Omege ki lumege gitye ka gwoko lengo me Ot me Ker i lobo Switzerland

YUB ME COKKE ME KWOWA KI TICWA Mai 2017

Kit me Cako Lok

Tam me miyo magajin me Wi Lubele ki me pwonyo lok ada i kom gin ma bitimme anyim. Ti ki tam magi me yubo kit me cako lok piri keni.

LONYO MA TYE I LOK PA LUBANGA

Lanyut ni Jo Icrael Gibidwogo Cen i Lobogi

Lubanga Jehovah ocikke ningo i kare ma en owacci Jeremia ni owil ngom? Jehovah onyuto berre nining?

LONYO MA TYE I LOK PA LUBANGA

Ebed-melek—Obedo Lanen Maber me Tekcwiny ki Kica

Ebed-melek omoko tamme oyotoyot dok onyuto tekcwiny i cito bot kabaka Jedekia, ento en onyuto cwiny me kica bot lanebi pa Lubanga, Jeremia.

KWOWA MACALO LUKRICITAYO

Gwoko Kabedowa me Woro

Kilwongo nying Lubanga i kabedowa me woro, pi man pire tek adada me rocogi ki gwokogi maleng. Ngat acel acel twero nywako nining i tic me gwoko Ot me Ker?

LONYO MA TYE I LOK PA LUBANGA

Jehovah Biculo Dano Acel Acel ma Lubbe ki Ticce

Jwero Jerucalem kubbe ki lanebi Jeremia ki Kabaka Jedekia, ento jami ma gutimo pat.

KWOWA MACALO LUKRICITAYO

Jehovah Wiye Pe Biwil i kom Mar-ri

Jehovah mono neno luticce ma dong gutii woko ma pe gitwero tiyo tic mapol nining?

LONYO MA TYE I LOK PA LUBANGA

Wek “Yenyo Gin Mogo Madito Piri Keni”

Baruk onongo woro Jehovah dok obedo lagen i konyo Jeremia, ento pi kare mo en kong obedo ki neno ma pe opore. Ngo ma Baruk onongo myero otim me bwot ka kare oo me jwero Jerucalem?

LONYO MA TYE I LOK PA LUBANGA

Jehovah Miyo Mot Bot Jo Mamwol Ento En Pwodo Jo ma Wakke

Babilon ma wakke tutwal-li otero jo pa Jehovah i yo marac adada. Jo Icrael ma gungut i kom balgi kigonyogi ki i opii. Ngo ma otimme i kom Babilon?