Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  No. 6 2017

Mɛni Baiblo ɔ De?

Mɛni Baiblo ɔ De?

Mɛni ji Harmagedon?

Ni komɛ heɔ yeɔ . . .

kaa e ji be nɛ a kɛ oplɛmi nguahi maa kpata je ɔ hɛ mi aloo be nɛ zugba a ma puɛ kulaa. Kɛ o susu kɛɛ?

Nɔ́ nɛ Baiblo ɔ de

Harmagedon ji okadi peemi he nɛ daa si ha “ta nɛ maa ba ligbi nguaa a nɛ Mawu Ope ɔ maa kojo je ɔ.” Ta nɛ e kɛ ma kpata yiwutsotsɛmɛ a hɛ mi.​—Kpojemi 16:14, 16.

Mɛni hu wa ma nyɛ maa kase ngɛ Baiblo ɔ mi?

  • Mawu maa hwu Harmagedon ta a konɛ e kɛ po je ɔ he piɛ nɛ adesahi kó puɛ lɛ, se pi nɛ e kɛ ma kpata je ɔ hɛ mi.​—Kpojemi 11:18.

  • Harmagedon ta a maa po ta hwumi tsuo se.​—La 46:8, 9.

Anɛ nɔ ko ma nyɛ ma ná yi baami ngɛ Harmagedon ta a mi lo?

Kɛ o ma ha heto kɛɛ?

  • Ee

  • Dɛbi

  • Eko ɔ

Nɔ́ nɛ Baiblo ɔ de

“Nimli asafo” nɛ a je je ma amɛ tsuo a mi ɔ ma ná yi baami ngɛ “haomi kpetekpleenyɛ” ɔ mi, nɛ lɔ ɔ se ɔ, Harmagedon ta a maa ba.—Kpojemi 7:9, 14.

Mɛni hu wa ma nyɛ maa kase ngɛ Baiblo ɔ mi?

  • Mawu suɔ kaa nimli babauu nɛ a ná yi baami ngɛ Harmagedon ta a mi. Nihi nɛ a sume nɛ a tsake ɔ ji nihi nɛ e ma kpata a hɛ mi.—Ezekiel 18:32.

  • Baiblo ɔ tsɔɔ nɔ́ nɛ wa maa pee konɛ wa ná yi baami ngɛ Harmagedon ta a mi.​—Zefania 2:3.