Cit atir i jami ma tye

Cit atir ka ma nyuto lok ma tye iye

 KWOWA MACALO LAKRICITAYO

Tika Itye ka Nongo Adwogi Maber ki i Kwano Ginacoya me Nino Ducu?

Tika Itye ka Nongo Adwogi Maber ki i Kwano Ginacoya me Nino Ducu?

Tika itye ki yub me kwano bukwa me Kwano Ginacoya me Nino Ducu? Ka pe, ci tika itwero keto yub me kwanone nino ducu? Jo mapol gikwano i odiko. Man weko gitwero lwodo lok i kom gin ma gukwano-ni i dyeceng lung. (Yoc 1:8; Jab 119:97) Itwero nongo adwogi maber loyo ki i Ginacoya me nino moni nining? Kwan tyeng mogo muromo ka ngete wek inong ngec matut. Tam i kom gin mo mutimme ma kicoyo i Baibul ma nyuto kit me keto cik ma igi lac ma i tyeng meno i tic. Ci nen kit ma itwero tic ki cik meno i kwoni. Ka itiyo ki lok pa Lubanga me moko tam, ci bitelli dok ibinongo adwogi maber.​—Jab 119:105.

Lubetel ma i twok lobo ducu gikwano Ginacoya me Nino Ducu i odiko. Pol kare kimako yub magi dok kiketogi i JW Broadcasting® i te PROGRAMS AND EVENTS. Igiko neno yub |magi awene? Gwok nyo mo i kingi rwatte piri adada. Me labolle, Gin mutimme i kom Lot twero konyi nining me moko tam?

NEN VIDIO MA WIYE TYE NI PE IMAR LOBO (1JON 2:15), CI IGAM LAPENY MAGI:

  • Yub me Woro me Odiko man onongo jenge i kom cik ma iye lac me Baibul mene?

  • Gin mutimme i kom Lot nyuto adwogi marac ma bino ka wamaro lobo kacel ki jami ma iye nining?​—Acak 13:12; 14:12; 19:3, 12, 13, 24-26

  • Watwero nyutone nining ni wamaro Jehovah ento pe lobo nyo jami ma iye?

I yo mene ma atwero nyutone i kwona me nino ducu ni atero Lok pa Jehovah calo gin ma pire tek?