Cit atir i jami ma tye

Cit atir ka ma nyuto lok ma tye iye

 PWONY ME 1

Kwena Maber-ri Obedo Ngo?

Kwena Maber-ri Obedo Ngo?

1. Kwena mua ki bot Lubanga-ni obedo ngo?

Lubanga mito ni dano gubed ki yomcwiny i wi lobo. En oyubo lobo ki jami ducu ma iye pien en maro dano. Cok cokki en dong bicako ticce me kelo anyim mamwonya pi dano me lobo ducu. En bilaro dano ki i pekki ducu ma gitye ka limone.Kwan Jeremia 29:11.

Pe tye gamente mo ma ojuko tim gero, two, nyo to. Ento tye kwena mo maber. Cokcok-ki Lubanga bikwanyo loc pa dano woko ci keto gamente-ne. Jo ma gibibedo i te locce gibibedo ki yotkom dok ki kuc.Kwan Icaya 25:8; 33:24; Daniel 2:44.

2. Pingo kwena maber-ri mitte pi oyot?

Pekki twero gik keken ka Lubanga otyeko jo maraco ducu. (Jepania 2:3) Man bitimme awene? Lok pa Lubanga otito con pi tek kwo ma dano dong tye ka limone-ni. Jami maraco ma tye ka timme i kareni nyuto ni kare me cako tic pa Lubanga dong tye cok.Kwan 2 Temceo 3:1-5.

3. Ngo ma myero watim?

Omyero wanong ngec i kom Lubanga ki i Lokke, Baibul. Lokke obedo calo waraga ma oa ki bot wego ma lamar. Tito botwa kit me nongo kwo maber kombeddi ki kwo ma pe tum i lobo i anyim. Ada, jo mukene pe bimito ni inong kony me niang lok ma tye i Baibul. Ento kwo me anyim opong ki jami mabeco adada ma pe myero ikeng.Kwan Carolok 29:25; Niyabo 14:6, 7.