Cit atir i jami ma tye

Cit atir ka ma nyuto lok ma tye iye

Lapeny ma Kigamo me Baibul

Lapeny ma Kigamo me Baibul

Gin ango ma tye pi dano i anyim?

To pa yecu miyo dano ma i kabedo ducu giparo pi luwotgi nining?

Dano gibimedde ki dongo diro me cayan. Ento, tika dano pigi kengi gitwero weko dano me lobo man gicako paro pi luwotgi? Pe. I kareni, dano mapol i loboni gitye ki cwiny me woro me jami kacel ki me paro pigi kengi. Ma ka meno, Lubanga tye ki yub maber pi dano i anyim.—Kwan 2 Petero 3:13.

Lok pa Lubanga waco ni i kare me anyim dano gibibedo ki mar i kingi. Dano gibikwo ki kuc dok pe tye ngat mo ma bikelo ayelayela i komgi.—Kwan Mika 4:3, 4.

Kibijwayo cwiny me paro piwa kenwa nining?

Lubanga con ocweyo Adam labongo cwiny me paro pire kene. Ento pien en oyero pe me winyo dog Lubanga, dano mukwongo orwenyo kwone ma pe ki roc-ci. Walako cwiny me paro piwa kenwa ki bote. Ento, Lubanga bitic ki Yecu me kwanyo roc woko ki i kom dano.—Kwan Jo Roma 7:21, 24, 25.

Ma lubbe ki miti pa Lubanga, Yecu oto wek emi kwone macalo gityer ki dok ekwany adwogi marac ma kwero winyo dog Lubanga okelo. (Jo Roma 5:19) Pi meno, Yecu omiyo twere bot dano me bedo ki anyim mamwonya pien nongo kibiweko gibedo agonya ki i cwiny me timo jami maraco.—Kwan Jabuli 37:9-11.