Cit atir i jami ma tye

Cit atir ka ma nyuto lok ma tye iye

 KWOWA MACALO LUKRICITAYO

“Gin ma Lubanga Oribo Kacel . . .”

“Gin ma Lubanga Oribo Kacel . . .”

Cik pa Moses onongo waco ni laco ma mito keto kenygi myero oyub waraga me ryemo dakone woko. Man onongo timme me gengo keto keny pi tyen lok ma konye pe. Ento, i kare pa Yecu, lutela dini guweko keto keny odoko yot adada. Co onongo giryemo mongi pi tyen lok mo keken. (“waraga me laryem dakone woko” jami akwana me nwtsty-E i kom Mar 10:4; “oryem dakone woko,” “otimo abor” jami akwana me nwtsty-E i kom Mar 10:11) Yecu onyuto ni Jehovah aye ocako te yub me nyom. (Mar 10:2-12) Laco ki dakone giribbe gidoko “kom acel” matwal. Ginacoya ye ni kiket nyom pi tyen lok acel keken, ma en aye tim me “abor.”​—Mat 19:9.

I kare-ni, dano mapol pe gineno nyom kit ma Yecu oneno kwede, ento gineno macalo Luparicayo. Ka peko tye i ot, jo me lobo-ni pe gigale ki keto nyomgi. Kitungcel, Lukricitayo gitero kwongegi me nyom calo gin ma pire tek adada dok gitute matek me cobo peko ma i ot ki lubo cik igi lac me Baibul. I nge neno vidio ma wiye tye ni Mar ki Woro Ribo Jo me Ot Kacel, gam lapeny magi:

  • Itwero tic ki Carolok 15:1 i nyommi nining, ki dok pingo man pire tek?

  • Ka iketo Carolok 19:11 i tic, itwero gwokke ki peko nining?

  • Ka nyomwu cok ket woko, ma ka tamo ni, ‘Tika omyero aket kenya woko?’ lapeny mene ma myero ipenye kwede?

  • Ka iketo Matayo 7:12 i tic, man twero konyi nining me doko laco nyo dako maber?