Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Baiblo ɔ Ngɛ Intanɛti ɔ Nɔ | NGMAMI KLƆUKLƆU Ɔ—JE EHE BAIBLO

Kpo Jemi 7:1-17

MI MUNYUHI

  • Hiɔwe bɔfohi eywiɛ hɛɛ hɛ mi kpatami kɔɔhiɔ ɔmɛ a mi (1-3)

  • A sɔu nimli 144,000 ɔmɛ a nya (4-8)

  • Asafo kuu ngua ko kɛ a he tade hiɔ klɔiihi (9-17)

7  Enɛ ɔ se ɔ, i na hiɔwe bɔfohi eywiɛ nɛ a daa si ngɛ zugba a kɔ̃ nya eywiɛ ɔmɛ, nɛ a hɛɛ zugba a nɔ kɔɔhiɔ eywiɛ ɔmɛ a mi kpɛii konɛ kɔɔhiɔ ko nɛ ko fia ngɛ zugba a nɔ, aloo ngɛ wo ɔ nɔ, aloo ngɛ tso ko nɔ.  Nɛ i na hiɔwe bɔfo kpa ko nɛ e ngɛ kuɔe kɛ je puje he kɛ ma, nɛ e hɛɛ Mawu hɛ kalɔ ɔ nya sɔumi nɔ́ ɔ; nɛ e kɛ gbi nɛ nya wa de hiɔwe bɔfo eywiɛ ɔmɛ nɛ a ha mɛ he blɔ kaa a ye zugba a kɛ wo ɔ awi ɔ  ke: “Nyɛ ko ye zugba a aloo wo ɔ aloo tso ɔmɛ awi kɛ yaa si be nɛ wa maa sɔu wa Mawu ɔ nyɔguɛ ɔmɛ a nya ngɛ a hɛ nya lolo.”  Nɛ i nu ni nɛmɛ nɛ a sɔu a nya amɛ a yibɔ, nimli 144,000, nɛ a sɔu a nya kɛ je Israel bi ɔmɛ a wɛtso fɛɛ wɛtso mi:  A sɔu 12,000 nya kɛ je Yuda wɛtso ɔ mi;12,000 kɛ je Ruben wɛtso ɔ mi;12,000 kɛ je Gad wɛtso ɔ mi;  12,000 kɛ je Asha wɛtso ɔ mi;12,000 kɛ je Naftali wɛtso ɔ mi;12,000 kɛ je Manase wɛtso ɔ mi;  12,000 kɛ je Simeon wɛtso ɔ mi;12,000 kɛ je Levi wɛtso ɔ mi;12,000 kɛ je Isaka wɛtso ɔ mi;  12,000 kɛ je Zebulɔn wɛtso ɔ mi;12,000 kɛ je Yosɛf wɛtso ɔ mi;12,000 kɛ je Benyamin wɛtso ɔ mi.  Ngɛ enɛ ɔ se ɔ, i na, nɛ hyɛ! asafo kuu ngua ko nɛ adesa ko nyɛ we nɛ e kane, nɛ a je je mahi tsuo kɛ wɛtsohi kɛ nihi kɛ lilɛhi* a mi, nɛ a daa si ngɛ matsɛ sɛ ɔ kɛ Jijɔ Bi ɔ hɛ mi, nɛ a wo tade hiɔ klɔiihi; nɛ tã kũɔmihi* ngɛ a dɛ mi. 10  Nɛ a ya nɔ nɛ a kɛ gbi nɛ nya wa ngɛ ngmlaa kpae ke: “Wa yi wami hemi ɔ ngɛ wa Mawu ɔ, nɔ nɛ e hii si ngɛ matsɛ sɛ ɔ nɔ ɔ, kɛ e Jijɔ Bi ɔ a dɛ mi.” 11  Hiɔwe bɔfo ɔmɛ tsuo daa si kɛ bɔle matsɛ sɛ ɔ kɛ nikɔtɔma amɛ kɛ adebɔ níhi nɛ wami ngɛ a mi eywiɛ ɔmɛ kɛ kpe, nɛ a ngɔ a hɛ mi kɛ bu si ngɛ matsɛ sɛ ɔ hɛ mi nɛ a ja Mawu, 12  nɛ a ngɛ dee ke: “Amen! Ha nɛ a ngɔ yi jemi ɔ kɛ hɛ mi nyami ɔ kɛ juɛmi ɔ kɛ si nami ɔ kɛ bumi ɔ kɛ he wami ɔ kɛ nyɛmi ɔ kɛ ha wa Mawu ɔ kɛ ya neneene kɛ neneene. Amen.” 13  Nikɔtɔma amɛ a kpɛti nɔ kake he nɔ nɛ e bi mi ke: “Ni nɛmɛ nɛ a wo tade hiɔ klɔii ɔmɛ ɔ, mɛnɔmɛ ji mɛ, nɛ jije a je kɛ ba?” 14  Lɔ ɔ he ɔ, amlɔ nɔuu nɛ i de lɛ ke: “Ye nyɔmtsɛ, mo lɛ o le.” Nɛ e de mi ke: “Nimli nɛ ɔmɛ ji ni nɛmɛ nɛ a je amanehlu ngua a mi ɔ nɛ, nɛ a fɔ a tade klɔii ɔmɛ a he nɛ a pee mɛ futaa ngɛ Jijɔ Bi ɔ muɔ ɔ mi. 15  Lɔ ɔ he je nɛ a ngɛ Mawu matsɛ sɛ ɔ hɛ mi nɛ a ngɛ lɛ sɔmɔe ngɛ blɔ nɛ ngɛ klɔuu nɔ nyɔ kɛ pia ngɛ e sɔlemi we ɔ nɛ; nɛ Nɔ nɛ e hii si ngɛ matsɛ sɛ ɔ nɔ ɔ ma bli e bo tsu ɔ mi ngɛ a nɔ. 16  Hwɔ be mɛ yee hu nɛ jã kɛ̃ nɛ kuma hu be mɛ yee, nɛ pu be mɛ sãe, nɛ jã kɛ̃ nɛ la nɛ nya wa ko hu be mɛ sãae, 17  ejakaa Jijɔ Bi ɔ, nɔ nɛ e ngɛ matsɛ sɛ ɔ kpɛti ɔ maa hyɛ a nɔ, nɛ e ma kudɔ mɛ kɛ ya wami nyu hɛ ngmɛhi a he. Nɛ Mawu ma tsu vo nyu fɛɛ vo nyu ngɛ a hɛ mi.”

Sisi ningma

Aloo “gbihi.”
Aloo “tã kɔnihi.”