Cit atir i jami ma tye

Cit atir ka ma nyuto lok ma tye iye

 KWOWA MACALO LUKRICITAYO

Lub Rwom me Kit Matir pa Jehovah

Lub Rwom me Kit Matir pa Jehovah

Lubanga Jehovah aye keto rwom me kit matir pi dano. Me labolle, cikke tye ni nyom myero obed ribbe ma rii naka i kin laco acel ki dako acel. (Mat 19:4-6, 9) En kwero kit tim mo keken me tarwang. (1Kor 6:9, 10) En bene omiyowa cik ma iye lac ma gudo rukwa ki kit wanen kwede ma pokowa woko ki bot jo me lobo-ni.Nwo 22:5; 1Tem 2:9, 10.

I lobo ma wakwo iye i kareni, dano mapol gikwero rwom me kit matir pa Jehovah. (Rom 1:18-32) Gitiko loko rukgi ki kit ma ginen kwede me bedo ma rwatte ki tam pa dano me lobo-ni. Dano mapol gitimo tim malik ki tek wic dok gicayo jo ma lubo rwom mapat.1Pet 4:3, 4.

Macalo Lucaden pa Jehovah, wan omyero wacung matek pi rwom me kit matir pa Lubanga. (Rom 12:9) I yo ma nining? Omyero walok ki diro kun watito rwom pa Lubanga bot dano. Ento wan bene omyero walub rwom me kit matir i kwowa. Me labolle, ka watye ka yero cital mo me ruk, watwero penye kekenwa ni: ‘Cital ma ayero mono nyuto rwom pa Jehovah nyo me lobo-ni? Rukka ki kit ma anen kwede mono nyuto ni an abedo Lakricitayo ma lworo Lubanga?’ Nyo ka watye ka yero purogram me TV nyo filim me anena, waromo penye kekenwa ni: ‘Purogram man tika yomo cwiny Jehovah? Ilo malo rwom me kit pa anga-ni? Gin ma ayero me galo wanga tika twero weko mitina me timo gin ma atir doko goro? (Jab 101:3) Tika romo doko ariya bot lupacona nyo jo mukene?’1Kor 10:31-33.

Pingo pire tek adada ni walub rwom me kit matir pa Jehovah? Cokcok-ki, Yecu Kricito bijwero rok ki jo maraco ducu. (Ejek 9:4-7) Jo ma gitimo miti pa Lubanga keken aye gibibwot. (1Jon 2:15-17) Dong, wan omyero wail malo rwom me kit matir pa Jehovah wek jo ma ginenowa gumi deyo bot Lubanga.1Pet 2:11, 12.

Rukka ki kit ma anen kwede mono nyuto ngo i kom rwom ma alubo?

NEN VIDIO MA WIYE TYE NI DOK LAREM JEHOVAH—LACO ACEL, DAKO ACEL, CI INGEYE WUNYAM LAPENY MAGI:

  • Pingo obedo me ryeko me lubo rwom me kit matir pa Jehovah i kwowa?

  • Pingo lunyodo omyero gucak pwonyo lutinogi rwom me kit matir pa Jehovah ma pud gitino?

  • Jo matino ki madito gitwero konyo dano nining me limo ber pa Lubanga?