Níhi fuu a se nɛ wa maa di ɔ be hae nɛ wa ná deka ngɛ wa si himi mi. Níhi nɛ wa heɔ, kɛ a dlami biɔ be kɛ he wami. Jã kɛ̃ nɛ e biɔ be kɛ he wami loko wa ma nyɛ maa ngɔ níhi nɛ wa he ɔmɛ kɛ tsu ní. Akɛnɛ Yesu sume nɛ he lo nya níhi a se dimi nɛ puɛ be nɛ e kɛ ma tsu fiɛɛmi ní tsumi ɔ he je ɔ, e pee e si himi kpokploo.Mat 8:20.

Kɛ o ma plɛ kɛ pee o si himi kpokploo konɛ o nyɛ nɛ o pee babauu ngɛ fiɛɛmi ní tsumi ɔ mi kɛɛ? Anɛ ke nyɛ pee tsakemi komɛ ngɛ nyɛ si himi mi ɔ, nyɛ weku ɔ mi no ko ma nyɛ ma tsu blɔ gbami ní tsumi ɔ lo? Ke o ngɛ be tsuo sɔmɔmi ní tsumi ɔ tsue amlɔ nɛ ɔ po ɔ, anɛ o ngmɛ blɔ nɛ he lo nya níhi ngɛ o be puɛe bɔbɔɔbɔɔ lo? Ke wa pee wa si himi kpokploo nɛ wa sɔmɔ Yehowa saminya a, wa bua maa jɔ, nɛ wa tsui maa nɔ wa mi.1Tim 6:7-9.

Moo ngma níhi nɛ o ma nyɛ maa pee konɛ o si himi nɛ pee kpokploo.