Cit atir i jami ma tye

Cit atir ka ma nyuto lok ma tye iye

 KWOWA MACALO LUKRICITAYO

Bed Kacel ki Jo ma Maro Jehovah

Bed Kacel ki Jo ma Maro Jehovah

Pingo myero wabed kacel ki jo ma maro Jehovah? Pien luremwa gigudowa i yo maber nyo marac. (Car 13:20) Me labolle, Kabaka Yoaci obedo ka timo “gin ma nen atir i wang Rwot” i kare ma en onongo bedo kacel ki Lalam Dog Madit, Yekoyada. (2Tekwaro 24:2) I nge to pa Yekoyada, Yoaci oweko Jehovah woko, pi lirem maraco.​—2Tekwaro 24:17-19.

I cencwari me acel K.M., lakwena Paulo oporo kacokke pa Lukricitayo ki “ot mo madit” dok oporo jo me kacokke ki “jami” ma kitiyo kwede i ot. Watwero bedo jami ma ‘kitiyo kwede i kare me deyo keken’ ka wagwokke ki bedo ki wat macok ki ngat mo keken ma timo jami ma pe yomo cwiny Jehovah, man kwako wa jo me gangwa nyo me kacokke. (2Tem 2:20, 21) Pi meno, wamedde wunu ki mako lirem ki jo ma maro Jehovah dok gicuko cwinywa me tic pire.

NEN VIDIO MA WIYE TYE NI PWONNYE ME KWERO LUREM MARACO, CI IGAM LAPENY MAGI:

  • I yo mene ma watwero bedo kacel ki jo maraco labongo ngeyone?

  • Ngo ma okonyo Lukricitayo adek ma kinyutogi i vidio-ni me kwero lirem maraco?

  • Cik ma igi lac me Baibul mene ma twero konyi me yero lirem ki ryeko?

Tika atye ‘jami ma kitiyo kwede i kare me deyo keken’?​—2Tem 2:21