Yaa mi ní ɔ nɔ

Yaa e mi ní ɔ mi

Yehowa Odasefohi

Moo hla gbi Dangme

Mɛni Baiblo ɔ De?

Mɛni Baiblo ɔ De?

Ke nɔmlɔ gbo ɔ, mɛni si fɔfɔɛ mi e ya jee?

NI KOMƐ HEƆ YEƆ kaa ke nɔmlɔ gbo ɔ, e ya tsaa si himi nɔ ngɛ he ko, se ni komɛ hu susu kaa ke nɔmlɔ gbo ɔ, kɛkɛ e ta. Kɛ mo hu o susu kɛɛ?

NƆ́ NƐ BAIBLO Ɔ DE

“Ni gbogboe ɔmɛ lɛɛ a li nɔ́ ko nɔ́ ko.” (Fiɛlɔ 9:5) Ke wa gbo ɔ, kɛkɛ wa wami se po.

NƆ́ KPA NƐ WA KASEƆ NGƐ BAIBLO Ɔ MI

  • Benɛ kekle nɔmlɔ nɛ ji Adam gbo ɔ, e kpale kɛ ya zu mi. (1 Mose 2:7; 3:19) Jã kɛ̃ nɛ nihi nɛ a gbo ɔ tsuo kpale kɛ ho zu mi ya.Fiɛlɔ 3:19, 20.

  • A ngɔ nihi tsuo nɛ a gbo ɔ a he yayamihi kɛ pa mɛ. (Roma Bi 6:7) Ke nɔmlɔ gbo ɔ, a be e tue gblae ngɛ e yayami ɔmɛ a he hu.

Anɛ nihi nɛ a gbo ɔ ma nyɛ maa hi si ekohu lo?

KƐ O MA DE KƐƐ?

  • Ee

  • Dɛbi

  • Eko ɔ

NƆ́ NƐ BAIBLO Ɔ DE

‘Adesahi maa te si kɛ je gbeje hwɔɔ se.’—Bɔfo Ɔmɛ A Ní Tsumi 24:15.

MƐNI HU WA MA NYƐ MAA KASE NGƐ BAIBLO Ɔ MI?

  • Behi fuu ngɛ nɛ Baiblo ɔ kɛ gbenɔ toɔ mahe he. (Yohane 11:11-14) Mawu ma nyɛ ma tle gbogboehi si kaa bɔ nɛ wɔ hu wa ma nyɛ maa tsɛ̃ɛ nɔ ko nɛ hwɔ mahe ɔ.Hiob 14:13-15.

  • Baiblo ɔ tu ni komɛ nɛ a tle mɛ si ɔ a he munyu, nɛ enɛ ɔ haa nɛ wa náa nɔ mi mami kaa a ma tle ni gbogboe ɔmɛ si.1 Matsɛmɛ 17:17-24; Luka 7:11-17; Yohane 11:39-44.