AWAKE!

Sane Bimi: Anɛ Baiblo ɔ je Mawu ngɔ, aloo adesahi a susumi lɛ ngɛ mi?

Ngmami: 2Tim 3:16

Womi ɔ Hami: Awake! nɛ ɔ tsɔɔ níhi etɛ nɛ maa nɔ mi kaa Baiblo ɔ je Mawu ngɔ niinɛ.

TSƆƆ NIHI ANƆKUALE Ɔ

Sane Bimi: Kɛ e sa kaa waa bu wami nɛ a kɛ dloo wɔ ɔ ha kɛɛ?

Ngmami: Kpoj 4:11

Anɔkuale Munyu: Akɛnɛ wami ji nike ní nɛ Mawu kɛ dloo wɔ he je ɔ, e sɛ nɛ waa ngɔ wa wami kɛ fiɛ kulaa. E sa nɛ waa hyɛ wa he nɔ saminya, e sɛ nɛ waa gbe wa nyɛmi nɔmlɔ. Wa buɔ wami kaa nike ní nɛ he jua wa.

MƐNI JI NƆ́ TITLI NƐ KƐ BUA JƆMI BAA WEKU MI?

Sane Bimi: I kpa mo pɛɛ nɛ o hyɛ sane bimi nɛ ngɛ dɛ womi nɛ ɔ hɛ mi ɔ. Heto nɛ ɔmɛ a kpɛti te nɛ o susu kaa e da?

Ngmami: Luka 11:28

Womi ɔ Hami: Dɛ womi nɛ ɔ tsɔɔ bɔ nɛ o weku ɔ ma nyɛ ma ná munyu nɛ ɔ he se ha, kɛ nɔ́ he je nɛ wa ma nyɛ ma ná hemi kɛ yemi ngɛ níhi nɛ Baiblo ɔ de ɔ mi.

DLA MO NITSƐ O FIƐƐMI MUNYU

Moo hyɛ nɔ́ nɛ a ngma a nɔ kɛ dla mo nitsɛ o fiɛɛmi munyu.