsuaa nɔ́ nɛ e peeɔ ɔ da a?

10 Mɛni wa kaseɔ ngɛ munyu nɛ ɔ mi nɛ he hia? Ngɛ Matsɛ Uzia sane ɔ mi ɔ, Baiblo ɔ tsɔɔ wɔ níhi a mi fitsofitso konɛ waa le nɔ́ he je nɛ Yehowa gbla Uzia tue ɔ. Se kaa Baiblo ɔ tsɔɔ we sane ɔ mi fitsofitso ɔ, kɛ o ko pee o ní ha kɛɛ? Anɛ o ma susu kaa bɔ nɛ Yehowa kɛ lɛ ye ha a dɛ lo? Aloo níhi nɛ o kaseɔ ngɛ Baiblo ɔ mi ɔ ma ha nɛ o ná hemi kɛ yemi ngɛ Mawu mi kaa nɔ́ tsuaa nɔ́ nɛ e peeɔ ɔ da? (5 Mose 32:4) Ke o ya nɔ nɛ o le Yehowa kaa e ji Nɔ ko nɛ ngɛ nitsɛnitsɛ ɔ, suɔmi o ngɛ kɛ ha lɛ ɔ, kɛ hemi kɛ yemi nɛ o ngɛ ngɛ e mi ɔ, mi maa wa. Kɛkɛ ɔ, e he be hiae nɛ o le yi mi tomi he je nɛ e peeɔ nɔ́ tsuaa nɔ́ ngɛ. Ke o ya nɔ nɛ o kase Baiblo ɔ, o maa na kaa Yehowa ngɛ nitsɛnitsɛ, nɛ o maa hɛ mo kɛ su e he.La 77:12, 13.

O KƐ YEHOWA NƐ TU MUNYU KƐ GU SƆLEMI NƆ

11-13. Kɛ wa plɛ kɛ le kaa Yehowa buɔ sɔlemi tue kɛɛ? (Moo hyɛ foni nɛ ngɛ ní kasemi ɔ sisije ɔ.)

11 Sɔlemi hɛɛ wɔ kɛ suu Yehowa he. Wa sɔleɔ kɛ jeɔ Yehowa yi, wa naa lɛ si, nɛ wa biɔ lɛ yemi kɛ buami. (La 32:8) Se loko huɛ bɔmi gbagbanii maa hi o kɛ Yehowa nyɛ kpɛti ɔ, e sa nɛ o ná nɔ mi mami kaa e buɔ sɔlemi tue.

 12 Ni komɛ deɔ ke Mawu bui sɔlemi tue, enɛ ɔ he ɔ, a sɔleɔ kɛkɛ konɛ a tsui nɛ nɔ a mi. A susu kaa ke o sɔle ɔ, lɔ ɔ haa nɛ o susuɔ haomihi nɛ o kɛ kpeɔ ɔ a he saminya, nɛ mo nitsɛ o hlaa a nya tsaba. E ngɛ mi jã mohu lɛɛ, se kɛ̃ ɔ, ke o sɔle ha Yehowa a, e maa bu mo tue. Mɛni tsɔɔ jã?

O ma nyɛ ma ná nɔ mi mami kaa Yehowa buɔ o sɔlemi tue

13 Mo susu nɔ́ nɛ ɔ he nɛ o hyɛ: Loko Yesu maa ba zugba a nɔ ɔ, e na kaa Yehowa haa adesahi nɛ a sɔmɔɔ lɛ ɔ, a sɔlemihi a heto. Benɛ e ba zugba a nɔ ɔ, e sɔle kɛ ha e Tsɛ ɔ ngɛ hiɔwe nɛ e de lɛ e susumihi, kɛ bɔ nɛ e peeɔ lɛ ngɛ níhi a he ha. Be ko po ɔ, e sɔle nyɔnyɔɔnyɔ. (Luka 6:12; 22:40-46) Ke Yesu le kaa Yehowa bui sɔlemi tue ɔ, anɛ e ko sɔle nyɔnyɔɔnyɔ lo? Jehanɛ se hu ɔ, Yesu tsɔɔ e se nyɛɛli ɔmɛ bɔ nɛ a sɔleɔ ha. Ke Yesu le kaa Yehowa bui sɔlemi tue ɔ, anɛ e ko tsɔɔ e kaseli ɔmɛ bɔ nɛ a sɔleɔ ha lo? E ngɛ heii kaa Yesu le kaa Yehowa buɔ sɔlemi tue saminya. E de po ke: “Tsaatsɛ, i naa mo si kaa o buɔ mi tue. I le kaa o buɔ mi tue be tsuaa be.” Wɔ hu wa ma nyɛ ma ná nɔ mi mami kaa Yehowa buɔ sɔlemi tue.Yohane 11:41, 42; La 65:2.

14, 15. (a) Ke wa sɔle kɛ bi Yehowa níhi pɔtɛɛ ɔ, mɛni se wa ma ná? (b) Mɛni blɔ nɔ sɔlemi nɛ Kathy sɔle ha Yehowa a ye bua lɛ nɛ e hɛ lɛ kɛ su e he?

