Cit atir i jami ma tye

Cit atir ka ma nyuto lok ma tye iye

Adwogi Maber Ango ma Itwero Nongo pi Ngeyo Lubanga?

Adwogi Maber Ango ma Itwero Nongo pi Ngeyo Lubanga?

Dong watyeko niang kore ki kore lagam pi lapeny man ni, Lubanga en anga? Wacako ki neno ki i Baibul ni Lubanga nyinge Jehovah dok kite ma pire tek loyo aye mar. Wanyamo bene gin ma en dong otimo ki ma bitimone pi konyo cwecce ma dano. Kadi bed pud tye jami mapol ma iromo pwonyo i kom Lubanga, iromo bedo ka pennye kekeni ni timo man twero kelo adwogi maber ango boti.

Jehovah ocikke ni “ka ce iyenyo en, ci in ibinongo kome.” (1 Tekwaro 28:9) Go kong mot mamwonya ma tye ka kurri ka iyenyo dok ingeyo Lubanga​—‘ibibedo larem Jehovah!’ (Jabuli 25:14) Adwogi maber ango ma itwero nongo pi bedo ki kodi larem meno?

Yomcwiny kikome. Baibul wacciwa ni Jehovah obedo “Lubanga ma layomcwiny.” (1 Temceo 1:11, NW) Nyikke cok kwede kacel ki poro kite bikeli yomcwiny me ada, ma twero konyi i yo me kom, dok weko i bedo ma wi opye mot. (Jabuli 33:12) Ibibedo ki yomcwiny​—kun igwokke ki i jami ma balo kwoni, kwo iyo ma weko komi bedo yot, kacel ki gwoko wat maber ki jo mukene. Ka i timo kit meno, ci ibiye lok pa laco Jabuli ma owacci: “Bedo cok ki Lubanga aye ber.”​—Jabuli 73:28.

Gwok pi ngat acel acel. Jehovah ocike bot luticce ni: “Abimiyi ryeko dok abineni.” (Jabuli 32:8) Meno tyen lokke ni Jehovah paro pi laticce acel acel dok en miye gin ma mitte me kwone ki kome. (Jabuli 139:1, 2) Ka idongo watti ki lubanga ci ibiniang ni kare ducu en tye cok kwedi.

Anyim ma mwonya. Medo i kom yo me kwo me yomcwiny ma itwero bedo kwede i kare ni, Lubanga Jehovah bene tye ka yabo boti anyim mamwonya. (Icaya 48:17, 18) Baibul waco ni: “Man en kwo ma pe tum, ni ginge in Lubanga acel me ada, ki Yecu Kricito ma yam ioro.” (Jon 17:3) I kare man ma kwo tek-ki, gen ma Lubanga miyowa twero tic macalo lajuk mel ma konyowa me ‘cung matek.’​—Jo Ibru 6:19.

Magi gubedo tyen lok manoknok ma omyero owek wange Lubanga dok wadong wat macok kwede. Bed agonya me lok ki Lacaden pa Jehovah mo keken nyo cit i jw.org/ach pi nongo ngec mukene ma twero konyi.