Yaa mi ní ɔ nɔ

Yaa e mi ní ɔ mi

Yehowa Odasefohi

Moo hla gbi Dangme

Anɛ O Kai Lo?

Anɛ O Kai Lo?

Anɛ o to o tsui si kɛ kane Hwɔɔmi Mɔ slɔɔtohi nɛ ba lingmi nɛ ɔ lo? Ke jã a, lɛɛ moo hyɛ kaa o ma nyɛ ma ha sane bimihi nɛ nyɛɛ se nɛ ɔ a heto:

Ke Mawu Asafo ɔ kɛ blɔ tsɔɔmi ko ha a, kɛ e sa nɛ kpɔ mi nɔ hyɛli, kɛ asafo mi nikɔtɔmahi nɛ a pee a ní ngɛ he ha kɛɛ?

E sa kaa a ngɔ kɛ tsu ní amlɔ nɔuu. A ma nyɛ ma bi a he ke: ‘Anɛ i woɔ nyɛmimɛ he wami konɛ a ya nɔ nɛ a ye Yehowa anɔkuale lo? Anɛ i kplɛɔ nɔ, nɛ i kɛ tsuɔ ní oya nɔuu lo?’—w16.11, bf. 11.

Mɛni be nɛ Babilon Ngua a ngɔ anɔkuale Kristofohi nyɔguɛ?

Nɔ́ nɛ ɔ ya nɔ ngɛ bɔfo ɔmɛ a gbenɔ se pɛ. Jamɛ a be ɔ mi ɔ, a bɔni nihi osɔfo womi. Jami ɔmɛ kɛ nɔ yeli ɔmɛ te si kɛ wo Kristofohi, nɛ a bɔ mɔde kaa a maa tsi Kristofohi nɛ a ngɛ kaa ngma a nya konɛ a ko fiɛɛ. Se jeha nyɔngma komɛ loko jeha 1914 maa su ɔ, nihi nɛ a pɔ mɛ nu ɔ bɔni a he yemi.​—w16.11, bf. 23-25.

Mɛni slɔɔto lɛ ngɛ “he lo nya níhi a he juɛmi” kɛ “mumi mi níhi a he juɛmi” ɔ a kpɛti? (Rom. 8:6)

Nɔ nɛ ngɔɔ e juɛmi kɛ maa he lo nya níhi a nɔ ɔ haa nɛ e we akɔnɔ kɛ níhi nɛ e suɔ ɔ tsɔɔ lɛ nɔ́ nɛ e pee, nɛ daa nɛ ɔ, he lo nya níhi a he pɛ e susuɔ. Se nɔ nɛ ngɔɔ e juɛmi kɛ maa mumi mi níhi a nɔ ɔ susuɔ níhi nɛ kɔɔ Mawu kɛ Mawu susumi a he ɔ he. Nɔmlɔ kaa jã a haa nɛ mumi klɔuklɔu ɔ tsɔɔ lɛ blɔ. He lo nya níhi a he susumi kɛ nɔ yaa gbenɔ mi, se mumi mi níhi a he susumi haa nɔ wami kɛ tue mi jɔmi.​—w16.12, bf. 15-17.

Mɛni ní komɛ o ma nyɛ maa pee konɛ o ko pee yeyeeye tsɔ?

O kɛ níhi nɛ a he hia amɛ nɛ pee nɔ́ titli ngɛ o si himi mi, koo hyɛ blɔ kaa nɔ́ tsuaa nɔ́ maa ya nɔ pɛpɛɛpɛ kaa bɔ nɛ o ngɛ hlae ɔ, moo to o be he blɔ nya konɛ o nyɛ nɛ o ná be kɛ jɔɔ o he daa ligbi, o bua nɛ jɔ Mawu nibɔ níhi a he, moo pee níhi nɛ ma ha nɛ o bua nɛ jɔ daa, moo ka o he mi daa, nɛ o hwɔ mahe bɔ nɛ sa.​—w16.12, bf. 22-23.

