Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Hwɔɔmi Mɔ—Nɔ́ Nɛ A Maa Kase  |  August 2016

Mo Hla Nɔ́ Ko Nɛ He Jua Wa Kulaa Pe Sika Tsu

Mo Hla Nɔ́ Ko Nɛ He Jua Wa Kulaa Pe Sika Tsu

Anɛ o nine su sika tsu nyafii ko nɔ hyɛ lo? Nihi bɔɔ pɛ nɛ a nine su eko nɔ hyɛ. Se nihi ayɔhi abɔ a nine su nɔ́ ko nɛ he jua wa kulaa pe sika tsu nɔ. Enɛ ɔ ji nile nɛ je hiɔwe, ‘a kɛ sika tsu he we.’Hiob 28:12, 15.

NGƐ blɔ ko nɔ ɔ, wa ma nyɛ ma de ke nihi nɛ a bua jɔ Baiblo kasemi he ɔ ngɛ kaa nihi nɛ a hlaa sika tsu nyafinyafihi. E sa kaa Baiblo kaseli nɛ ɔmɛ nɛ a bɔ mɔde nɛ a ya nɔ nɛ a hla Ngmami ɔ mi, konɛ a nine nɛ su nile nɛ se be ɔ nɔ. Enɛ ɔ he ɔ, nyɛ ha nɛ wa susu blɔhi etɛ nɛ a guɔ nɔ kɛ hlaa sika tsu ɔ he, konɛ waa hyɛ nɔ́ nɛ wa ma nyɛ maa kase kɛ je mi.

O NÁ SIKA TSU NYAFII KO!

Moo ngɔ lɛ kaa o ngɛ nyɛɛe ngɛ pa ko he, nɛ o na tɛ nyafii ko nɛ ngɛ kpɛe. Benɛ o wo nɔ́ ɔ, o na kaa e ji sika tsu, nɛ o bua jɔ. E ngɛ nyafii kulaa, nɛ e nami yee pe daimond nɛ he jua wa wawɛɛ po. Lɔ ɔ se ɔ, o bɔni lejɛ ɔ hlami kaa o maa na sika tsu ɔ fuu kɛ piɛɛ he lo.

Jã kɛ̃ nɛ eko ɔ, o ma kai kaa be ko nɛ be ɔ, Yehowa sɔmɔlɔ ko ba o we mi nɛ e kɛ mo ba susu Baiblo ɔ mi sɛ gbi nɛ haa nɔ hɛ nɔ kami ɔ he. Eko ɔ, o ma nyɛ ma kai be nɛ o yɔse kaa o nine su nɔ́ ko nɛ ngɛ kaa mumi mi sika tsu ɔ nɔ. E ma nyɛ maa ba kaa kekleekle be nɛ a ha nɛ o na Mawu biɛ nɛ ji Yehowa a ngɛ Baiblo ɔ mi ɔ ji be nɛ o yɔse kaa o nine su mumi mi sika tsu nɛ ɔ nɔ ɔ nɛ. (La 83:18) Aloo eko ɔ, benɛ o ba le kaa o ma nyɛ maa pee Mawu huɛ ɔ ji be nɛ o yɔse kaa o nine su mumi mi sika tsu ko nɔ. (Yak. 2:23) Amlɔ nɔuu ɔ, o na kaa o nine su nɔ́ ko nɛ he jua wa pe sika tsu nɔ! Nɛ lɔ ɔ se ɔ, o ngɛ mɔde bɔe kaa o nine maa su mumi mi sika tsu fuu nɔ kɛ piɛɛ he.

O NINE SU SIKA TSU FUU NƆ!

Be komɛ ɔ, a naa sika tsu nyafinyafihi nɛ a pueɔ si ngɛ he kake ngɛ pahi a mi loo pahi a nya. A tsɛɛ sika tsu nɛ ɔ ke alluvial gold. Nihi nɛ a hlaa sika tsu nɛ a tsuɔ ní wawɛɛ ɔ ma nyɛ maa na sika tsu nyafinyafihi fuu nɛ a jua ma nyɛ maa su dɔla akpe nyɔngmahi abɔ ngɛ nyɔhiɔ bɔɔ ko mi.

Ke nɔ ko bua sika tsu nya a, e bua jɔɔ. Jã kɛ̃ nɛ eko ɔ, be nɛ o kɛ Yehowa Odasefo no ko bɔni Baiblo ɔ kasemi ɔ, mo hu o bua jɔ. Eko ɔ, ke o kane Baiblo ɔ kuku tsuaa kuku ɔ, o pueɔ o yi mi tɛ ngɛ he, nɛ lɔ ɔ ha nɛ o ba le níhi fuu, nɛ o ba wa ngɛ mumi mi. O bɔ mɔde wawɛɛ kɛ hla Baiblo ɔ mi anɔkualehi nɛ a he jua wa a, nɛ o ba na nɔ́ nɛ o ma nyɛ maa pee konɛ o kɛ Yehowa nɛ pee huɛ. Jehanɛ hu ɔ, o ba le nɔ́ nɛ o ma nyɛ maa pee konɛ o nyɛ nɛ o to o he ngɛ Mawu suɔmi ɔ mi, nɛ o ná neneene wami.Yak. 4:8; Yuda 20, 21.

