Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ  |  No. 3 2016

 HƐ MI MUNYU

Ke O Suɔlɔ Ko Gbo

Ke O Suɔlɔ Ko Gbo

“Bebe, Mawu le nɔ́ nɛ hi. Ko fo ya . . . o nu lo?”

A tu munyu nɛ ɔ kɛ wo yo ko nɛ a tsɛɛ lɛ ke Bebe ɔ tue mi ngɛ e papaa ya sisi. E papaa gbo ngɛ lɔle oslaa ko mi.

Bebe huɛ ko nɛ tu munyu nɛ sɛ hlami ɔ kɛ tsɔɔ lɛ ɔ nɛ. Bebe suɔ e papaa wawɛɛ. Enɛ ɔ he ɔ, nɔ́ nɛ nɔ ɔ de ɔ hao lɛ. Nɔ́ nɛ Bebe pɔɔ demi ji, “E sɛ nɛ papaa ko gbo.” Jeha babauu be, se Bebe kpa we e papaa gbenɔ ɔ he aywilɛho yemi. E ngma womi ko nɛ e tu nɔ́ nɛ ba e papaa nɔ ɔ he munyu ngɛ mi.

Bebe ba na kaa ke nɔ ko suɔlɔ gbo ɔ, e se ma nyɛ maa kɛ loko nɔ ɔ ma kpa aywilɛho yemi. Enɛ ɔ he ɔ, e da kaa Baiblo ɔ tsɛ gbenɔ ke “nyagbe he nyɛlɔ.” (1 Korinto Bi 15:26) Behi fuu ɔ, ke gbenɔ ma a, e wui nɔ ko si. E ba woɔ wa suɔli kɛ jeɔ, nɛ wa nyɛ we nɛ waa pee nɔ́ ko ngɛ he. Wa ti nɔ ko be nyɛe maa tu nyagbahi nɛ gbenɔ kɛ baa a nya fo. Enɛ ɔ he ɔ, ke e ba kaa wa suɔlɔ ko gbo ɔ, wa ti nihi fuu li bɔ nɛ wa maa pee ha.

Eko ɔ, o ma bi ke: ‘Ke ye suɔlɔ ko gbo ɔ, mɛni be ma kpa aywilɛho yemi? Kɛ ma pee kɛɛ? Mɛni ma nyɛ ma pee kɛ wo nihi nɛ a suɔli gbo ɔ a bua? Anɛ wa ma nyɛ maa na wa suɔli nɛ a gbo ɔ ekohu lo?’