Yaa mi ní ɔ nɔ

Yaa munyuyi tsɔwi ɔmɛ a nɔ

Yaa e mi ní ɔ mi

Yehowa Odasefohi

Dangme

Baiblo ɔ Ngɛ Intanɛti ɔ Nɔ | NGMAMI KLƆUKLƆU Ɔ—JE EHE BAIBLO

1 Timoteo 2:1-15

MI MUNYUHI

  • Nyɛɛ sɔle kɛ ha nimli slɔɔtohi tsuo (1-7)

    • Mawu kake, mi dalɔ kake (5)

    • Kpɔmi nɔ́ nɛ sa pɛpɛɛpɛ kɛ ha nimli tsuo (6)

  • Blɔ tsɔɔmihi kɛ ha nyumuhi kɛ yihi (8-15)

    • Nyɛɛ kɛ humi peemi nɛ dla nyɛ he (9, 10)

2  Lɛɛ kekleekle kulaa a, nɔ́ nɛ i ngɛ he wami woe ngɛ he ji kaa a hɛɛ pɛɛ kpami nɛ mi wa, sɔlemihi, mi damihi, kɛ si namihi a mi ha nimli slɔɔtohi tsuo,  kɛ ha matsɛmɛ kɛ nihi tsuo nɛ a hɛɛ blɔ nya nguahi, konɛ wa nyɛ nɛ waa ya nɔ nɛ waa kɛ Mawu jami nɛ pi si kɛ hɛdɔ nɛ hi si kpoo ngɛ he jɔmi mi.  Enɛ ɔ hi nɛ e sa wa Yi Wami Helɔ ɔ, nɛ ji Mawu hɛ mi,  nɔ nɛ e suɔmi nya ji kaa a he nimli slɔɔtohi tsuo a yi wami nɛ a ba ná anɔkuale ɔ he nile nitsɛnitsɛ ɔ.  Ejakaa Mawu kake lɛ ngɛ, kɛ mi dalɔ kake ngɛ Mawu kɛ adesahi a kpɛti, nyumu ko, nɛ ji Yesu Kristo,  nɔ nɛ e ngɔ e he kɛ ha kaa kpɔmi nɔ́ nɛ sa pɛpɛɛpɛ kɛ ha nimli slɔɔtohi tsuo ɔ—enɛ ɔ ji nɔ́ nɛ a maa ye he odase ngɛ lɛ nitsɛ e be nɛ sa mi ɔ nɛ.  Odase yemi nɛ ɔ he je nɛ a hla mi fiɛɛlɔ kɛ bɔfo ɔ nɛ—anɔkuale nɛ i ngɛ tue ɔ nɛ, pi lakpa nɛ i ngɛ yee—je ma amɛ a tsɔɔlɔ ngɛ sanehi nɛ kɔɔ hemi kɛ yemi kɛ anɔkuale he.  Enɛ ɔ he ɔ, i suɔ kaa ngɛ he fɛɛ he ɔ, nyumu ɔmɛ nɛ a ya nɔ nɛ a sɔle, nɛ a wo ninehi nɛ a he tsɔ nɔ, nɛ abofu kɛ atsinyɛ jemi nɛ ko hi mi.  Jã kɛ̃ nɛ e sa nɛ yi ɔmɛ nɛ a kɛ humi peemi kɛ juɛmi nɛ mi tsɔ* nɛ dla a he bɔ nɛ sa,* pi kɛ yi gbɔmi slɔɔtohi kɛ sika tsu loo adiagba loo tade nɛ he jua wa saminya, 10  se mohu ngɛ blɔ nɛ e sa yihi nɛ a tsɔɔ kaa a jaa Mawu ɔ nɔ, nɛ lɔ ɔ ji kaa kɛ gu ní tsumi kpakpahi a nɔ. 11  Ha nɛ yo nɛ e pee dii* kɛ kase ní kɛ he si bami nɛ pi si. 12  I ngmɛ́ yo ko blɔ kaa e tsɔɔ ní loo e ye nyumu nɔ, mohu ɔ, e sa nɛ e ya nɔ nɛ e pee dii.* 13  Ejakaa Adam lɛ a bɔ kekle, loko Hawa. 14  Jehanɛ se hu ɔ, pi Adam nɛ a sisi, mohu ɔ, yo ɔ nɛ a sisi saminya nɛ e ba pee mlaa nɔ tɔlɔ. 15  Se a maa baa yo yi kɛ gu bi fɔmi nɔ, ke ji kaa e* yaa nɔ ngɛ hemi kɛ yemi kɛ suɔmi kɛ klɔuklɔu peemi kɛ juɛmi nɛ mi tsɔ* mi.

Sisi ningma

Aloo “hɛ si kami.”
Aloo “bumi ngɛ he.”
Aloo “kpoo.”
Aloo “kpoo.”
Hela, “a.”
Aloo “hɛ si kami.”