Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

‘La Wawɛɛ Kɛ Bua Jɔmi’ Ha Yehowa

 LA 134

Mawu Ngɔ Bimɛ Kɛ Wo Fɔli A Dɛ

Moo Hla Munyuhi Nɛ A Fiaa Nɛ A Buɔ Tue
Mawu Ngɔ Bimɛ Kɛ Wo Fɔli A Dɛ
HYƐ
Ningma
Kadimi nɔ́

(La 127:3-5)

  1. 1. Ke nyumu ko ba pee bitsɛ,

    Nɛ yogbayo ko hu ba pee binyɛ,

    A ha mɛ nɔ́ ko nɛ he jua wa.

    Tsa pi tsɛ kɛ nyɛ pɛ a nɔ́;

    Nike ní nɛ je Yehowa ngɔ.

    Wami kɛ suɔmi je Yehowa ngɔ.

    E ha fɔli blɔ tsɔɔmi kpakpa

    Konɛ a kɛ tsɔse a bimɛ.

    (NƆ HEMI)

    A ha nyɛ nɔ́ ko nɛ he jua wa;

    Mawu kɛ bimɛ wo nyɛ dɛ.

    Nyɛɛ bɔ mɔde nɛ nyɛɛ ye bua mɛ,

    Ngɔɔ Mawu mlaa kɛ tsɔse mɛ.

  2. 2. E sa nɛ Yehowa mlaa tsuo

    Nɛ hi fɔli a tsui nɔ daa kɛ daa.

    Nyɛɛ tsɔɔ nyɛ bimɛ Yehowa mlaa;

    Mawu suɔ kaa nyɛɛ pee jã daa.

    Nyɛɛ tsɔɔ mɛ ní ke nyɛ ngɛ blɔ nɔ,

    Ke nyɛ ngɛ we mi, ke nyɛ hwɔɔ si po.

    E ba kaa bimɛ hɛ maa hi nɔ,

    Konɛ Yehowa nɛ jɔɔ mɛ daa.

    (NƆ HEMI)

    A ha nyɛ nɔ́ ko nɛ he jua wa;

    Mawu kɛ bimɛ wo nyɛ dɛ.

    Nyɛɛ bɔ mɔde nɛ nyɛɛ ye bua mɛ,

    Ngɔɔ Mawu mlaa kɛ tsɔse mɛ.

(Moo hyɛ 5 Mose 6:6, 7; Efe. 6:4; 1 Tim. 4:16 hulɔ.)