Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Baiblo ɔ Ngɛ Intanɛti ɔ Nɔ | NGMAMI KLƆUKLƆU Ɔ—JE EHE BAIBLO

2 Tɛsalonika Bi 2:1-17

MI MUNYUHI

  • Nɔ nɛ e yi mlaa nɔ (1-12)

  • A wo mɛ he wami kaa a da si kpɛii (13-17)

2  Se nyɛmimɛ, ngɛ wa Nyɔmtsɛ Yesu Kristo bami ɔ kɛ wa nya nɛ a ma bua kɛ ya e ngɔ ɔ he ɔ, wa ngɛ nyɛ pɛɛ kpae  kaa nyɛ ko ha nɛ munyu ko nɛ je mumi mi* aloo nya mi munyu ko, aloo sɛ womi ko nɛ e ngɛ kaa nɔ́ nɛ e je wa ngɔ ɔ nɛ e tsake nyɛ juɛmi amlɔ nɔuu, aloo e wo nyɛ he gbeye kaa Yehowa* ligbi ɔ ba.  Nyɛ ko ha nɛ nɔ ko nɔ ko nɛ e ha nɛ nyɛɛ tla blɔ* ngɛ blɔ ko blɔ ko nɔ, ejakaa e be bae kaa ja hemi kɛ yemi kuami ɔ ba kekle, nɛ a je nɔ nɛ e yi mlaa nɔ ɔ, nɛ ji hɛ mi kpatami bi ɔ kpo.  E teɔ si kɛ woɔ nɔ́ fɛɛ nɔ́ nɛ a tsɛɔ ke mawu aloo nɔ́ ko nɛ a jaa a,* nɛ e woɔ e he nɔ ngɛ e nɔ, konɛ e hi si ngɛ Mawu sɔlemi we ɔ, nɛ e ngɔ e he kɛ hi tsɔɔe kaa mawu ko ji lɛ.  Anɛ nyɛ kai we kaa benɛ i kɛ nyɛ ngɛ ɔ, i pɔɔ nyɛ ní nɛ ɔmɛ demi lo?  Nɛ amlɔ nɛ ɔ, nyɛ le nɔ́ nɛ ngɛ ní tsue kaa nya tsimi nɔ́ ɔ, bɔ nɛ pee nɛ a je lɛ kpo ngɛ lɛ nitsɛ e be nɛ sa mi.  Ngɛ anɔkuale mi ɔ, mlaa nɔ nɛ a yi nɛ ɔ he laami sane ɔ ngɛ ní tsue momo, se ja nɔ nɛ amlɔ nɛ ɔ, e ngɛ ní tsue kaa nya tsimi nɔ́ ɔ je blɔ mi kekle.  Lɔ ɔ se ɔ, ngɛ anɔkuale mi ɔ, a ma je nɔ nɛ e yi mlaa nɔ ɔ kpo, nɔ nɛ Nyɔmtsɛ Yesu maa ngɔ mumi ɔ nɛ ngɛ e nya mi ɔ kɛ gbe lɛ, nɛ́ e maa gu e bami ɔ he kpo jemi ɔ nɔ kɛ kpata e hɛ mi pɛsɛpɛsɛ ɔ.  Se nɔ nɛ e yi mlaa nɔ ɔ bami ɔ maa gu Satan ní tsumi, kɛ he wami ní tsumi fɛɛ he wami ní tsumi, kɛ lakpa okadihi, kɛ nyakpɛ níhi,* 10  kɛ nɔ́ nɛ dɛ fɛɛ nɔ́ nɛ dɛ nɛ a kɛ sisiɔ nɔ kɛ ha ni nɛmɛ nɛ a hɛ mi ngɛ kpatae ɔ kaa tue gblami nɔ́ ɔ nɔ kɛ ba, ejakaa a kplɛɛ we anɔkuale ɔ suɔmi ɔ nɔ konɛ a he a yi wami. 11  Enɛ ɔ he je ɔ, Mawu ha nɛ susumi nɛ dɛ sisi mɛ konɛ a ba he lakpa a nɛ a ye, 12  bɔ nɛ pee nɛ a kojo mɛ tsuo, ejakaa a he we anɔkuale ɔ yi, mohu ɔ, a bua ya jɔ nɔ́ nɛ dɛ he. 13  Se nyɛmimɛ nɛ Yehowa* suɔ, blɔ nya ní tsumi fɔɔ si ngɛ wa nɔ kaa waa na Mawu si be fɛɛ be ha nyɛ, ejakaa kɛ je sisije ɔ, Mawu hla nyɛ kɛ ha yi wami hemi nɛ e kɛ e mumi ɔ kɛ hemi kɛ yemi nɛ nyɛ ngɛ ngɛ anɔkuale ɔ mi ɔ ha nɛ nyɛ he tsɔ. 14  E tsɛ nyɛ kɛ ba enɛ ɔ he kɛ gu sane kpakpa a nɛ wa jaje ɔ nɔ, konɛ nyɛ ba ná wa Nyɔmtsɛ Yesu Kristo hɛ mi nyami ɔ. 15  Enɛ ɔ he ɔ, jehanɛ ɔ, nyɛmimɛ, nyɛɛ da si kpɛii nɛ nyɛɛ ya nɔ nɛ nyɛɛ pɛtɛ kusumihi nɛ a tsɔɔ nyɛ ɔmɛ a he, a tsɔɔ nyɛ kɛ gu nya mi munyu nɔ jio, kɛ gu sɛ womi ko nɛ je wa ngɔ nɔ jio. 16  Jehanɛ se hu ɔ, wa Nyɔmtsɛ Yesu Kristo nitsɛ kɛ Mawu nɛ ji wa Tsɛ ɔ, nɔ nɛ e suɔ wɔ nɛ e ha wɔ neneene bua womi kɛ hɛ kɛ nɔ fɔmi kpakpa kɛ gu dloomi nɔ ɔ 17  nɛ́ e to nyɛ tsui nɔ nine, nɛ́ e ha nɛ nyɛ he nɛ wa* ngɛ nɔ́ kpakpa peemi fɛɛ nɔ́ kpakpa peemi kɛ munyu tumi mi.

Sisi ningma

Aloo “munyu ko nɛ je mumi ko ngɔ.” Hyɛ Munyu Komɛ A Sisi Tsɔɔmi, “Mumi.”
Hyɛ Munyu Komɛ A Sisi Tsɔɔmi.
Aloo “sisi nyɛ.”
Aloo “buɔ ɔ.”
Aloo “gbami okadihi.”
Hyɛ Munyu Komɛ A Sisi Tsɔɔmi.
Aloo “e wo nyɛ he wami.”