Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Kristofohi A Si Himi Kɛ A Sɔmɔmi Ní Tsumi ɔ–Ní Kasemi Womi  |  February 2017

KRISTOFOHI A SI HIMI

Moo Ye Bua O Bimɛ Konɛ A Ná Hemi Kɛ Yemi Ngɛ Bɔlɔ ɔ Mi

Moo Ye Bua O Bimɛ Konɛ A Ná Hemi Kɛ Yemi Ngɛ Bɔlɔ ɔ Mi

Adebɔ níhi jeɔ Yehowa we agboje ɔ kpo. (La 19:1-4; 139:14) Se Satan je ɔ tsɔɔ nihi kaa tsa pi Mawu nɛ bɔ níhi nɛ wami ngɛ a mi ɔ. Tsɔɔmihi kaa jã a gbeɔ Mawu he guɛ. (Rom 1:18-25) Mɛni o maa pee kɛ ye bua o bimɛ ɔmɛ konɛ tsɔɔmihi kaa jã nɛ ko puɛ a juɛmi? Moo ye bua mɛ kɛ je a jokuɛ mi konɛ a ná nɔ mi mami kaa Yehowa ngɛ nitsɛnitsɛ, nɛ e susuɔ a he wawɛɛ. (2Kor 10:4, 5; Efe 6:16) O kɛ o bimɛ ɔmɛ nɛ sɛɛ ní konɛ o le níhi nɛ a tsɔɔ mɛ ngɛ sukuu, kɛ a susumi ngɛ jamɛ a ní ɔmɛ a he. Ngɔɔ ní slɔɔtohi nɛ asafo ɔ pee ɔ kɛ ye bua mɛ konɛ Mawu Munyu ɔ nɛ sɛ a tsui mi.Abɛ 20:5; Yak 1:19.

NYƐƐ HYƐ VIDEO NƐ JI NƆ́ NƐ O JUAMI BI DE—BƆLƆ KO NGƐ. LƆ Ɔ SE Ɔ, NYƐ SUSU SANE BIMI NƐ ƆMƐ A HE:

  • Mɛni ni komɛ deɔ ngɛ nihi nɛ a heɔ Mawu yeɔ ɔ a he?

  • Mɛni a tsɔɔ nyɛ ngɛ nyɛ sukuu ɔ kɛ kɔ Mawu he?

  • Mɛni he je nɛ o ngɛ nɔ mi mami kaa Yehowa ngɛ ɔ?

  • Mɛni blɔ nɔ o maa gu kɛ ye bua nɔ ko konɛ e na kaa Mawu lɛ bɔ níhi tsuo?