Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ—Nɔ́ Nɛ A Maa Kase  |  September 2016

Ha Yehowa Nɛ Tsɔɔ Mo Blɔ Mwɔnɛ ɔ

Ha Yehowa Nɛ Tsɔɔ Mo Blɔ Mwɔnɛ ɔ

NYƐMIYO KO MWƆ E YI MI KPƆ NGƐ NILEMI MI NGƐ POLAND

“BENƐ i ye jeha 15 ɔ, i ha nɛ a baptisi mi. Ngɛ ye baptisimi ɔ se nyɔhiɔ ekpa a, i bɔni blɔ gbali a wali ní tsumi ɔ tsumi. Ngɛ jeha kake se ɔ, i ngma womi nɔ ní kaa i suɔ nɛ ma pee daa blɔ gbalɔ. Benɛ i gbe nɔ tsami sukuu nya a, i bi konɛ a ha mi he blɔ nɛ ma ya sɔmɔ ngɛ he nɛ Matsɛ Yemi fiɛɛli fuu he hia ngɛ. I suɔ nɛ ma hia kɛ je ye ma a mi, nɛ ma je ye maa nɛ tsa pi Yehowa Odasefo no ji lɛ ɔ he kɛ ho ma kpa nɔ ya. Benɛ kpɔ mi nɔ hyɛlɔ ɔ de mi kaa ma tsu ní ngɛ ye ma a mi nɔuu ɔ, e dɔ mi wawɛɛ! I bɔ mɔde kaa i be hae nɛ e le kaa sane ɔ dɔ mi. I kɛ aywilɛho je lejɛ ɔ, nɛ i ya susu nɔ́ nɛ e de ɔ he. I de nyɛmi nɛ i kɛ lɛ yaa fiɛɛmi ɔ ke: ‘I susu kaa i ngɛ ye ní pee kaa Yona. Se nyagbenyagbe ɔ, Yona ya Nineve. Lɔ ɔ he ɔ, i mi hu ma sɔmɔ ngɛ he nɛ a kɛ wo ye dɛ ɔ.’

“I sɔmɔ kaa daa blɔ gbalɔ ngɛ ye ma a mi jeha eywiɛ, nɛ i yɔse kaa nile ngɛ mi kaa i kɛ blɔ tsɔɔmi nɛ a ha mi ɔ tsu ní. Ye nyagba titli ji juɛmi nɛ dɛ nɛ i ngɛ ngɛ níhi a he ɔ. Amlɔ nɛ ɔ, ye bua jɔɔ wawɛɛ nitsɛ. Ngɛ nyɔhiɔ ko mi ɔ, i kɛ nihi 24 kase Baiblo ɔ. I naa Yehowa si kaa i kɛ ye maa nɛ teɔ si kɛ woɔ mi ɔ je Baiblo ɔ kasemi sisi.”

NƆ́ KPAKPA KO JE NƆ́ NƐ NYƐMIYO KO PEE Ɔ MI KƐ BA NGƐ FIJI

E he ba hia nɛ Baiblo kaselɔ ko nɛ e ngɛ Fiji ɔ nɛ ma e juɛmi nya si kaa e maa ya Kristofohi a kpokpa nɔ kpe ko aloo e maa ya e huno ɔ weku no ko fɔmi ligbi yemi sisi. E huno ɔ kplɛɛ nɔ kaa e ma nyɛ maa ya kpokpa nɔ kpe ɔ. Yo ɔ de e huno ɔ kaa ke a kpa kpe ɔ, e maa ba he nya buami ɔ sisi. Benɛ a kpa kpe ɔ nɛ e ba we ɔ mi ɔ, e na kaa ke e ya okplɔɔ ngmɛmi ɔ sisi ɔ, e ma nyɛ maa pee ka ha lɛ, enɛ ɔ he ɔ, e yɛ lejɛ ɔ kulaa.

Jamɛ a be ɔ mi nɔuu ɔ, e huno ɔ hu de e weku li ɔmɛ kaa e ha e yo ɔ he blɔ kaa e ya “Odasefohi a kpe” ko, nɛ lɔ ɔ se ɔ, e ma ba piɛɛ a he. Se e weku li ɔmɛ de lɛ ke, “E be bae fɛɛ, ejakaa Yehowa Odasefohi yi fɔmi ligbi!” *

E huno ɔ bua jɔ wawɛɛ kaa e yo ɔ hɛɛ e hemi kɛ yemi ɔ mi kpɛii, nɛ e pee nɔ́ nɛ e he nile ngmɛ lɛ blɔ kaa e pee ɔ. Pee se ɔ, anɔkuale nɛ nyɛmiyo nɛ ɔ ye ɔ ha nɛ e ná he blɔ kɛ ye e huno ɔ kɛ ni kpahi odase. Mɛni je mi kɛ ba? E huno ɔ kplɛɛ nɔ kaa a kɛ lɛ nɛ kase Baiblo ɔ, nɛ e kɛ e yo ɔ bɔni asafo mi kpehi yami.

^ kk. 7 Moo hyɛ “Sane Bimihi Nɛ Je Ní Kaneli A Ngɔ” nɛ je kpo ngɛ December 15, 2001 Blɛfo gbi Hwɔɔmi Mɔ ɔ mi ɔ.