Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  No. 5 2017

 MUNYUHI NƐ KƆƆ HƐ MI MUNYU Ɔ HE | ANƐ BƆFOHI NGƐ NIINƐ LO? NƆ́ HE JE NƐ E HE HIA

Anɛ Bɔfo Yayamihi Ngɛ Lo?

Anɛ Bɔfo Yayamihi Ngɛ Lo?

Ee, bɔfo yayamihi ngɛ. Jije nɛ a je kɛ ba? Mo kai kaa Mawu bɔ bɔfohi, nɛ e ha mɛ he blɔ nɛ a kɛ peeɔ nɔ́ nɛ nɔ suɔ. Benɛ a bɔ kekleekle nyumu kɛ yo nɛ ji Adam kɛ Hawa se ɔ, e kɛ we kulaa nɛ bɔfo ko nɛ ye mluku ɔ kɛ he blɔ nɛ e ngɛ nɛ e kɛ peeɔ nɔ́ nɛ e suɔ ɔ tsu ní ngɛ blɔ yaya nɔ. Enɛ ɔ kɛ atuã tsɔmi ba zugba a nɔ. E ha nɛ Adam kɛ Hawa tsɔ atuã kɛ si Mawu. (1 Mose 3:1-7; Kpojemi 12:9) Baiblo ɔ tsɔɔ we bɔfo nɛ ɔ biɛ, nɛ e tsɔɔ we he blɔ nɛ e ngɛ ngɛ hiɔwe loko e tsɔ atuã a hulɔ. Se benɛ e tsɔ atuã a se ɔ, Baiblo ɔ tsɛ lɛ ke Satan nɛ sisi ji “Nɔ Nɛ Teɔ Si Kɛ Woɔ Nɔ,” kɛ Abosiami nɛ sisi ji “Nɔ He Guɛ Gbelɔ.”​—Mateo 4:8-11.

Aywilɛho sane ji kaa, jamɛ a atuã tsɔmi ɔ se pui ngɛ lejɛ ɔ. Ngɛ Noa be ɔ mi ɔ, bɔfo komɛ nɛ a tsɔɔ we a yi bɔ “tsɔ atuã kɛ je mɛ nitsɛmɛ a si himi he” ngɛ Mawu weku nɛ ngɛ hiɔwe ɔ mi. A ba zugba a nɔ kaa adesahi nɛ a kɛ a he ba wo ní peemi yayamihi kɛ ní sɛ níhi a mi. Pi yi mi tomi nɛ a kɛ bɔ mɛ ji nɛ ɔ.​—Yuda 6; 1 Mose 6:1-4; 1 Petro 3:19, 20.

Mɛni ba bɔfo yaya nɛ ɔmɛ a nɔ? Benɛ Mawu ngɔ nyu kpekpemi ɔ kɛ ma zugba a hɛ mi kpatami ɔ, bɔfo nɛ ɔmɛ tsake kɛ pee mumi mi bɔ níhi ekohu. Se Mawu ngmɛ́ mɛ blɔ konɛ a kpale ba a ‘kekleekle blɔ he ɔ.’ Mohu ɔ, e ngɔ mɛ kɛ wo ‘mumi mi diblii kpii’ nɛ a tsɛɛ ke Tartarus ɔ mi. (Yuda 6; 2 Petro 2:4) Daimonio nɛ ɔmɛ ngɔ a he kɛ wo Satan Abosiami nɛ ji “daimonio ɔmɛ a nɔ yelɔ” nɛ “tsakeɔ e he peeɔ bɔfo nɛ e ngɛ kpɛe kaa la” a nɔ yemi sisi nɛ e ngɛ mɛ kudɔe.​—Mateo 12:24, NW; 2 Korinto Bi 11:14.

Baiblo ɔ tsɔɔ kaa a to Mawu Mesia Matsɛ Yemi ɔ nɛ ji hiɔwe nɔ yemi ɔ sisi ngɛ jeha 1914. * Ngɛ blɔ nya tomi nɛ ɔ se ɔ, a fie Satan kɛ e daimonio ɔmɛ kɛ je hiɔwe kɛ ba zugba a nɔ. Mɛ lɛ a ha nɛ yi wu tso ní peepeehi kɛ je mi bami yayamihi pɔ he wawɛɛ ngɛ je ɔ mi mwɔnɛ ɔ nɛ.​—Kpojemi 12:9-12.

Se bɔ nɛ ní yayamihi kɛ basabasa peemi ngɛ hɛ mi yae ha mwɔnɛ ɔ tsɔɔ kaa bɔfo yayami nɛ ɔmɛ a nyagbe su ta. E be kɛe nɛ a ma kpata mumi mi ní bɔ níhi nɛ a peeɔ yi wu tso ní nɛ ɔmɛ a hɛ mi. Ke Mawu Matsɛ Yemi ɔ ye paradeiso zugba a nɔ jeha 1,000 se ɔ, a ma ha jamɛ a mumi mi ní bɔ ní nɛ ɔmɛ nyagbe he blɔ konɛ a ka adesahi. Lɔ ɔ se ɔ, a ma kpata a hɛ mi kɛ ya neneene.​—Mateo 25:41; Kpojemi 20:1-3, 7-10.

^ kk. 6 Ke o ngɛ hlae nɛ o le níhi fuu kɛ kɔ Mawu Matsɛ Yemi ɔ he ɔ, moo hyɛ womi nɛ Yehowa Odasefohi pee nɛ ji, Mɛni Baiblo ɔ Ma Nyɛ Maa Tsɔɔ Wɔ? yi 8. O ma nyɛ maa gbla ngɛ www.jw.org/ada.