Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ—Nɔ́ Nɛ A Maa Kase  |  November 2016

Munyu Ko Nɛ Wo Nihi A Bua Wawɛɛ!

Munyu Ko Nɛ Wo Nihi A Bua Wawɛɛ!

“YO.” Be komɛ ɔ, Yesu kɛ munyungu nɛ ɔ tsuɔ ní ke e ngɛ yihi tsɛe. Kaa nɔ hyɛmi nɔ́ ɔ, benɛ e tsa yo ko nɛ e kpɛ̃, nɛ e nyɛ we nɛ e kpã e mi jeha 18 sɔuu ɔ, e de lɛ ke: “Yo i ngɛ mo dee ke o hiɔ ɔ ngmɛɛ o he!” (Luka 13:10-13) Yesu tsɛ e yayo po ke yo, ejakaa blema a, jã ji bɔ nɛ a tsɛɛ yihi. Enɛ ɔ tsɔɔ kaa a ngɛ bu kɛ ha mɛ. (Yoh. 19:26; 20:13) Se munyungu ko ngɛ nɛ lɔ ɔ hu bu ngɛ he wawɛɛ.

Ke Baiblo ɔ ngɛ yi komɛ a he munyu tue ɔ, e kɛ munyungu ko nɛ e woɔ nɔ bua tsuɔ ní. Yesu kɛ munyungu nɛ ɔ tsu ní benɛ e kɛ yo ko nɛ muɔ be ngɛ e he jeha 12 ɔ ngɛ munyu tue ɔ. Mawu Mlaa a tsɔɔ kaa ke muɔ ngɛ bee ngɛ nɔ ko he ɔ, e he tsɔ we. Yo nɛ ɔ kɛ Mawu Mlaa a tsu we ní, nɛ e ya pɛtɛ Yesu he. Jinɛ e sɛ kaa yo nɛ ɔ ko ya nihi a kpɛti ngɛ si fɔfɔɛ nɛ e ngɛ mi ɔ he je. (3 Mose 15:19-27) Se yo nɛ ɔ hao wawɛɛ. Ngɛ anɔkuale mi ɔ, “e kpa tsopatsɛmɛ a nɔ hluu nɛ e dɛ mi ta, se hiɔ ɔ bɛ si; mohu pe e ngɛ nɔ puee.”—Mar. 5:25, 26.

Yo nɛ ɔ gu ni ɔmɛ a kpɛti nigii, nɛ e ba je Yesu se. E pɛtɛ Yesu tade nya fiami ɔ he, nɛ amlɔ nɔuu ɔ, muɔ nɛ ngɛ bee ngɛ e he ɔ se po! Yo ɔ susu kaa nɔ ko nɔ ko be nɔ́ nɛ e pee ɔ lee, se Yesu bi si ke: “Mɛnɔ lɛ ta ye he ɔ?” (Luka 8:45-47) Akɛnɛ yo ɔ le nɔ́ nɛ e pee he je ɔ, e kɛ gbeye yemi kɛ he domi ba kpla si ngɛ Yesu hɛ mi, “nɛ e de lɛ anɔkuale ɔ tsuo.”—Mar. 5:33.

Bɔ nɛ pee nɛ yo ɔ ko ye tsui ɔ, Yesu je mi mi jɔmi mi nɛ e de lɛ ke: “Biyo, o tsui nɛ nɔ o mi.” (Mat. 9:22) Baiblo he ní leli tsɔɔ kaa, nɔ ko ma nyɛ maa ngɔ Hebri kɛ Hela munyunguhi nɛ a tsɔɔ sisi ke “biyo” ɔ kɛ tsu ní ke e ngɛ hlae nɛ e je “mi mi jɔmi kpo aloo e wo nɔ ko bua” a. Yesu ya nɔ nɛ e wo yo ɔ bua. E de ke: “O hemi kɛ yemi tsa mo! O hiɔ ɔ nɛ jɔ! Yaa ngɛ he jɔmi mi.”—Mar. 5:34.

“Biyo.” Israel no niatsɛ ko nɛ a tsɛɛ lɛ Boaz ɔ hu tsɛ Rut nɛ ji Moab no ɔ ke “biyo.” Rut pee mɔbɔmɔbɔ, ejakaa e ngɛ ngma bibliwi kukuɔe ngɛ nyumu ko nɛ e li lɛ ɔ ngmɔ nɔ. Boaz bi ke: ‘Ye biyo, o ngɛ tue bue?’ Lɔ ɔ se ɔ, e de Rut kaa e ya nɔ nɛ e kukuɔ ngma bibliwi ngɛ e ngmɔ ɔ nɔ. Rut kpla si ngɛ Boaz hɛ mi, nɛ e bi lɛ nɔ́ he je nɛ e je mi mi jɔmi kpo kɛ tsɔɔ lɛ ma se no ɔ. Boaz wo e bua, nɛ e de lɛ ke: ‘Níhi nɛ o pee ha o nganyɛ Naomi nɛ e ji yalɔyo ɔ, Yehowa nitsɛ nɛ e wo mo níhi nɛ o pee ɔ kulaa he hiɔ.’—Rut 2:8-12.

Enɛ ɔ ji nɔ hyɛmi nɔ́ kpakpa nɛ Yesu kɛ Boaz pee ha asafo mi nikɔtɔmahi! Eko ɔ, nyɛmiyo ko hia he wami womi, nɛ e he maa hia kaa asafo mi nikɔtɔmahi enyɔ nɛ a da Ngmami ɔ nɔ kɛ wo lɛ he wami. Ke a sɔle kɛ bi Yehowa blɔ tsɔɔmi nɛ a bu nyɛmiyo ɔ tue saminya a, a ma nyɛ maa je Mawu Munyu ɔ mi kɛ wo e bua.—Rom. 15:4.