Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

‘La Wawɛɛ Kɛ Bua Jɔmi’ Ha Yehowa

 LA 62

La Ehe ɔ

Moo Hla Munyuhi Nɛ A Fiaa Nɛ A Buɔ Tue
La Ehe ɔ
HYƐ
Ningma
Kadimi nɔ́

(La 98)

  1. 1. La kɛ ha Mawu, La yi jemi la he ha lɛ.

    Gbaa níhi nɛ e pee, Kɛ ní nɛ e maa pee.

    Je Yehowa yi; E ji kunimi yelɔ ngua.

    E ji kojolɔ nɛ

    E yeɔ dami sane.

    (NƆ HEMI)

    La wawɛɛ!

    La la ehe wawɛɛ!

    La wawɛɛ!

    Yehowa ji Matsɛ.

  2. 2. La kɛ bua jɔmi Kɛ ha wa Matsɛ Yehowa!

    La kɛ je e biɛ yi; Ha wa la la ngɔngɔɛ.

    Piɛɛ asafo he Kɛ la kɛ ha Nyɔmtsɛ wawɛɛ.

    Nyɛɛ ngɔ titimati,

    Saku kɛ je e yi.

    (NƆ HEMI)

    La wawɛɛ!

    La la ehe wawɛɛ!

    La wawɛɛ!

    Yehowa ji Matsɛ.

  3. 3. Wo kɛ e mi ní, Nyɛɛ wo gbi, nyɛ je Mawu yi.

    Zugba kɛ níhi tsuo Nɛ ngɛ e nɔ, nyɛ la.

    Nyɛ bua nɛ jɔ daa, Nɛ pahi hu nɛ fia a dɛ.

    Yokuhi, dɔgbahi,

    Nyɛ je Yehowa yi.

    (NƆ HEMI)

    La wawɛɛ!

    La la ehe wawɛɛ!

    La wawɛɛ!

    Yehowa ji Matsɛ.

(Moo hyɛ La 96:1; 149:1; Yes. 42:10 hulɔ.)