‘A ngɔ Enok kɛ ho, konɛ e ko na gbenɔ.’ (Heb. 11:5) Ngɛ mɛni blɔ nɔ?

Eko ɔ, Mawu ngɔ Enok wami ngɛ e dɛ ngɛ blɔ ko nɔ nɛ Enok be nyɛe ma yɔse kaa e ngɛ gboe.​—wp17.1, bf. 12-13.

Mɛni he je nɛ humi peemi he hia loloolo ɔ?

Ke nɔ ko peeɔ e he humi ɔ, lɔ ɔ tsɔɔ kaa e le níhi nɛ e be nyɛe maa pee, kɛ níhi nɛ e be he blɔ kaa e peeɔ. E sa nɛ wa yɔse bɔ nɛ wa ní peepee ma nyɛ maa sa ni kpahi a he ha, nɛ wa ko bu wa he tsɔ.​—w17.01, bf. 18.

Mɛni tsɔɔ kaa Mawu lɛ tsɔɔ blɔ tsɔɔmi ajla toli nɛ a hi si ngɛ kaseli ɔmɛ a be ɔ mi ɔ blɔ kaa bɔ nɛ e ngɛ Blɔ Tsɔɔmi Ajla Toli nɛ a ngɛ mwɔnɛ ɔ blɔ tsɔɔe ɔ?

Mumi klɔuklɔu ɔ ye bua mɛ nɛ a nu anɔkualehi nɛ ngɛ Ngmami ɔ mi ɔ sisi. Hiɔwe bɔfohi hu ye bua mɛ nɛ a hyɛ fiɛɛmi ní tsumi ɔ nɔ, nɛ a da Mawu Munyu ɔ nɔ nɛ a kɛ blɔ tsɔɔmi ha. Jã kɛ̃ nɛ e ji mwɔnɛ ɔ.​—w17.02, bf. 26-28.

Mɛni lɛ haa nɛ o buɔ kpɔmi nɔ́ ɔ kaa nɔ́ ko nɛ he jua wa a?

Níhi eywiɛ: Nɔ nɛ ngɔ kɛ ha, nɔ́ he je nɛ e ngɔ kɛ ha, bɔ nɛ ehe jua wa ha nɔ ɔ ha, kɛ bɔ nɛ o ná he se ha. E sa nɛ wa susu bɔ nɛ níhi eywiɛ nɛ ɔmɛ kɔɔ kpɔmi nɔ́ ɔ he ha a he.​—wp17.2, bf. 4-6.

Ke Kristofo no ko ma e juɛmi nya si ngɛ nɔ́ ko he ɔ, anɛ e ma nyɛ ma tsake juɛmi nɛ e pee ɔ lo?

Ke wa de nɔ́ ko ɔ, e sa nɛ waa ye nɔ. Se kɛ̃ ɔ, be komɛ ɔ, e he maa hia nɛ wa susu juɛmi ko nɛ wa pee ɔ he ekohu. Benɛ Nineve bi ɔmɛ tsake a tsui ɔ, Mawu tsake juɛmi nɛ e pee ngɛ a he ɔ. Be komɛ ɔ, ke si fɔfɔɛ ɔ tsake, aloo wa ba le ní hehi kɛ kɔ sane ko he ɔ, eko ɔ, e ma bi nɛ wɔ hu waa pee jã.​—w17.03, bf. 16-17.

Mɛni he je nɛ e ngɛ oslaa kaa wa maa ye sieku ɔ?

E ma nyɛ ma ha sane ko nɛ puɛ kulaa. Wa nɔ́ da jio, wa nɔ́ dɛ jio, ke wa tu munyu yaya kɛ si nɔ ko ɔ, lɔ ɔ be nyɛe ma tsu sane ɔ he ní.​—w17.04, bf. 21.