Anɛ o bɔɔ mɔde wawɛɛ kɛ hlaa Baiblo ɔ mi anɔkualehi kaa bɔ nɛ nihi nɛ a hlaa sika tsu ɔ peeɔ ɔ lo?

 Kaa bɔ nɛ nɔ ko nɛ e hlaa sika tsu ɔ maa suɔ kaa e nine nɛ su sika tsu nɛ he jua wa fuu nɔ ɔ, jã kɛ̃ nɛ eko ɔ, o ngɛ mɔde bɔe wawɛɛ konɛ o nine nɛ su mumi mi níhi nɛ a he jua wa a a nɔ. Benɛ o ba kase Baiblo ɔ mi sisije anɔkuale ɔmɛ ɔ, eko ɔ, lɔ ɔ wo mo he wami nɛ o jɔɔ o he nɔ ha Yehowa nɛ o ha nɛ a baptisi mo.Mat. 28:19, 20.

YAA NƆ NƐ O HLA!

Nɔ ko nɛ e hlaa sika tsu ɔ ma nyɛ maa na ekomɛ ngɛ tɛ nguahi a kpɛ. Tɛ nɛ ɔmɛ ekomɛ ngɛ nɛ sika tsu nɛ ngɛ mi ɔ hiɛ wawɛɛ. Enɛ ɔ he ɔ, a tsuaa tɛ nɛ ɔmɛ nɛ a ywiaa mɛ, nɛ a jeɔ sika tsu ɔ ngɛ mi. Eko ɔ, ke o hɛngmɛ gba tɛ nɛ ɔ nɔ ɔ, o be sika tsu ɔ nae ngɛ mi. Mɛni he je? Ejakaa ke a tsua tɛ nɛ he jua wa tɔn kake ɔ, sika tsu nɛ a ma nyɛ maa na ngɛ mi ɔ sui kilogram fã po! Se kɛ̃ ɔ, ke nihi nɛ a hlaa sika tsu ɔ a nine su sika tsu nɛ ɔ nɔ ɔ, a bua jɔɔ.

Ke nɔ ko kase “sisije níhi nɛ kɔɔ Kristo he ɔ” ta a, e sa nɛ e bɔ mɔde nɛ e ya e hɛ mi. (Heb. 6:1, 2) Ke o ngɛ Baiblo ɔ kase ɔ, e he maa hia nɛ o bɔ mɔde kaa o maa kase ní hehi, kɛ níhi nɛ o ma nyɛ kɛ ma tsu ní ngɛ o si himi mi. Enɛ ɔ he ɔ, ke jehahi babauu ji nɛ ɔ nɛ o ngɛ Ngmami ɔ kasee po ɔ, mɛni o ma nyɛ maa pee konɛ o Baiblo kasemi nɛ nu tso?

Mo ná suɔmi ɔ kaa o maa kase ní daa. Mo hla níhi a mi kɛ ya tsitsaa. Ke o ya nɔ nɛ o kase ní wawɛɛ ɔ, o ma ná hiɔwe nile kɛ blɔ tsɔɔmi nɛ a ngɛ kaa sika tsu. (Rom. 11:33) Moo ngɔ níhi nɛ a kɛ peeɔ níhi a mi hlami nɛ a ngɛ o je gbi mi ɔ kɛ tsu ní saminya. Ke o peeɔ jã a, o maa le níhi fuu ngɛ Baiblo ɔ mi. Moo to o tsui si kɛ hla blɔ tsɔɔmihi kɛ sane bimihi nɛ a he hia mo ɔ a heto ngɛ Baiblo ɔ mi. Mo bi ni kpahi konɛ a tsɔɔ mo ngmamihi aloo munyuhi nɛ a kane hyɛ nɛ a ná he se, nɛ e wo mɛ he wami. Mo de ni kpahi níhi nɛ mohu o kase kɛ je Mawu Munyu ɔ mi nɛ o bua jɔ he ɔ.

Ngɛ anɔkuale mi ɔ, ke wa ngɛ ní kase ɔ, pi oti ɔ ji kaa wa maa le níhi fuu kɛkɛ. Bɔfo Paulo bɔ wɔ kɔkɔ kaa “nile haa nɔ woɔ e he nɔ.” (1 Kor. 8:1) Enɛ ɔ he ɔ, moo bɔ mɔde kaa o maa ba o he si, nɛ o ha nɛ o hemi kɛ yemi ɔ mi nɛ wa. Ke o peeɔ weku Mawu jami daa, nɛ o kaseɔ Baiblo ɔ ngɛ o dɛ he daa a, o ma nyɛ maa pee Yehowa suɔmi nya ní, nɛ lɔ ɔ maa wo mo he wami konɛ o ye bua ní kpahi. Nɔ́ nɛ pe kulaa a, o bua maa jɔ, ejakaa o nine su nɔ́ ko nɛ he jua wa pe sika tsu nɔ.Abɛ 3:13, 14.