14 Eko ɔ, tsa pi be tsuaa be nɛ o naa kaa Yehowa haa o sɔlemihi a heto. Se ke o tu ní komɛ pɔtɛɛ a he munyu ngɛ o sɔlemi mi ɔ, o ma nyɛ maa na heii kaa Yehowa ha mo heto, nɛ o maa na kaa Yehowa ngɛ nitsɛnitsɛ. Ke o deɔ Yehowa o nyagbahi tsuo ɔ, e maa hɛ lɛ kɛ su o he.

15 Kaa nɔ hyɛmi nɔ́ ɔ, nyɛmiyo Kathy pɔɔ fiɛɛmi yami, se e bua jɔɛ fiɛɛmi ní tsumi ɔ he. * (Hyɛ sisi  ningma.) E de ke: “Ye bua jɔɛ fiɛɛmi ní tsumi ɔ he. I ngɛ tsɔɔe kaa, ye bua jɔɛ fiɛɛmi ní tsumi ɔ he kulaa.” Benɛ e ba ní tsumi mi he jɔɔmi ɔ, asafo mi nɔkɔtɔma ko wo lɛ he wami konɛ e sɔmɔ kaa daa blɔ gbalɔ. Kathy de ke: “E ha mi blɔ bimi womi ɔ eko po. I ma ye juɛmi nya si kaa ma pee daa blɔ gbalɔ, se i sɔleɔ daa ligbi konɛ Yehowa nɛ ye bua mi nɛ́ ye bua nɛ jɔ fiɛɛmi ní tsumi ɔ he.” Anɛ Yehowa ha e sɔlemi ɔ heto lo? Benɛ e kɛ e he wo blɔ gbami ní tsumi ɔ mi jeha etɛ se ɔ, e de ke: “Akɛnɛ i kɛ be babauu fiɛɛɔ, nɛ i kaseɔ nɔ́ ko kɛ jeɔ nyɛmimɛ yi kpahi a ngɔ he je ɔ, bɔbɔɔbɔɔ ɔ, i ba le bɔ nɛ a yeɔ nihi odase nɛ nuu tso ha. Mwɔnɛ ɔ, ye bua jɔ fiɛɛmi ní tsumi ɔ he wawɛɛ nitsɛ. Nɛ nɔ́ nɛ pe kulaa a, huɛ bɔmi nɛ ngɛ i kɛ Yehowa wa kpɛti ɔ mi wa wawɛɛ pe sa a.” Akɛnɛ Kathy sɔle konɛ Yehowa nɛ ye bua lɛ he je ɔ, e nyɛ nɛ e hɛ lɛ kɛ su Yehowa he.

Yaa nɔ nɛ o hɛ mo kɛ su Yehowa he haa (Hyɛ kuku 16, 17)

MO TSU O BLƆ FA MI NƆ́

16, 17. (a) Mɛni wa maa pee konɛ huɛ bɔmi nɛ ngɛ waa kɛ Yehowa wa kpɛti ɔ mi nɛ wa daa? (b) Mɛni he wa ma susu ngɛ munyu nɛ wa maa kase kɛ nyɛɛ enɛ ɔ se ɔ mi?

16 Wa ma nyɛ maa ya nɔ maa hɛ wɔ kɛ su Yehowa he daa. Enɛ ɔ he ɔ, nyɛ ha nɛ waa ya nɔ nɛ waa bu lɛ tue kɛ gu Baiblo ɔ nɛ wa maa kase daa a nɔ, nɛ waa ya nɔ nɛ waa kɛ lɛ nɛ tu munyu kɛ gu sɔlemi nɔ. Ke wa pee jã a, huɛ bɔmi nɛ ngɛ waa kɛ Yehowa wa kpɛti ɔ mi maa wa wawɛɛ, nɛ e maa ye bua wɔ nɛ wa maa da kahi a nya.

Wa ma nyɛ maa ya nɔ maa hɛ wɔ kɛ su Yehowa he daa

17 Wa sɔleɔ kɛ haa Yehowa daa mohu, se be komɛ ɔ, wɔ tsuo waa kɛ haomihi kpeɔ. Ngɛ behi kaa jã mi ɔ, hemi kɛ yemi nɛ wa ngɛ ngɛ Yehowa mi ɔ ma nyɛ maa ta. Eko ɔ, wa ma susu kaa Yehowa bui wa sɔlemi tue, nɛ e maa pee wɔ kaa pi wa huɛ nitsɛnitsɛ ji lɛ. Ke e peeɔ mo jã a, mɛni o ma nyɛ maa pee? Wa maa na heto ɔ ngɛ munyu nɛ wa maa kase kɛ nyɛɛ enɛ ɔ se ɔ mi.

^ kk. 2 Ke huɛ bɔmi ngɛ nɔ ko kɛ nɔ ko a kpɛti ɔ, lɔ ɔ tsɔɔ kaa jamɛatsɛmɛ ɔmɛ susuɔ a sibi a he, nɛ a yeɔ bua a sibi. E sa nɛ mɛ ni enyɔ ɔmɛ tsuo a pee nɔ́ ko konɛ a huɛ bɔmi ɔ mi nɛ wa.

^ kk. 15 A tsake biɛ ɔ.