Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Kristofohi A Si Himi Kɛ A Sɔmɔmi Ní Tsumi ɔ–Ní Kasemi Womi  |  March 2016

 KRISTOFOHI A SI HIMI

Kpɔmi Nɔ́ ɔ Bli Blɔ Kɛ Ha Gbogboehi A Si Temi ɔ

Kpɔmi Nɔ́ ɔ Bli Blɔ Kɛ Ha Gbogboehi A Si Temi ɔ

Kaimi ɔ haa wɔ he blɔ nɛ wa susuɔ jɔɔmihi nɛ kpɔmi nɔ́ ɔ ma ha nɛ wa nine nɛ su nɔ ɔ he. Gbogboehi a si tlemi ɔ ji jɔɔmi ɔmɛ a kpɛti kake. Yehowa bɔɛ nɔmlɔ kaa e gbo. Enɛ ɔ he je nɛ ke wa suɔlɔ ko gbo ɔ, e dɔɔ wɔ wawɛɛ ɔ nɛ. (1Kor 15:26) Benɛ Yesu huɛ Lazaro gbo nɛ e kaseli ɔmɛ ngɛ aywilɛho yee ɔ, Yesu hao wawɛɛ. (Yoh 11:33-35) Akɛnɛ Yesu jeɔ e Tsɛ ɔ su ɔmɛ kpo he je ɔ, e ngɛ heii kaa ke wa suɔlɔ ko gbo nɛ wa ngɛ aywilɛho yee ɔ, e dɔɔ Yehowa. (Yoh 14:7) Yehowa pee klaalo kaa e ma tle e sɔmɔli nɛ a gbo ɔ si kɛ ba wami mi ekohu, nɛ e sa nɛ waa kɛ bua jɔmi nɛ hyɛ jɔɔmi nɛ ɔ blɔ.Hiob 14:14, 15.

Akɛnɛ Yehowa ji Mawu nɛ toɔ nɔ́ tsuaa nɔ́ he blɔ nya he je ɔ, e ngɛ heii kaa gbogboehi a si tlemi ɔ maa ya nɔ ngɛ blɔ nya tomi nya. (1Kor 14:33, 40) Wa be wa he nya buae kɛ pee ya hu, se eko ɔ, wa ma bua wa he nya kɛ nyá nihi nɛ a ma tle mɛ si ɔ a he. Anɛ ke o nɔ ko gbo ɔ, o poɔ gbogboehi a si temi ɔ he foni ngɛ o juɛmi mi ngɛ jamɛ a be ɔ mi lo? (2Kor 4:17, 18) Anɛ o naa Yehowa si ngɛ kpɔmi nɔ́ ɔ he lo? Anɛ o naa lɛ si kaa e gu Ngmami ɔ nɔ kɛ ha nɛ wa le kaa gbogboehi maa kpale kɛ ba wami mi ekohu lo?Kol 3 :15.

  • O huɛmɛ kɛ o weku li te nɛɛ nɛ o ngɛ blɔ hyɛe wawɛɛ kaa o maa na mɛ ekohu?

  • Nihi nɛ a wo a ta ngɛ Baiblo ɔ mi ɔ a kpɛti mɛnɔmɛ nɛ o ngɛ blɔ hyɛe wawɛɛ kaa o maa na mɛ nɛ o kɛ mɛ maa sɛɛ ní?