Cit atir i jami ma tye

Cit atir ka ma nyuto lok ma tye iye

 KWOWA MACALO LUKRICITAYO

Wun Jo Matino​—Wubed ki ‘Mit Kom pi Tic Maber’

Wun Jo Matino​—Wubed ki ‘Mit Kom pi Tic Maber’

I waraga pa lakwena Paulo bot Tito, en ocoyo ni jo matino, kadi wa Tito myero gutute me ‘tiyo tic mabeco i yo ducu.’ (Tito 2:6, 7) Lacen i cura acel-lu, en onyuto ni kibilonyo jo pa Jehovah wek gubed ki “miti madwong me tiyo tic mabeco.” (Tito 2:14) Tic mabeco magi kwako tito ki pwonyo dano lok i kom Ker pa Lubanga. Ka in pud i bulu, tika itwero tic ki keroni me tic macalo painia pi tutunu nyo painia marii?​—Car 20:29.

Ka imito tic macalo painia, go pulan mupore ma twero konyi me cobo yubbi. (Luka 14:28-30) Me labolle, ibinongo jami ma mitte pi kwoni nining ka itye ka tic pi Jehovah pi kare malac? Ibicobo cawani macalo painia nining? Leg Jehovah wek okonyi. (Jab 37:5) Tit yubbi bot lunyodoni kacel ki jo ma gutiyo macalo painia mucwiny. Ket tek me cobo yubbi. Ci Jehovah bigoyo laane i kom tuteni me tic pire!

NEN VIDIO MA WIYE TYE NI BULU MA GIMIYO DEYO BOT JEHOVAH, CI IGAM LAPENY MAGI:

  • Ariya ango ma jo mukene gulwenyo kwede wek giti macalo painia, dok gutimo meno nining?

  • Lunyodo gitwero konyo lutinogi me tic macalo painia marii nining?

  • Pingo pire tek me goyo pulanni pi tic me pwony?

  • Jo me kacokke gitwero konyo ki cuko cwiny painia nining?

  • Mot ango ma jo ma gitiyo macalo painia ginongo?

Atwero cobo yubba me tic macalo painia nining?